Keyo 14:31 - Kafa Linguistics Project

³¹ Doono Yeeri Gibitseenaꞌo toommooch bi tuniiti ooge bi giidoon beeggiꞌi, Doono Yeerin shattiyeete; Doono Yeerinaa bi guuno Muusinon gibeneheete.

Keyo 14:31 ပူးပေါင်းရင်းမြစ်များ

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

Nehimi 9:9

“Gibits boonoshi beehooba no qaabbechinaꞌochi xuuxoon beeggehine; Ceelle baharoochaa boonoshi cookoon waayehine.

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Keyo 19:9

Doono Yeeri Muusich “Neenna tookki ta yibbaate beetaa, asheenaꞌo waayemmonaa bulli aaboon neen boonoshi gibenemmonoyich, dunne quboona ne waan woyemmo taane” iye. Aroochee Muusi asheenaꞌo gettiton Doono Yeerich gettiye.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Luqaasi 8:13

Wotta maacaa xaqqechi showooch holliti yaroomminaꞌo geto, Yeerichi qaaroon waayeꞌi bekkech emiroona deqqiibeeti asheenaꞌo getone. Tunebaani cammon yeshaaneenaꞌone; boonoshi mulloon Yeeri toommooch boonoshi tooꞌiibeeto andichalli, daabiloosi boonoshin gondoon shuuniiya bi qiiccehooba, gubb shokiree echemminaꞌone.

Yowannisi 11:45

Arooba Maariyam waan waaꞌi Yesuusi tuniiton beeggiti Ayihudeenaꞌoochee meetinaꞌo boonoshi mulloon bi toommooch tooꞌiiheete.

Yowannisi 2:11

Yesuusi hini malletoon shiichiꞌi Galiilee showooch beeti Qaani katemoochaa tuniihe; arooba bi oogee yiiroon bekkiihe. Ebich bi dabbeenaꞌo boonoshi mulloon bi toommooch tooꞌiiheete.

Mishiraachechinaꞌo 8:13

Simooniyoo wotta bi mulloon Yesuusi toommooch tooꞌiiꞌi aacona afaalleehe. Filipphoosi hammimmooch dabbiibee bi tuniibeeti malletoonaa gaakkechi mooyonon beeggiꞌi worganee beehe.

Hibireena'o 3:5

Muusi gubb Yeeri gettemmi mooyoyich miixoo tuneya Yeerichi kechi asheenaꞌo bulli daggooch aafee bushoochoommon gibeneetone.

Yaasi 24:7

Doono Yeeri ta waan boonoshi cookaa, tawoo boonoshinaa Gibitseenaꞌonochi gutte daggooch manderoon tuniihoye. Baharoon boonoshi toommooch ta wochaa, qoocheheete. Gibitseenaꞌo toommooch ta tuniiton beeggito ittoshine. “ ‘Ittoshiyoo barahooch meeti naton kotehote.

Yaasi 4:14

Ebi arooba Doono Yeeri Yaasin Israꞌeeleenaꞌo bulli aafooch oogiihe. Boonoshiyoo Muusin boonoshi shatoommon, Yaasin kashoona bi beeti yemeeno bullin shattiyeete.

Yaasi 4:24

Ebin bi tuniito, Doono Yeerichi mochoo giidecho bi tunoon showee toommeexi aageteenaꞌo bulli ariyemmonaa ittoshiyoo, ittoshi Nuggishoo Doono Yeerin bulli yemeenoon ittoshi shattemmonoyichiye” iye.

1 Saameeli 12:16

“And illa ebi ittoshi beetooch neexeree, ittoshi aafoochaa Doono Yeeri tuniiya ii beeti, worganikkiti mooyon beegote.

1 Saameeli 12:18

Ebina Saameeli Doono Yeer waan corootiye. Arooba Doono Yeeri xeeyoonaa amiyonon deejjiye. Asheenaꞌo bulliyoo Doono Yeerinaa Saameelinon oogichiꞌi shattiyeete.