Keyo 14:29 - Kafa Linguistics Project

²⁹ Tunebaani Israꞌeeleenaꞌo baharee aaco boonoshi qanninaa yoochinooch daabboochoommon neexeechaa, baharee daggeexi shuuꞌi showoona kimmitinaꞌone.

Keyo 14:29 ပူးပေါင်းရင်းမြစ်များ

2 Taateenaꞌo 2:8

Aroochee Eliyaasi bi iddimoon shoottii qoddiꞌi aacon yexxiye; aacoo okkinaa hachinon qoodeehe. Boonoshi guttiyona shuuꞌi showoona kimmiyeete.

Nehimi 9:11

Ne asheenaꞌo aafooch baharoon gutta ne qoodaa, shuuꞌi showoona kimmiyeete. Tunebaani boonoshin yookkii dabbii beetinaꞌon, xaqqoon ceeni aacooch dufoommon gejjee dechi duchooch curulliihine.

Shoddo 106:9

Ceelle baharoon bi noggetaa shuuqqiye; shuuꞌi showoona boonoshin yaabii kichiye.

Shoddo 136:13

Ceelle baharoon gutta qoodito, bulli yemeenoon shoodechone.

Shoddo 78:13

Baharoon bi qoodaa aroona besheheete; aacoo daabboochoommon bi neexemmoyich tuniihe.

Keyo 14:22

Baharee aaco Israꞌeeleenaꞌochi qanninaa yoochinooch daabboochoommon neexeꞌi bi beetaa, baharee daggeexi shuuꞌi showoona kimmiyeete.

Keyo 15:19

Israꞌeeleenaꞌo baharee daggoona shuuꞌi showoona kimmiyeete; tunebaani Faroonichi haresheenaꞌo, bi gaarinaꞌonaa hareshechinaꞌona baharooch waa boonoshi giyimmona, Doono Yeeri baharee aacon boonoshi toommooch wochiye.

Keyo 15:8

Baharoon ne hugaa, aaco ikkooch guteehe. Wocciibeeti aaco daabboochoommon neexehe; gejje aaco baharee daggooch shiꞌee nagiye.

Isiyaasi 11:15

Doono Yeeri Gibitsee baharoon shuuꞌiyemmone; bi kishoon yaggi Efiraaxisi aachi toommooch gaame yongoon deebi gishiishi aacon tuniiree, shabaatte xaaꞌoona qoodemmone; ebich asheenaꞌo baatoona kimmemminaꞌone.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 51:10

Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

1 Qorontoosi 10:1

Ta maneenaꞌote! Ebin ittoshi tuushoon shunaache. No qaabbechinaꞌo bulli quboona yiireebee Ceelle baharee aacon kimmiyeete.

Yaasi 3:16

wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.