Keyo 14:22 - Kafa Linguistics Project

²² Baharee aaco Israꞌeeleenaꞌochi qanninaa yoochinooch daabboochoommon neexeꞌi bi beetaa, baharee daggeexi shuuꞌi showoona kimmiyeete.

Keyo 14:22 ပူးပေါင်းရင်းမြစ်များ

2 Taateenaꞌo 2:14

Eliyaas waanee holliti iddimoon daammii, aacon yexxiꞌi, “Eliyaasichi Nuggishoo Doono Yeeri aaye?” iye. Aacon bi yexaa, okkinaa hachinon qoodeehe. Elisayiyoo kimmiye.

2 Taateenaꞌo 2:8

Aroochee Eliyaasi bi iddimoon shoottii qoddiꞌi aacon yexxiye; aacoo okkinaa hachinon qoodeehe. Boonoshi guttiyona shuuꞌi showoona kimmiyeete.

Nehimi 9:11

Ne asheenaꞌo aafooch baharoon gutta ne qoodaa, shuuꞌi showoona kimmiyeete. Tunebaani boonoshin yookkii dabbii beetinaꞌon, xaqqoon ceeni aacooch dufoommon gejjee dechi duchooch curulliihine.

Shoddo 106:9

Ceelle baharoon bi noggetaa shuuqqiye; shuuꞌi showoona boonoshin yaabii kichiye.

Shoddo 136:13

Ceelle baharoon gutta qoodito, bulli yemeenoon shoodechone.

Shoddo 136:14

Israꞌeeleenaꞌo bi daggoona beshemmoyich tuniito, bulli yemeenoon shoodechone.

Shoddo 66:6

Baharoon shuuꞌi showoon tuniihe; aacon baatoona kimmiyeete; nowoo ebi bi tuniitona emiriyone.

Shoddo 74:15

Gishiishi aaconaa tunoona xuupphemmoyich tuniihine; ogooge aaco shuuqqemmoyich tuniihine.

Shoddo 78:13

Baharoon bi qoodaa aroona besheheete; aacoo daabboochoommon bi neexemmoyich tuniihe.

Keyo 14:29

Tunebaani Israꞌeeleenaꞌo baharee aaco boonoshi qanninaa yoochinooch daabboochoommon neexeechaa, baharee daggeexi shuuꞌi showoona kimmitinaꞌone.

Keyo 15:19

Israꞌeeleenaꞌo baharee daggoona shuuꞌi showoona kimmiyeete; tunebaani Faroonichi haresheenaꞌo, bi gaarinaꞌonaa hareshechinaꞌona baharooch waa boonoshi giyimmona, Doono Yeeri baharee aacon boonoshi toommooch wochiye.

Keyo 15:8

Baharoon ne hugaa, aaco ikkooch guteehe. Wocciibeeti aaco daabboochoommon neexehe; gejje aaco baharee daggooch shiꞌee nagiye.

Isiyaasi 11:15

Doono Yeeri Gibitsee baharoon shuuꞌiyemmone; bi kishoon yaggi Efiraaxisi aachi toommooch gaame yongoon deebi gishiishi aacon tuniiree, shabaatte xaaꞌoona qoodemmone; ebich asheenaꞌo baatoona kimmemminaꞌone.

Isiyaasi 11:16

Israꞌeeleenaꞌo Gibitsee showoochee boonoshi keyiyooba bi tunetoommon, bi asheenaꞌoochee echeti cureenaꞌo Asooree boonoshi keyi hammemmi gommo qannemmone.

Isiyaasi 43:16

Baharee daggooch gommon halliti, giidechi aachi daggooch boochoon kichii,

Isiyaasi 51:10

Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Isiyaasi 63:13

aachi dechi duchoona boonoshin yaabito aaye?” iyeete. Boonoshiyoo barahooch beeti hareshoochoommon tepheyaanoon besheheete.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.

Haddoo 33:8

Fihahirootee tiyii qaxiriꞌi baharee daggoona beshee barahooch hammiyeete. Aroochee Etaami barahoona keejje qemon qaxiriꞌi Maara koteheete.

1 Qorontoosi 10:1

Ta maneenaꞌote! Ebin ittoshi tuushoon shunaache. No qaabbechinaꞌo bulli quboona yiireebee Ceelle baharee aacon kimmiyeete.

Hibireena'o 11:29

Israꞌeeleenaꞌo Yeeri toommooch mulloon tooꞌiyoona Ceelle baharee gutte daggoona kuxxiꞌi shuuꞌi showoona kimmiyeete; tunebaani Gibitsee asheenaꞌo kimma boonoshi giyaa, baharee aaco boonoshin qooxxiye.

Yaasi 3:16

wocciibeeti aaco neexehe. Tsaretaani katemee gaꞌooch beeti, Addaami getteebeeti wohi katemee katinooch aaco kiceeꞌi guteehe; dugilloon Arabee baharo, ebi geto Kiikki baharo waan, wocciibeeti aaco ciroona kuxee neexehe. Asheenaꞌoo Yaariki ciino waanaa kimmiyeete.

Yaasi 3:17

Israꞌeeleenaꞌo bulli shuuꞌi showoona boonoshi kimmii beetaa, Doono Yeerichi wogee taabootoon shaaggiti qeesheenaꞌo Israꞌeeleenaꞌo bulli kimmimmi wottoon, Yoordaanoosi aachi gutte daggooch shuuꞌi showooch neexee beeheete.

Yaasi 4:22

‘Israꞌeeleenaꞌo hini Yoordaanoosin shuuꞌi showoona kimmiyeete’ getote” iye.

1 Saameeli 25:16

Bagoon quyaabee boonoshina tookkaa no beehooba, areddoon tuneba xumoon nooch uxeroon tunetinaꞌone.