Keyo 14:21 - Kafa Linguistics Project

²¹ Muusiyoo bi kishoon baharee toommooch yaggiye. Doono Yeeriyoo aabi-keyo waanee yongeebeeti, giidechi yongoon deebiꞌi, xumo bullin baharoon gubb wochiye; baharoon gutte beera qoodiꞌi, shuuꞌi showoon tuniihe.

Keyo 14:21 ပူးပေါင်းရင်းမြစ်များ

Halloo 8:1

Yeeri Noohin, biinna tookkii markabooch beeti cooxinaꞌon, gijjeenaꞌo bulloshinoo gabiye. Yeeriyoo showooch taheeꞌi beeti aachi toommooch yongoon yongiihe. Aacoo shappii shappii hammiye.

2 Taateenaꞌo 2:8

Aroochee Eliyaasi bi iddimoon shoottii qoddiꞌi aacon yexxiye; aacoo okkinaa hachinon qoodeehe. Boonoshi guttiyona shuuꞌi showoona kimmiyeete.

Nehimi 9:11

Ne asheenaꞌo aafooch baharoon gutta ne qoodaa, shuuꞌi showoona kimmiyeete. Tunebaani boonoshin yookkii dabbii beetinaꞌon, xaqqoon ceeni aacooch dufoommon gejjee dechi duchooch curulliihine.

Iyoobi 26:12

Bi giidoona baharo shuuraachemmon tuniihe; bi shalligoonoo Rahaabin aalliihe.

Iyoobi 38:24

Xeeyo shacee beetooch daammiibeeti gommo aabine? Woyee aabi-keyo waani yongo, showee toommooch shacee bi beeto aabiicheeniye?

Shoddo 136:13

Ceelle baharoon gutta qoodito, bulli yemeenoon shoodechone.

Shoddo 148:8

Qaaqqoonaa baderoona, kechoonaa quboona, bi getoon ceechiibeeti giidechi yongoo,

Shoddo 66:6

Baharoon shuuꞌi showoon tuniihe; aacon baatoona kimmiyeete; nowoo ebi bi tuniitona emiriyone.

Shoddo 74:13

Ne hakkoona baharoon qoodihine; baharee daggeexi cooxochi qelloon pharixxehine.

Shoddo 78:13

Baharoon bi qoodaa aroona besheheete; aacoo daabboochoommon bi neexemmoyich tuniihe.

Keyo 14:16

Aaco gutte beera qoodeyemmoyich, ne gumboon kaama tiijjiree baharee toommooch yaggibe. Israꞌeeleenaꞌoo baharee daggeexi shuuꞌi showoona kimmemminaꞌone.

Keyo 14:20

Bi neexeto, Gibitseenaꞌonaa Israꞌeeleenaꞌonochi gutte daggoochiye. Qubo Gibitseenaꞌo beeto waan manderoo tuneechii, Israꞌeeleenaꞌo beeto waanaa bekko tunee beehe. Ebich aroobee xumo bullin Gibitseenaꞌonaa Israꞌeeleenaꞌona ikkoo baroo waan katinon hakkaanoone.

Keyo 15:8

Baharoon ne hugaa, aaco ikkooch guteehe. Wocciibeeti aaco daabboochoommon neexehe; gejje aaco baharee daggooch shiꞌee nagiye.

Keyo 7:19

Doono Yeeri daakkiꞌi Muusich ishichiye: “Haroonin ‘Ne gumboon daamiree, Gibitsee showeexi aaco bulli toommooch, ebiyoo woce aachi toommooch, bobbeeti aachi toommooch, kote aachi toommooch, aachi gejjee toommoochoo ne kishoon yaggibe’ gete. Aacoo damoon tunemmone. Xaqqoonaa mixonoochee shuuneeti aachi kicee qiiceenaꞌooch beeti aaco bulliyona echeyaanoon, Gibitsee showeexi aaco bulli damoon tunemmone” iye.

Isiyaasi 23:11

Doono Yeeri baharee toommooch bi kishoon yaggiꞌi, taatittineenaꞌon shuurikkiye; Kanaaneenaꞌochi mishigeenaꞌo happeyemmoyich gettiye.

Isiyaasi 43:16

Baharee daggooch gommon halliti, giidechi aachi daggooch boochoon kichii,

Isiyaasi 44:27

Aachi gejjeenaꞌon ‘Shuuꞌote; ittoshi aacinaꞌon takkemmo taane’ gettemmo taane.

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Isiyaasi 51:10

Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 51:15

Aayo buugemmoyich, baharoon shuurikkaabeeto, ne Nuggishoo Doono Yeeri taane; ta shigoo Beshe Mawe Doono Yeerine.

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Isiyaasi 63:13

aachi dechi duchoona boonoshin yaabito aaye?” iyeete. Boonoshiyoo barahooch beeti hareshoochoommon tepheyaanoon besheheete.

Imbaaqoomi 3:8

Doono Yeero, ne kaaremmoyich tuniitinaꞌo aacinaꞌone? Ne kaareto aacinaꞌoniye? Ne kaaree shiixxoon ne kindiito bahareenaꞌo toommoochiye? Ne asheenaꞌo wudoon danemmoyich ne tuniihooba, quboon hareshoochoommon, gaarichoommonoo yebbehine.

Mishiraachechinaꞌo 7:36

Biyoo boonoshin yaabiꞌi Gibitsee kichiye; Gibitsaa, Ceelle baharoonaa Siinee barahoonoochaa aabbe naton worganikkiti mooyonaa malletoonon bekkiihe.

Yaasi 2:10

Gibitsee ittoshi keyiyooba, Ceelle baharoon Doono Yeeri ittoshi aafooch aabichiꞌi bi shuuꞌiito gaata, ittoshiyoo Yoordaanoosi aachee beqachi gutte Amooree taateenaꞌo Sihooninaa Ooginon aabichiꞌi ciroona ittoshi aalliito gaata waayeto noone.

Yaasi 3:17

Israꞌeeleenaꞌo bulli shuuꞌi showoona boonoshi kimmii beetaa, Doono Yeerichi wogee taabootoon shaaggiti qeesheenaꞌo Israꞌeeleenaꞌo bulli kimmimmi wottoon, Yoordaanoosi aachi gutte daggooch shuuꞌi showooch neexee beeheete.

Yaasi 4:23

Daakkiꞌi ishichiye: “No kimmemmi wottoon, no Nuggishoo Doono Yeeri Ceelle baharoon nooch bi shuuꞌiyoommon, ebiyoommon ittoshi kimmimmi wottoon, Nuggishoo Doono Yeeri Yoordaanoosi aacon ittoshich shuuꞌiitone.