Keyo 14:20 - Kafa Linguistics Project

²⁰ Bi neexeto, Gibitseenaꞌonaa Israꞌeeleenaꞌonochi gutte daggoochiye. Qubo Gibitseenaꞌo beeto waan manderoo tuneechii, Israꞌeeleenaꞌo beeto waanaa bekko tunee beehe. Ebich aroobee xumo bullin Gibitseenaꞌonaa Israꞌeeleenaꞌona ikkoo baroo waan katinon hakkaanoone.

Keyo 14:20 ပူးပေါင်းရင်းမြစ်များ

Shoddo 18:11

Bi guudoon manderoo qeremmoyich tuniihe; aacona ceenniti, dunne qubo bi guudoona tunehe.

Shoddo 78:53

Boonoshin diggoona bi yaabitoyich, shataaneenaꞌone; tunebaani boonoshi etteenaꞌon baharo qooxxiye.

Keyo 14:19

Aroochee Israꞌeeleenaꞌo bullichi aaf hammiibeeti Yeerichi maraakoo wotteꞌi, boonoshi gubb beshehe; ebiyoommon wotta giimboommi qubo boonoshi aafee guuddii besheꞌi boonoshi gubb neexehe.

Keyo 14:21

Muusiyoo bi kishoon baharee toommooch yaggiye. Doono Yeeriyoo aabi-keyo waanee yongeebeeti, giidechi yongoon deebiꞌi, xumo bullin baharoon gubb wochiye; baharoon gutte beera qoodiꞌi, shuuꞌi showoon tuniihe.

Isiyaasi 52:12

Doono Yeeri ittoshi aafooch shiichemmo bi tunetoyich, Israꞌeelee Nuggishoo ittoshi gubbaa quyemmo bi tunetoyich, afaafinoona hamaachemmo ittoshine; gooyiree hamaachemmo ittoshine.

Isiyaasi 8:14

Tawoo yaafee kexon tunemmo taane; tunebaani Israꞌeelee yareenaꞌoyich tephemmi xaqqoon, yexi dichemmi xaqqee guudon tunemmo taane; Yerusaalemi asheenaꞌoyichoo shaachoonaa olloonon tunemmo taane.

Yaasi 24:7

Doono Yeeri ta waan boonoshi cookaa, tawoo boonoshinaa Gibitseenaꞌonochi gutte daggooch manderoon tuniihoye. Baharoon boonoshi toommooch ta wochaa, qoocheheete. Gibitseenaꞌo toommooch ta tuniiton beeggito ittoshine. “ ‘Ittoshiyoo barahooch meeti naton kotehote.