Keyo 14:19 - Kafa Linguistics Project

¹⁹ Aroochee Israꞌeeleenaꞌo bullichi aaf hammiibeeti Yeerichi maraakoo wotteꞌi, boonoshi gubb beshehe; ebiyoommon wotta giimboommi qubo boonoshi aafee guuddii besheꞌi boonoshi gubb neexehe.

Keyo 14:19 ပူးပေါင်းရင်းမြစ်များ

Shoddo 77:20

Muusinaa Harooninochi kishoona, ne asheenaꞌon bagoochoommon yaabihine.

Shoddo 78:53

Boonoshin diggoona bi yaabitoyich, shataaneenaꞌone; tunebaani boonoshi etteenaꞌon baharo qooxxiye.

Keyo 14:20

Bi neexeto, Gibitseenaꞌonaa Israꞌeeleenaꞌonochi gutte daggoochiye. Qubo Gibitseenaꞌo beeto waan manderoo tuneechii, Israꞌeeleenaꞌo beeto waanaa bekko tunee beehe. Ebich aroobee xumo bullin Gibitseenaꞌonaa Israꞌeeleenaꞌona ikkoo baroo waan katinon hakkaanoone.

Keyo 14:24

Showoo hariya iyaa, Doono Yeeri giimboommi quboonaa qaaqqoonochi daggooch tuneechii, dugilla ciinniꞌi, Gibitsee ginechinaꞌo keqqoona shaaweyemmoyich tuniihe;

Keyo 32:34

And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.

Isiyaasi 52:12

Doono Yeeri ittoshi aafooch shiichemmo bi tunetoyich, Israꞌeelee Nuggishoo ittoshi gubbaa quyemmo bi tunetoyich, afaafinoona hamaachemmo ittoshine; gooyiree hamaachemmo ittoshine.

Isiyaasi 58:8

“Ebin ittoshi tuniigaata, ittoshi bekko haree aaboochoommon kechemmone; ittoshi wodoo kaate shaggemmone; ittoshi cadiqo ittoshi aafooch shiichemmone; Doono Yeerichi oogo ittoshi gubbaa tuneree ittoshin quyemmone.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Hosee'i 12:13

Doono Yeeri keemechon daachiiꞌi Israꞌeelin Gibitsee kichiye. Keemechona tuneꞌinoo shiimehe.

Mikiyaasi 2:13

Tiichiꞌi gommon kichecho boonoshi aafooch shiichiree boonoshi keccetoochee boonoshin yaabi kichemmone. Boonoshiyoo katemee kelloon tiishi besheree keyi hammemminaꞌone. Boonoshi Taatoo tuneti Doono Yeeri boonoshi aafooch shiichiree boonoshin yaabemmone.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Haddoo 20:16

Tunebaani Doono Yeer waan no cookaa, no cookoon waayehe; maraakoonoo wocheꞌi, Gibitsee noon kichiye. “ ‘Ebiyoche and ne showee daarooch beeti Qadeesh koteto noone.