Keyo 14:16 - Kafa Linguistics Project

¹⁶ Aaco gutte beera qoodeyemmoyich, ne gumboon kaama tiijjiree baharee toommooch yaggibe. Israꞌeeleenaꞌoo baharee daggeexi shuuꞌi showoona kimmemminaꞌone.

Keyo 14:16 ပူးပေါင်းရင်းမြစ်များ

2 Taateenaꞌo 4:29

Elisayiyoo Giyaazich, “Ne shimetoon cuyebe; ta gumboonoo ne kishooch yeshiree hambe; ashoona ne danegaata, diggiyaahine; asho neen diggii gaatoo, biich wochiyaahine; ta gumboonoo bushoo toommooch qeejjibe” iye.

Keyo 14:15

Aroochee Doono Yeeri Muusich ishichiye: “Amoyichiye ta waan ne cookaa beeto? Asheenaꞌo qaxiremmoyich baach gete.

Keyo 14:26

Aroochee Doono Yeeri Muusich “Baharee aaco Gibitseenaꞌo toommooch, boonoshi gaarinaꞌonaa hareshechinaꞌonochi toommooch wotteree bi guuppemmoyich, ne kishoon baharee toommooch yaggibe” iye.

Keyo 17:5

Doono Yeeriyoo Muusich ishichiꞌi wochiye: “Asheenaꞌoyee shiichi hambe. Israꞌeelee ukkireenaꞌoochee ikkikkeenaꞌon, ebiyoommon wotta Abbaayi aacon ne yexxeti ne gumboon yeshiree hambe.

Keyo 17:6

Tawoo Kooreebi guudooch beeti xaqqee toommoochaa ne aafooch neexemmo taane; xaqqoonoo yexe. Asheenaꞌo uchemmoyich aroochee aaco xuupphemmone” iye. Ebich Muusi Israꞌeelee ukkireenaꞌo aafoochaa ebin tuniihe.

Keyo 4:17

Worganikkiti malleteenaꞌon ne bekkiyemmoyich, ebi gumboon yeshiree hambe” iye.

Keyo 4:2

Doono Yeeriyoo Muusich “Meni ne kisheexo, amoone?” iye. Muusiyoo, “Gumboone” iye.

Keyo 4:20

Muusi bi mecheenaa bi anaami bushiisheenaꞌonon kuroon yebbiiꞌi, Gibits qaxiriye. Yeeri biich gettiti gumboon yechiꞌiniye bi hammito.

Keyo 7:19

Doono Yeeri daakkiꞌi Muusich ishichiye: “Haroonin ‘Ne gumboon daamiree, Gibitsee showeexi aaco bulli toommooch, ebiyoo woce aachi toommooch, bobbeeti aachi toommooch, kote aachi toommooch, aachi gejjee toommoochoo ne kishoon yaggibe’ gete. Aacoo damoon tunemmone. Xaqqoonaa mixonoochee shuuneeti aachi kicee qiiceenaꞌooch beeti aaco bulliyona echeyaanoon, Gibitsee showeexi aaco bulli damoon tunemmone” iye.

Keyo 7:9

“Farooni ‘Eke gaakkechi mooyon shuune bekkiibote’ bi getiyooba, Haroonich ‘Ne gumboon Farooni aafooch dufe’ gete. Gumboo dingeroon tunemmone” iye.

Isiyaasi 10:26

Beshe Mawe Doono Yeeri Oreebi xaqqoochaa Miidiyameenaꞌon bi yexoommon, yaraafoon tiijjiree Asooreenaꞌon yexxemmone; Gibitsaa bi tuniitoommon, aachi toommooch bi gumboon tiijjemmone.

Imbaaqoomi 3:8

Doono Yeero, ne kaaremmoyich tuniitinaꞌo aacinaꞌone? Ne kaareto aacinaꞌoniye? Ne kaaree shiixxoon ne kindiito bahareenaꞌo toommoochiye? Ne asheenaꞌo wudoon danemmoyich ne tuniihooba, quboon hareshoochoommon, gaarichoommonoo yebbehine.

Haddoo 20:11

Muusiyoo bi gumboon kaama tiijjiꞌi, xaqqoon gutte wottoon mutehe. Ooge aaco xuupphiꞌi kechiye. Iiteenaꞌonaa boonoshi gijjeenaꞌona uchiyeete.

Yaasi 8:18

Arooba Doono Yeeri Yaasin “Katemoon ne kishooch beshiiree immemmo taane. Ebich ne kisheexi ginoon Aay waan ballibe” iye. Yaasiyoo bi yechiti ginoon Aay waan balliye.