Keyo 14:14 - Kafa Linguistics Project

¹⁴ Doono Yeeri ittoshi qoodoon koyemmone; ittoshicho cikkiꞌi ciino baachiye” iye.

Keyo 14:14 ပူးပေါင်းရင်းမြစ်များ

2 Kiinoo 20:15

Biyoo ishichiye: “Taatoo Yoshafaaxo, Yihudee showoonaa Yerusaaleminooch beetinaꞌote, bull waayebote. Doono Yeeri ittoshich ishichii beetone: ‘Hini dofee ginee naayinaꞌon shati keqqiyaahote. Koyo Yeeri taachoani ittoshicho toonoone.

2 Kiinoo 20:17

Hini koyoon koyemmo ittoshi toonoone; ittoshi xaaꞌi xaaꞌoon yeshiree baach neexebote; manji neexebote. Doono Yeeri ta, wudoon ittoshich ta daniyoon beeggemmo ittoshine. Yihudee asheenaꞌonaa Yerusaalemi asheenaꞌonote, shati keqqiyaahote; yaach hamiree boonoshina koyebote. Doono Yeeri tawoo ittoshina tookki tunemmo taane’ itone” iye.

2 Kiinoo 20:29

Doono Yeeri Israꞌeeleenaꞌochi etteenaꞌon bi koyon waayeti, aageteenaꞌochi taateenaꞌo bulli Yeerin shattiyeete.

Nehimi 4:14

Aroochee mooyon ta ciinnetoyee gubb, ogoogeenaꞌonaa ukkireenaꞌonoyich, echeti asheenaꞌoyichoo ishichiyo: “Boonoshin shattaahote; oogoonaa shattiitona tuneti Doono Yeerin gabibote. Ittoshi maneenaꞌoyich, ittoshi anaami bushiishoonaa maache bushiishoonoyich, ittoshi mecheenaꞌonaa ittoshi kexonoyicha getiree koyebote” iyaꞌa boonoshich getteho.

Nehimi 4:20

Tiree qaaroon ittoshi waayegaata, no waan kiceebote; no Nuggishoo no qoodoyich koyemmone” iyaꞌa boonoshich getteho.

Nehimi 9:11

Ne asheenaꞌo aafooch baharoon gutta ne qoodaa, shuuꞌi showoona kimmiyeete. Tunebaani boonoshin yookkii dabbii beetinaꞌon, xaqqoon ceeni aacooch dufoommon gejjee dechi duchooch curulliihine.

Shoddo 35:1

Doono Yeero, taanna qiiccee beetinaꞌona qiiccebe; taan kochii beetinaꞌon koye.

Shoddo 50:3

No Nuggishoo woyemmone; cikki qayaachemmone; michiibeeti qaaqqoo bi aafooch beetone; giidechi yuboo bi guudoona beetone.

Shoddo 83:1

Yeero, cikki qajjaahine; Yeero, amoonolla tuniyaanoon cikki koteyaahine.

Keyo 14:15

Aroochee Doono Yeeri Muusich ishichiye: “Amoyichiye ta waan ne cookaa beeto? Asheenaꞌo qaxiremmoyich baach gete.

Keyo 14:25

boonoshi gaarinaꞌochi gengoo guudaachemmoyichoo tuniihe. Gibitseenaꞌo “Doono Yeeri Israꞌeeleenaꞌo qoodoon noonna koyeeniye bi beeto; ebich boonoshi waanee woci wohone” iyeete.

Keyo 15:3

Doono Yeeri koyechone; bi shigoo Doono Yeerine.

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Shoosho 3:26

Asho cikkiꞌi Doono Yeerichi wodiyoon, bi gibenegaata gaawiye.

Yibbaatoo 1:30

Ittoshi aafooch shiichiꞌi hammiibeeti ittoshi Nuggishoo Doono Yeeri, ittoshi aafoona ittoshi ciinnii beetaa, Gibitsee showoonaa barahoonoochaa bi tuniitoommon, bi, bi qelloona ittoshi qoodoon koyemmone. Hini xaaꞌooch ittoshi shaggimmi wottoon, ittoshi shaꞌeti gommo bullin, nihoo bi bushoon tiqqoommon, ittoshi Nuggishoo Doono Yeeri am shaahoon ittoshin tiqqeꞌi bi deebito gaata, ittoshi aafoona beeggito ittoshine’ iyoye.

Yibbaatoo 20:4

Ittoshi Nuggishoo Doono Yeeri ittoshi etteenaꞌon kocha, wudoonoo ittoshi danemmoyich tuniiya ittoshina tookkii hammii beetone’ gete.

Yibbaatoo 3:22

Ittoshi Nuggishoo Doono Yeeri ittoshi qoodoon koyeebeeto bi tunetoyich, boonoshin shattaahote’ iyo.

Yaasi 10:10

Doono Yeeriyoo Amooree ginechinaꞌon Israꞌeeleenaꞌo aafoochee betiihe. Israꞌeeleenaꞌo Gibeꞌoonaa boonoshin wuxii ciichiyeete. Beet Horooni katemooch daammiibeeti, geppechi gommi deshee damboon yookkii dabbiyeete. Azeqinaa Maqidinooch beddaahaa, boonoshin yookkii dabbii wuxiyeete.

Yaasi 10:14

Doono Yeeri ashi getoon bi waayeti, ebiyoommi aabo, aroyee aaf tuneba aroyee gubb, ciroona aalloone. Doono Yeeri Israꞌeeleenaꞌo qoodoon koyehe.

Yaasi 10:42

Israꞌeeleenaꞌo Nuggishoo Doono Yeeri Israꞌeeleenaꞌo qoodoon koyeto bi tunetoyich, Yaasi ebi taateenaꞌo bullinaa boonoshi hajjiibeeti showoonon ikkinnee hamona kochii yechiye.

Yaasi 23:10

Ittoshi Nuggishoo Doono Yeeri ittoshich bi gibenikkiti gibenoommon, ittoshi qoodoon koyeebeeto bi tunetoyich, ittoshi daggoochee ikkoo humoon yookkemmone.

Yaasi 23:3

Ittoshi Nuggishoo Doono Yeeri ittoshicha iꞌi ebi aageteenaꞌo bulli toommooch bi tuniito bullin beeggito ittoshine; ittoshi qoodoon koyeto, ittoshi Nuggishoo Doono Yeerine.

Woraaferasheenaꞌo 5:20

Xojjeneenaꞌo shimaayoochaa koyeheete; shimaayoona guuddiibee Siseerinaa bi ginee naayinaꞌonon kochiyeete.

1 Saameeli 4:7

Filsixeemeenaꞌo oogeton shattiyeete. Boonoshiyoo ishichiyeete: “Nuggishoo Israꞌeeleenaꞌo kaambooch waatone. Illa aallaaniye no beeto! Ebiyee aaf hiniyoommi mooyo ciroona tunee ariyaanoone.