Keyo 13:9 - Kafa Linguistics Project

⁹ Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.

Keyo 13:9 ပူးပေါင်းရင်းမြစ်များ

Nehimi 1:10

“Boonoshiyoo ooge ne hakkoonaa kupphe ne mochoona ne biisheti ne guuninaꞌonaa ne asheenaꞌonane.

Shoddo 136:11

Israꞌeeleenaꞌon boonoshi daggoochee kichito, bulli yemeenoon shoodechone.

Shoddo 136:12

Kupphe bi kishoonaa giidechi bi mochoona ebin tuniito, bulli yemeenoon shoodechone.

Shoddo 89:13

Giidechi mochecho neene. Ne kishoo kupphoone; ne qanne kishoo kaama tiyitone.

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 12:41

Awudde ballaa shaashe nato ceenniyooba, ebi arooba Doono Yeerichi asho bulli mattiqutto tuneꞌi Gibitsee kechiye.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:16

Doono Yeeri giidechi bi mochoona Gibitsee noon bi kichitoyich, ebi doyoo ne kishooch woyee ne barooch geddeti malletoommon tunebe” iye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 3:20

Ebich shattiiti gaakkechi shuunoo bullin boonoshi daggooch tuniyoona, ta mochoon tiijji Gibitseenaꞌon yexxemmo taane. Aroyee gubb keyi ittoshi hammemmoyich ittoshin gawukkemmone.

Keyo 7:4

ittoshi getaa waayeyaachemmone. Ebiyee gubb, Gibitseenaꞌo toommooch giidechi ta mochoon bekkii, oogeti naxoona boonoshin naxeree, ta asheenaꞌo tuneti Israꞌeeleenaꞌon boonoshi yoodi yoodee yaaroona tuniiree, Gibitsee kichemmo taane.

Shaahiyoo 1:9

Ebiyoo ne qellooch oogoon immiibeeti gubbichoommon, ne qettoon malletiibeeti aachee zaaboommonoo tunemmone.

Shaahiyoo 3:21

Ta bushoocho, gaawe shalligoonaa gaawe gaboonon kupphii yeshe; eboshi ne aafoochee wokkaayeete.

Shaahiyoo 7:23

Shango bi qamooch kochitoommon tunehe; kambooch giyeti kafeen shaahiye; ebich bi qoccemmi gatiyoo bi kashoon bi tunoon ariyaanoone.

Solomooni 8:6

Maatemoochoommon ne mullooch, ne mochoochoo taan kotiibe. Shunoo qitoommi kuppho bi tunetoyich, bi qanaatoo maashoommi maacmanjoo bi tunetoyich, qaaqqee aaxxoommon, giidechi conjoommonoo aaxxee beetone.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 40:10

Nuggishoo Doono Yeeri ooge bi giidoona waa beetone; kupphe bi mochoona hajjemmone. Bi waabeeto, bi gaaccemmi gaacoon, bi immemmi shuunee gatiyoon, yechiꞌiniye.

Isiyaasi 44:5

Ikkoo ‘Ta, Doono Yeericho taane’ gettemmone; baroo Yaaqobichi shigoona ceekkemmone; baroo wotta ‘Doono Yeericho’ geti bi kishooch kooremmone; Israꞌeeli shigoona shigemmone” iye.

Isiyaasi 49:16

Yerusaaleme, ne shigoon ta kishee madooch koorito taane; ne uxereenaꞌon bulli aaboon ciinnaabeeto taane.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Erimiyaasi 22:24

“Ta, beeyecho ta tunetoyich, Yihudee taatoo Yoyaqiimichi bushoo Yoyakiino, ne ta qanne kisheexi axxaamittee malletoo ne tunetaanoona aroochee neen kichi duppemmo taane” iye Doono Yeeri.

Daaneeli 9:15

“Andoo, ne asheenaꞌon ooge giidoona Gibitsee kichaꞌa, hanaach beddaahaa ne shigo shalligee bi beeyemmoyich tuniiti no Doono, no Nuggishoocho, no, axaaxoon shuuneto noone; gonde mooyon tuniito noone.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Haddoo 15:39

Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine.

Maatiyoosi 23:5

“Boonoshi shuunoo bullin asho beeggemmoyich baach shuuneheete. Ebich boonoshi baroonaa boonoshi kishoonooch boonoshi cuyeebeeti xifetoon gamichiyeete; boonoshi qoreddee caappoon genjiiheete;

Roomi 10:8

Tunebaani Yaafe Macaafo ama ite? “Yeerichi qaaro neyee wokkito toonoone; halla ne noonoonaa ne mulloonoochiye” itone. Ebiyoo no gettaabeeti, Yeeri toommooch mullee tooꞌiyee qaaroone.

Yibbaatoo 30:14

Tunebaani ebi qaaro neech oogeti katinoone; ne ceechemmoyich, bi beeto ne noonoonaa ne mulloonoochiye” iye.

Yibbaatoo 5:15

Gibits beechaa newoo guuno ne tunoon, ebi aroochee ne Nuggishoo Doono Yeeri ta, kupphe ta kishoonaa giidechi ta mochoonon bekkiyaꞌa neen kichaa ta deebon shalligibe. Ne Nuggishoo ta, shambetoon ne quyemmoyich ta gettaabeeto, ebichiye.

Yibbaatoo 6:21

boonoshich ishichibe: ‘No, Gibits beechaa, Faroonichi guunon tunaꞌa beehone. Doono Yeeri kupphe bi kishoona aroochee noon kichii deebiye.

Yibbaatoo 6:6

Ebi hanaach neech ta gettaabeeti getoon ne mullooch kotiibe.

Yibbaatoo 6:8

Ebi sheeroon batteyaanoon shalligi ne beeyemmoyich kooriree ne kishoonaa ne baree gutte daggoonooch tife.

Yaaꞌoo 18:8

Ebich ikke areddoon qitoo, muusheno, shaacoo tuneti naxeenaꞌo, bi toommooch shaggemminaꞌone; bi toommoochoo nallemmi Doono Yeeri giidecho bi tunetoyich, qaaqqoo biin maayemmine.

Woraaferasheenaꞌo 2:12

Gibitsee boonoshin kichiti, boonoshi qaabbechinaꞌochi Nuggishoo Doono Yeerin qajjiyeete. Boonoshi guudoona beeti asheenaꞌo goyinneebeeti nuggisheenaꞌon dabbiyeete; boonoshichoo goyinneheete. Doono Yeeri boonoshin kaaremmoyich tuniiheete.