Keyo 13:3 - Kafa Linguistics Project

³ Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 13:3 ပူးပေါင်းရင်းမြစ်များ

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

1 Taateenaꞌo 8:42

wohi showoochee bi waato, ooge ne shigoon, kupphe ne kishoonaa giidechi ne mochoona ne tuniiti mooyon waayeꞌi bi tunetoyich, waaꞌi, hini kexo waan bi aafoon wochiichii, bi corootigaata,

1 Kiinoo 16:12

Bi guuno Israꞌeelichi yareenaꞌote, bi kaacciti Yaaqobi bushiisheenaꞌote, bi tuniiti gaakkechi shuunoon, bi nalliti nalloonoo, shalligibote.

Nehimi 1:10

“Boonoshiyoo ooge ne hakkoonaa kupphe ne mochoona ne biisheti ne guuninaꞌonaa ne asheenaꞌonane.

Nehimi 9:10

Boonoshi toommooch coodditinaꞌo boonoshi tunoon ne ariitoyich, Farooni toommooch, bi naayinaꞌo bullinaa bi showooch beeti bi asheenaꞌo bullinochi toommooch worganikkiti malletoonaa gaakkechi shuunoonon bekkiihine; hanaach beddaahaa ne shigo oogemmoyich tuniihine.

Shoddo 105:5

Bi guuno Abrahami yareenaꞌote, bi kaacciti Yaaqobichi bushiisheenaꞌote, bi tuniiti worganikkiti bi shuunoon, bi nalloonaa gaakkechi bi mooyonon gabibote.

Shoddo 114:1

Israꞌeeleenaꞌo Gibitsee, Yaaqobi yareenaꞌo bare yoodeenaꞌo daggoochee, boonoshi keyiyooba,

Shoddo 136:11

Israꞌeeleenaꞌon boonoshi daggoochee kichito, bulli yemeenoon shoodechone.

Shoddo 136:12

Kupphe bi kishoonaa giidechi bi mochoona ebin tuniito, bulli yemeenoon shoodechone.

Shoddo 89:14

Ne taatittino bi neexeto cadiqoonaa dayinnetoona toommoochiye; ne shuunoo bullin shoodoonaa gibeneyoona tuniihine.

Keyo 12:15

“Shabaatte qemon shittoo giyaani koshon mamote. Ikkinnee qemooba shittoo bullin ittoshi kexoochee wokkiibote. Ebi shabaatte qemi daggooch shittoo giyiti koshon maammi asho koniyoona, Israꞌeeleenaꞌo daggoochee kichaa yookkebe.

Keyo 12:17

“Shittoo Giyaani Kochi Baaroon baaribote. Mattiqutte ittoshi asheenaꞌon Gibitsee ta kichemmi aabo arooba bi tunetoyich, ebi aaboon gubbi ittoshi shiijjeroo bulliich beddaahaa, doyoon tuniiree bulli yemeenoon baaribote.

Keyo 12:19

Shabaatte qemi daggooch ittoshi kexooch bukee shittoo beeyaaye. Shiqqoo tuneba showee bushoo shittoo giyiti koshon maammo Israꞌeeleenaꞌo daggoochee kichaa yookkebe.

Keyo 12:2

“Hini ageno ittoshich nati batti batti ageno tunebe.

Keyo 12:41

Awudde ballaa shaashe nato ceenniyooba, ebi arooba Doono Yeerichi asho bulli mattiqutto tuneꞌi Gibitsee kechiye.

Keyo 12:42

Aroobee xum Doono Yeeri boonoshin Gibitsee kichoyich quyee bi qeyiti xumoone. Ebich Israꞌeelee asho bulli ebi xumoon quyoona tokketeyaanoon bi qeyemmi xumo tuneꞌi, bulli yemeenoon Doono Yeerich diireetone.

Keyo 12:8

Meenonoo aroobee xum michiree shittoo giyaani koshonaa caammiibeeti michi waamona tookki mameete.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:9

Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 20:8

“Shambetee aaboon yaafeeti aaboon tuniiꞌi quyoon batteyaahine.

Keyo 23:15

Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch maacheeti baaree aabooba, shabaatte qemon shittoo giyaani koshon mame. “Koniyoona shokke kishoon ta aafooch giddaaye.

Keyo 3:20

Ebich shattiiti gaakkechi shuunoo bullin boonoshi daggooch tuniyoona, ta mochoon tiijji Gibitseenaꞌon yexxemmo taane. Aroyee gubb keyi ittoshi hammemmoyich ittoshin gawukkemmone.

Keyo 34:18

“Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch shabaatte qemon shittoo giyaani koshon mame.

Keyo 6:1

Aroochee Doono Yeeri Muusich ishichiye: “And Farooni toommooch ta tuniyemmon beeggemmo neene. Giidechi ta mochoochee tiyitona, ta asheenaꞌon gawukkemmone. Iberoon giidechi ta mochoochee tiyitona, ‘Ta showoochee keyi hambote’ geti yoohi kichemmone” iye.

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Keyo 7:4

ittoshi getaa waayeyaachemmone. Ebiyee gubb, Gibitseenaꞌo toommooch giidechi ta mochoon bekkii, oogeti naxoona boonoshin naxeree, ta asheenaꞌo tuneti Israꞌeeleenaꞌon boonoshi yoodi yoodee yaaroona tuniiree, Gibitsee kichemmo taane.

Erimiyaasi 34:13

“Israꞌeelee Nuggishoo Doono Yeeri ishichiye: Ittoshi qaabbechinaꞌon guuchittinoochee, Gibitsee showoochee ta kichiyooba, boonoshina tookkii ishichaꞌa wogoon giyeto taane:

Daaneeli 9:15

“Andoo, ne asheenaꞌon ooge giidoona Gibitsee kichaꞌa, hanaach beddaahaa ne shigo shalligee bi beeyemmoyich tuniiti no Doono, no Nuggishoocho, no, axaaxoon shuuneto noone; gonde mooyon tuniito noone.

Maatiyoosi 10:12

Are kexooch ittoshi giyigaata, diggoo getote.

Luqaasi 22:19

Wotta koshon tiijjiꞌi Yeerin galletehe; tiichiꞌi boonoshich immiibee, “Ittoshicha iyaꞌa deejjoon tunii ta immaabeeti ta meeno ebine; ebinoo taan shalligeechon tuniibote” iye.

1 Qorontoosi 11:24

Yeerin galleteechii, tiichiꞌi, “Haꞌote; ebi ittoshich deejjeyemmi ta meenone. Taan shalligoyich, hini koshon mamote” iye.

1 Qorontoosi 5:8

Ebich xalle ibere mulloona shittoo giyaani koshonalli, xuꞌoonaa gondoona ceenniti mulloona shittoo giyiti bukoona hini baaroon baaraayone.

Yibbaatoo 13:10

Xaqqoona yexiree wuxibe. Ebiyoo guuno tunaa hajjeyaꞌa beebee ne echeti Gibitsee neen kichii deebiti, ne Nuggishoo Doono Yeer waanee neen bariiya bi qaawitoyichiye.

Yibbaatoo 13:11

Ebina Israꞌeeleenaꞌo bulli ebin waayeree shattemminaꞌone; ittoshi daggoochee koniyoona ebiyoommi gonde shuunoon wochinnoon shuuneyaachemmone.

Yibbaatoo 13:5

Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 13:6

“Ne manoo, ne indee shiyeto woyee ne bushoo woyee ne bushee woyee ne shunnaabeeti ne mechee woyee kashoommi ne nuuchoo, newoo tuneb ne qaabbechinaꞌo goyinnee maddee ariyaani nuggisheenaꞌoyich ne goyinne maddemmoyich tuniiya qaawiree, ‘Ne waataa hamiree bare nuggisheenaꞌoyich goyinne maddebone’ getiree aashoona neen dachemmo tunemmone.

Yibbaatoo 15:15

Newoo ne qelloona guuno tunaꞌa Gibits ne beemon, ne Nuggishoo Doono Yeeri aroochee neen biisheꞌi bi kichoonoo batteyaahine. Hanaach ebi getoon neech ta gettaabeeto ebichiye.

Yibbaatoo 16:1

Muusi Israꞌeeleenaꞌoyich ishichiye: “Ne Nuggishoo Doono Yeeri Abiibi agenooba, xumoona Gibitsee neen bi kichitoyich, ebi agenooba Beshee Baaroon baariree ne Nuggishoo Doono Yeerin oogiibe.

Yibbaatoo 16:12

Newoo ne qelloona Gibitsaa guuno tunaꞌa ne beemon batteyaahine. Ebi qociyoo bullin manjii quyebe” iye.

Yibbaatoo 16:3

Ebi meenon ne maa beegaata, shittoo gedaa kachiti koshona maayaahine. Beebee ne echeti Gibitsee afaafinoona ne keyiyooba ne tuniitoommon, shabaatte qemi wottoon shittoo giyaani koshon maayemmo neene. Ebiyoo xuuxee kosho getteyemmone. Ebin tuniyoo Gibitsee ne kecheti aaboon, kashoona ne beemmi yemeeno bullin neech shalligichemmone.

Yibbaatoo 24:18

Gibits guunon tunaꞌa ne beemonaa ne Nuggishoo Doono Yeeri aroochee neen biisheꞌi bi kichoonon batteyaahine. Ebin ne tuniyemmoyich ta getteto ebichiye.

Yibbaatoo 24:22

Gibits guunon tunaꞌa ne beemon batteyaahine. Ebin ne tuniyemmoyich ta getteto ebichiye.

Yibbaatoo 26:8

Doono Yeeri worganikkiti malletoonaa gaakkechi shuunoonon shuunoona kupphe bi kishoonaa giidechi bi mochoonon bekkii Gibitseenaꞌon keqqichiꞌi, are showoochee noon kichii deebiye;

Yibbaatoo 5:15

Gibits beechaa newoo guuno ne tunoon, ebi aroochee ne Nuggishoo Doono Yeeri ta, kupphe ta kishoonaa giidechi ta mochoonon bekkiyaꞌa neen kichaa ta deebon shalligibe. Ne Nuggishoo ta, shambetoon ne quyemmoyich ta gettaabeeto, ebichiye.

Yibbaatoo 5:6

‘Gibitsee showeexi guuchittinoochee kichaꞌa neen deebeti ne Nuggishoo Doono Yeeri taane.

Yibbaatoo 6:12

guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

Yibbaatoo 6:21

boonoshich ishichibe: ‘No, Gibits beechaa, Faroonichi guunon tunaꞌa beehone. Doono Yeeri kupphe bi kishoona aroochee noon kichii deebiye.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Yibbaatoo 8:14

ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!

Yibbaatoo 9:12

“Aroochee Doono Yeeri taach ishichiye: ‘Tibe; kaateree hiniichee hambe. Gibitsee ne deebeti asheenaꞌo gonde mooyon shuunoona duubetinaꞌone; boonoshich ta getteti ta getoochee kaateꞌi badd wottetinaꞌone; boonoshichoo shahalloon shuunetinaꞌone’ iye.

Yaasi 24:17

Noonnaa no qaabbechinaꞌonon Gibitsee showeexi guuchittinoochee kichito, no aafoochoo ebi worganikkiti malleteenaꞌon shuuneto, boonoshi daggoona no besheti aageteenaꞌo bulli kishoocheenoo noon quyeto, konine? No Nuggishoo Doono Yeeri toone?

Woraaferasheenaꞌo 2:12

Gibitsee boonoshin kichiti, boonoshi qaabbechinaꞌochi Nuggishoo Doono Yeerin qajjiyeete. Boonoshi guudoona beeti asheenaꞌo goyinneebeeti nuggisheenaꞌon dabbiyeete; boonoshichoo goyinneheete. Doono Yeeri boonoshin kaaremmoyich tuniiheete.

Woraaferasheenaꞌo 6:8

Doono Yeeri ikke keemechon boonoshi waan daachiihe. Biyoo hammiꞌi boonoshich ishichiye: “Israꞌeelee Nuggishoo Doono Yeeri ishichiye: ‘Guuchittinooch hajjeeꞌi ittoshi beeti Gibitsee ittoshin kichiyoye;