Keyo 13:12 - Kafa Linguistics Project

¹² maacwaqqo tuneti anaamo bullin Doono Yeerich immemmo neene; ebiyoommon ne gijjeenaꞌo daggoochee shiichii shiijjeti anaamo bulli Doono Yeerichon tunemmone.

Keyo 13:12 ပူးပေါင်းရင်းမြစ်များ

Nehimi 10:36

“Ebiyoommon wotta Sheeree Macaafooch bi kooreetoommon, no anaami bushiisheenaꞌoochee, no gijjeenaꞌoochee, no bagoonaa emmishoonoochee shiichii shiijjeton no Nuggishoo kexooch, maddeebeeti qeesheenaꞌo waan deebemmo noone.

Nehimi 10:37

“Daakkiree wotta buddinoochee, no maayi wojjoochee, aafo manjeebeeti mixo bulli aafoochee, woyinee uyoonaa zayitoonoochee cilloon no Nuggishoo kexooch, qeesheenaꞌo waan deebemmo noone. Leweenaꞌo no katemoo bulliich gocheebeeti maayoochee asraatoon deqqii beetinaꞌo boonoshi tunetoyich, no maayoochee asraatoon boonoshi waan deebemmo noone.

Keyo 13:1

Doono Yeeri Muusich ishichiye:

Keyo 13:2

“Qaabbii shiijjeti anaamo bullin taach yaafibe. Israꞌeeleenaꞌo daggooch maacwaqqo tuneti anaamo, asho tuneba gijjoo, taachone” iye.

Keyo 22:28

“Yeeri ta toommooch qallayee yibbaatoon yibbaateyaahine. Wotta ne asheenaꞌochi ukkiroon uppaahine.

Keyo 22:29

“Ne maayoochee woyee woyinee uyoochee woyee zayitoochee buuroon yagiyaanoon taach giddiibe. “Ne gutenee bushoon taach imbe.

Keyo 34:19

“Maacwaqqo tuneti anaamo bulli taachone. Ne bushiisheenaꞌoochee, wotta ne gijjeenaꞌoochee, ebiyoo ne bagoochee, ne emmishoonaa miimonoochee shiichii shiijjeti anaamo bulli taachone.

Keyo 34:20

Shiichii shiijjeti kuroon bagee baaddoona biishebe. Tunebaani biishoon ne qayigaata, bi qettimixon tiishe. Ittoshi gutenee anaami bushoo bullin biishebote. “Koniyoona shokke kishoon ta aafooch woyaaye.

Hiziqeeli 16:20

“ ‘Taach ne shiyeti anaami bushiisheenaꞌonaa maache bushiisheenaꞌonon, maayo boonoshi tunemmoyich, boonoshich deejjihine. Ebi ne yahiti yahoo kette mooyone?

Hiziqeeli 44:30

Qaabbe maayo bulliichee gaawi gaawe yiillecho bulli bi shaahi shaahoona, taach ittoshi giddiibeeti maayo bulliichee bi shaahi shaahoona qeesheenaꞌoyich tunemmone; ittoshi kexooch diiroo kotemmoyich, ittoshi buddinee maayi cilloon qeesheenaꞌoyich imbote.

Leweenaꞌo 27:26

“ ‘Shiichii shiijjeti gijjoo Doono Yeeri taacho bi tunetoyich, koniyoona taach kichaaye. Gattoo tuneba bago woyee emmisho taachone.

Haddoo 18:15

Taach boonoshi giddiibeeto, asho tuneba gijjoo, maacwaqqo tuneto bulli neecho tunebe. Tunebaani gutenee bushoonaa xalloo tuneyaanee gijjoochee shiichii shiijjetona gijjoona bi biisheyemmoyich tuniyemmo neene.

Haddoo 3:12

“Ebiyoche ta, maacwaqqo tuneti gutenee bushoochi qoodoyich Leweenaꞌon Israꞌeeleenaꞌo daggoochee deqqeto taane. Gutenee bushoo bulli taacho bi tunetoyich, Leweenaꞌo taacho tunebeete. Gibitsaa shiichii shiijjeti qaabboo bullin ta wuxiyooba, Israꞌeeleenaꞌoochee shiichii shiijjeti qaabboo bullin, ashoonaa gijjoonoochee taach bariito taane; taacho tunebeete. Ta, Doono Yeeri taane” iye.

Haddoo 8:17

Asho tuneba gijjoo, Israꞌeeleenaꞌo daggooch shiichii shiijjeti qaabboo taachone. Gibits beeti qaabboo bullin ta wuxiyooba, taacho boonoshi tunemmoyich boonoshin bariito taane.

Yibbaatoo 15:19

“Ne miimoochee, ne bagoonaa ne emmishoonoochee shiichii shiijjeti anaamo bullin ne Nuggishoo Doono Yeerich kichibe. Shiichii shiijjeti ne gattoona goyoon gochaahine. Shiichii shiijjeti ne bagee eexonoo caggaahine.