Keyo 12:29 - Kafa Linguistics Project

²⁹ Aroobee xumi gutte qellimooch, Doono Yeeri taatee qeenooch koteti Faroonichi gutenee bushoochee tiijjiꞌi, oppee cuyee kexooch cuchetochi gutenee bushooch beddaahaa, Gibits beeti gutenee bushiishoo bullinaa shiichii shiijjeti qaabbe gijjoo bullinon wuxiye.

Keyo 12:29 ပူးပေါင်းရင်းမြစ်များ

Halloo 15:14

Tunebaani guunon tuniiꞌi boonoshin hajjiibeeti asheenaꞌo toommooch nallemmo taane; aroyee gubb wodde gaannoon yeshiree are showoochee kechemminaꞌone.

Iyoobi 34:20

Boonoshiyoo xumee qellimooch diqqoona qitii beetinaꞌone; asheenaꞌoo qeweree, qiti aallemminaꞌone; giidechinaꞌoo ashi kishaalloon tiyi aallemminaꞌone.

Shoddo 105:36

Boonoshi showeexi gutenee bushoo bullin, batti batti boonoshi giidoo tuneto bullin, wuxiye.

Shoddo 135:8

Gibitsee showoochaa batti batt shiijjeton, ashoochee tiijjiꞌi gijjooch beddaahaa wuxito biine.

Shoddo 136:10

Gibitsee showeexi gutenee bushiishoon wuxito, bulli yemeenoon shoodechone.

Shoddo 78:50

Bi kaaroyich gommon qanniihe; qitoocheenoo boonoshin wodiyaanoone; naxoyichoo boonoshin beshiiꞌi immiye.

Shoddo 78:51

Gibitsee showoochaa, gutenee bushoo bullin, Kaami duukkaanoochaa, bushittinee giidoona shiijjetinaꞌon, wuxiye.

Keyo 11:1

Aroochee Doono Yeeri Muusich ishichiye: “Farooninaa Gibitsee showoonooch daakkiree ikke naxoon kindiyemmo taane; aroyee gubb Farooni ittoshin gawukkemmone. Bi gawukkiyooba, ittoshi bullin gashe kichemmone.

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Keyo 12:28

Boonoshiyoo tiyii hammiꞌi, Doono Yeeri Muusinaa Harooninoyich bi gettitoommon tuniiheete.

Keyo 13:15

Farooni noon gawukkaache iꞌi bi mulloon bi muumiihooba, ashoochee tiijjiꞌi gijjooch beddaahaa, Gibitsee showooch shiijjeti maacwaqqo bullin Doono Yeeri wuxiye. No gijjeenaꞌoochee maacwaqqo tuneti anaamo bulli Doono Yeerich bi deejjee beetonaa no bushiishoochee gutenee bushoo tuneti anaamo bulli biishee bi beetona, ebichiye’ gete.

Keyo 4:23

Taach bi goyinne maddemmoyich ta bushoon ne gawukkemmoyich gettoye; tunebaani ne, gawukkemmon qajjehine; ebich ne gutenee bushoon wuxemmo taane” itone’ gete” iye.

Keyo 9:6

Bi dechara Doono Yeeri bi gettiton ceechiye. Gibitseenaꞌochi gijjoo bulli qitii ciirehe; tunebaani Israꞌeeleenaꞌochi gijjoochee ikkolla qitaanoone.

Isiyaasi 24:22

Qoppeenaꞌo oppee maaceexi cuyee kexooch kiceyoommon boonoshiyoo kiceyemminaꞌone; cuyee kexoochoo hichemminaꞌone; meeti aaboyee gubb naxeyemminaꞌone.

Isiyaasi 41:11

Ne toommooch tiyimmo bulli yeellemmone; cooneyemmone; neen shixxii beetinaꞌo billiiree aallemminaꞌone.

Isiyaasi 51:14

Cucheꞌi goobetinaꞌo biichemminaꞌone; qitiree maash hamaachemminaꞌone; koshonoo mucceyaachemminaꞌone.

Erimiyaasi 38:13

Erimiyaasinoo woderoona geechiyeete; oppoocheenoo kichiyeete; Erimiyaasiyoo kellechinaꞌochi addibaabooch kotee beehe.

Erimiyaasi 38:6

Ebina Erimiyaasin daammiyeete; kellechinaꞌochi addibaabooch beeti, taatoochi bushoo Malikiyichi aachi oppooch woderoona desh kindiiꞌi duppiyeete; oppooch dengo baachalli beeto aaco aalloone; Erimiyaasiyoo dengoona qoochehe.

Imbaaqoomi 3:5

Biiyo bi aaf hammemmoyich tuniihe; qitoo bi hillooch katini dabbemmoyich gettiye.

Zakaariyaasi 9:11

Doono Yeeri ishichiye: “Neenna tookkaa damoona wogoon ta giyetoyich, cucheeti ne asheenaꞌon aachaalli oppoochee biishi gawukkemmo taane.

Haddoo 33:4

Arooba Gibitseenaꞌo Doono Yeeri boonoshi daggoochee wuxiti boonoshi gutenee bushiisheenaꞌochi dubenoon duukkii beeheete. Wotta Doono Yeeriyoo boonoshi nuggisheenaꞌo toommooch nallitone.

Haddoo 8:17

Asho tuneba gijjoo, Israꞌeeleenaꞌo daggooch shiichii shiijjeti qaabboo taachone. Gibits beeti qaabboo bullin ta wuxiyooba, taacho boonoshi tunemmoyich boonoshin bariito taane.

Hibireena'o 11:28

Muusi bi mulloon bi tooꞌitoyich, wuxii aalliyechi maraakoo Israꞌeeleenaꞌochi qaabbi qaabboon bi wuxaachemmoyich, boonoshi kechi kellooch damoon boonoshi wucemmoyich gettiye; ebina ebi aaboon Beshee Baaroon boonoshi baaremmi baaree aabo tuniihe.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,