Keyo 12:28 - Kafa Linguistics Project

²⁸ Boonoshiyoo tiyii hammiꞌi, Doono Yeeri Muusinaa Harooninoyich bi gettitoommon tuniiheete.

Keyo 12:28 ပူးပေါင်းရင်းမြစ်များ

2 Saameeli 5:25

Daawitiyoo Doono Yeeri gettitoommon tuniihe; Filsixeemeenaꞌon Geebee tiijjii Gezeer beddaahaa yookkii dabbiꞌi kochiye.

1 Taateenaꞌo 17:5

Ebich Doono Yeeri gettitoommon tuniihe; Yoordaanoosi aacoochaa aabi-keyo waan beeti, Keriiti woce aaco beetooch hammiꞌi kotehe.

Keyo 12:27

boonoshich ishichi getote: ‘Doono Yeeri Gibitseenaꞌon qitoona bi naxehooba, Gibitsee showoochaa Israꞌeeleenaꞌochi kechi kelloona besheꞌi no kexon bi wodiitoyich, Doono Yeerich no deejjiibeeti, Beshee Baaree deejjoone’ gettemmo ittoshine” iye. Aroochee asheenaꞌo yittiyeete; Yeerich goyinneenoo iyeete.

Keyo 12:29

Aroobee xumi gutte qellimooch, Doono Yeeri taatee qeenooch koteti Faroonichi gutenee bushoochee tiijjiꞌi, oppee cuyee kexooch cuchetochi gutenee bushooch beddaahaa, Gibits beeti gutenee bushiishoo bullinaa shiichii shiijjeti qaabbe gijjoo bullinon wuxiye.

Keyo 12:35

Muusi boonoshich gettitoommon, Israꞌeeleenaꞌo birewoonaa aachoonoochee shuuneeti shashoon, ebiyoommon tahoon, Gibitseenaꞌo waanee echetinaꞌone.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 36:1

“Ebich Betsaleeli, Oholiyaabi, wotta yaafee duukkaanee shuunoo bullin aabichiree boonoshi shuunemmo gaata Doono Yeeri hakkoonaa ariyoonon boonoshich immiti, ariyechi asheenaꞌo bulli Doono Yeeri gettitoommi gommona shuunoon shuunemminaꞌone” iye.

Keyo 39:32

Ebiyoommi gommona yaafee duukkaanee shuunoo, ebiyoo Doono Yeerina danee duukkaanee shuunoo bulli, shuunetaa ciyiye. Israꞌeeleenaꞌo Doono Yeeri Muusich gettitoommon tuniiꞌi, bulli mooyon shuuneheete.

Keyo 39:42

Doono Yeeri Muusich gettitoommon tuniiꞌi Israꞌeeleenaꞌo shuunoo bullin shuunee ciichiyeete.

Keyo 39:43

Muusiyoo ebi shuuneeti mooyo bullin Doono Yeeri gettitoommon tuniiꞌi boonoshi shuunoon beeggiye; boonoshinoo diiriye.

Keyo 7:10

Ebich Muusinaa Haroonina Faroon waan hammiꞌi, Doono Yeeri boonoshich gettitoommon tuniiheete. Harooniyoo bi gumboon Farooninaa bi iraasheenaꞌonochi aafooch duppiye; ebi gumboo dingeroon tunehe.

Keyo 7:6

Muusinaa Haroonina Doono Yeeri gettitoommon tuniiheete.

Leweenaꞌo 24:23

Muusiyoo ebi bullin asheenaꞌoyich gettiye. Asheenaꞌo Doono Yeerichi shigoon naaggiti uroon kaamboyee maach kichiꞌi xaqqoona yexxii wuxiyeete. Israꞌeeleenaꞌo eechiꞌi Doono Yeeri Muusich gettitoommon tuniiheete.

Haddoo 1:54

Israꞌeeleenaꞌo Doono Yeeri Muusich gettitoommon tuniiꞌi ebi bullin tuniiheete.

Haddoo 31:31

Muusinaa qeeshoo Elazaarina Doono Yeeri Muusich gettitoommon tuniiheete.

Haddoo 31:41

Muusiyoo Doono Yeeri biich gettitoommon, Doono Yeerichi qoodee gibiroon qeeshoo Elazaarich immiye.

Haddoo 31:47

Israꞌeeleenaꞌochi qoodoochee Muusi ashoonaa gijjoonoochee aachoochee ikkoon tiijjiye. Doono Yeeri biich gettitoommon, Doono Yeerichi yaafee duukkaanoon quyoona maddeebeeti Leweenaꞌoyich immiye.

Haddoo 5:4

Israꞌeeleenaꞌo ebi boonoshich getteeton tuniiheete; Doono Yeeri Muusich gettitoommon, boonoshin kaamboochee kichiyeete.

Yibbaatoo 34:9

Muusi bi qitoyee shiichiꞌi, bi kishoon Nuuni bushoo Yaasichi shimbooch kotiiꞌi, bi keroon bi ukkiriitoyich, Yaasi shalligee Ayaanoona ceennitone. Israꞌeeleenaꞌo, Doono Yeeri Muusich gettitoommon tuniiꞌi, bi getoon waayeheete.

Hibireena'o 11:28

Muusi bi mulloon bi tooꞌitoyich, wuxii aalliyechi maraakoo Israꞌeeleenaꞌochi qaabbi qaabboon bi wuxaachemmoyich, boonoshi kechi kellooch damoon boonoshi wucemmoyich gettiye; ebina ebi aaboon Beshee Baaroon boonoshi baaremmi baaree aabo tuniihe.

Yaasi 14:5

Ebiyoommi gommona Israꞌeeleenaꞌo Doono Yeeri Muusich bi gettitoommon, showoon qoodeeheete.

Yaasi 4:8

Ebi aaraa gutte asheenaꞌo Yaasi gettitoommon tuniiheete. Doono Yeeri Yaasich gettitoommon, Israꞌeelee yoodi yoodee haddoona, aaraa gutte xaqqeenaꞌon Yoordaanoosi aachi daggoochee tiijjii, asheenaꞌo qeyemmi xaaꞌooch beddaahaa shaaggii daammiꞌi, arooch kotiiheete.