Keyo 12:27 - Kafa Linguistics Project

²⁷ boonoshich ishichi getote: ‘Doono Yeeri Gibitseenaꞌon qitoona bi naxehooba, Gibitsee showoochaa Israꞌeeleenaꞌochi kechi kelloona besheꞌi no kexon bi wodiitoyich, Doono Yeerich no deejjiibeeti, Beshee Baaree deejjoone’ gettemmo ittoshine” iye. Aroochee asheenaꞌo yittiyeete; Yeerich goyinneenoo iyeete.

Keyo 12:27 ပူးပေါင်းရင်းမြစ်များ

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

2 Kiinoo 20:18

Yoshafaaxiyoo baroona showooch guufehe. Biinna tookkii beeti, Yihudee asheenaꞌonaa Yerusaalemi asheenaꞌona guufeꞌi Doono Yeerich goyinneheete.

2 Kiinoo 29:30

Taatoo Hiziqiyaasinaa bi iraasheenaꞌona Leweenaꞌona kooreeti, Daawitinaa yaaꞌechi Asaafina kichiti galletee shoddeenaꞌon shoddoona Doono Yeerin boonoshi galletemmoyich, gettiyeete. Boonoshiyoo emiroona shoddee galleteheete; yittiꞌinoo goyinneheete.

Nehimi 8:6

Iziriyoo ooge Nuggishoo Doono Yeerin galletehe. Asheenaꞌo bulliyoo boonoshi kishoon kaama yaggiꞌi, “Ameena, ameena” iibee ceechiyeete; boonoshi qelloon yittiiheete; baroona guufeꞌi Doono Yeerich goyinneheete.

Shoddo 44:1

Yeero, no waamona waayeto noone; wonna, boonoshi yemeenooch ne tuniiton, no qaabbechinaꞌo nooch gettitinaꞌone.

Shoddo 78:5

Biyoo Yaaqobichi shiijjereenaꞌoyich qociyoon neechiye; Israꞌeeleenaꞌoyichoo sheeroon geddiye; no qaabbechinaꞌoo boonoshi bushiisheenaꞌoyich boonoshi dojjemmoyichoo gettiye.

Keyo 10:2

Ebiyoo Gibitseenaꞌon aabichaꞌa boonoshi kashoona ta kaacheto gaata, wotta boonoshi daggooch am shaahe worganikkiti malleteenaꞌon ta tuniito gaata, ittoshi bushiisheenaꞌonaa ittoshi bushaa bushiisheenaꞌonoyich ittoshi gettemmoyichiye. Arooba Doono Yeeri ta tunoon ariyemmo ittoshine” iye.

Keyo 12:11

Ebi meenon ittoshi maa beegaata, ittoshi shimetoon cuye, ittoshi caammoon gedi, ittoshi gumboon yeshiree, afaafinoona mamote. Ebiyoo Doono Yeeri taach tunemmi, ittoshi baaremmi Beshee Baaroone.

Keyo 12:23

Doono Yeeri Gibitseenaꞌon wuxiya Gibitsee showoona beshemmone. Kellee dambee shagoonaa gutte qoomoonooch huutteti damoon beegiichi, are kexon besheree hammemmone. Biyoo wuxii aalliyechi maraakoo ittoshi kexooch giyiree, ittoshi gutenee bushiishoon bi wuxemmoyich daaggaachemmone.

Keyo 12:28

Boonoshiyoo tiyii hammiꞌi, Doono Yeeri Muusinaa Harooninoyich bi gettitoommon tuniiheete.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:8

Hini baaroon ne baarimmi aabooba, ne bushiisheenaꞌoyich ‘Ebin ta tuniyaabeeto, Gibitsee ta keyiyooba, Doono Yeeri taach tuniiti gaawe mooyoyichiye’ gete.

Keyo 34:25

“Taach gijjoon ne deejjii beegaata, bi damoon shittoo giyiti koshona tookki giddiyaahine. Beshee Baarooba echeti deejjee meenon decharee maaddooch beddaahaa, yagiyaahine.

Keyo 34:8

Muusiyoo bekkech showooch baroona guufeꞌi goyinnehe;

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

1 Qorontoosi 5:7

Shittaalli bukoommon ittoshi tunemmoyich, shittoommi axaaxoon ittoshi daggoochee kichibote. Shittaalli bukoommi asho ittoshi tunoon ariibeeto taane. Beshee Baarooba, deejjeebeeti bagoochoommon, Kiristoosi nooch deejjeetone.

Yibbaatoo 16:2

Ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, Beshee Baaree deejjoon ne deejjaa beegaata, ne miimoochee woyee ne bagoochee woyee ne emmishoochee bashiree biich deejjibe.

Yibbaatoo 16:5

“Ne Nuggishoo Doono Yeeri neech bi immiibeeti katemeenaꞌoochee aabiichaanona, gijjoon bashiree Beshee Baaree deejjoon giddiyaahine.