Keyo 12:12 - Kafa Linguistics Project

¹² “Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Keyo 12:12 ပူးပေါင်းရင်းမြစ်များ

1 Kiinoo 14:12

Filsixeemeenaꞌo boonoshi shahalleenaꞌon arooch boonoshi duppitoyich Daawiti qaaqqooch bi asheenaꞌo michemmoyich bi getaa, michiyeete.

Shoddo 135:8

Gibitsee showoochaa batti batt shiijjeton, ashoochee tiijjiꞌi gijjooch beddaahaa wuxito biine.

Shoddo 82:1

Yeeri shimaajji iitee daggoochaa bi xaaꞌooch beshehe; nuggisheenaꞌo toommooch ishichii nalliye:

Shoddo 82:6

“Tawoo, ‘Ittoshi, nuggishoo ittoshine; ittoshi bulliyona Beshoo Yeerichi bushiishoo ittoshine’ iyoye.

Shoddo 91:7

Ne gaꞌooch humo, ne qanne badd aashire humo, dihemmone; tunebaani ne waan katinaachemmone.

Shoddo 95:3

Doono Yeeri ooge Nuggishoone; nuggisheenaꞌo bulli toommooch ooge Taatoone.

Keyo 12:23

Doono Yeeri Gibitseenaꞌon wuxiya Gibitsee showoona beshemmone. Kellee dambee shagoonaa gutte qoomoonooch huutteti damoon beegiichi, are kexon besheree hammemmone. Biyoo wuxii aalliyechi maraakoo ittoshi kexooch giyiree, ittoshi gutenee bushiishoon bi wuxemmoyich daaggaachemmone.

Keyo 18:11

Israꞌeeleenaꞌon geecoona hajjitinaꞌo toommooch ebin bi tuniitoyich, Doono Yeeri, asho goyinneebeeti nuggisheenaꞌo bulliyee beshe giidecho bi tunoon and ariito taane” iye.

Keyo 21:6

bi doono nallechinaꞌo waan daambe; aroochee kellee shaaqqooch woyee qoomooch tuggiichi, ikke bi waamon mutoona hottibe; ebina hini guuno bi qitimmi wottoon bi doonoyich guunon tunemmone.

Keyo 22:28

“Yeeri ta toommooch qallayee yibbaatoon yibbaateyaahine. Wotta ne asheenaꞌochi ukkiroon uppaahine.

Keyo 6:2

Yeeriyoo daakkiꞌi Muusich ishichiye: “Ta, Doono Yeeri taane.

Keyo 9:6

Bi dechara Doono Yeeri bi gettiton ceechiye. Gibitseenaꞌochi gijjoo bulli qitii ciirehe; tunebaani Israꞌeeleenaꞌochi gijjoochee ikkolla qitaanoone.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Erimiyaasi 43:12

Biyoo Gibitsee nuggisheenaꞌo kexinaꞌooch qaaqqoon tuchemmone; michemmone; boonoshi nuggisheenaꞌon keci daammemmone; qiddoo daroon bi xappoommon Gibitsee showoon biichooch daakkemmone; boonoshi waanee diggoona kechemmone.

Erimiyaasi 43:13

Gibits beeti Heliyopolisi katemeexi xaqqee giimbeenaꞌon tiichemmone; Gibitsee nuggisheenaꞌo kexinaꞌooch qaaqqoon tuchemmone’ itone gete” iye.

Erimiyaasi 46:25

Israꞌeelee Nuggishoo, Beshe Mawe Doono Yeeri ishichiye: “Tebeesi nuggishoo Amoonin, Faroonin, Gibitsin, bi nuggisheenaꞌonaa bi taateenaꞌonon, Faroonin gibenee beetinaꞌonoo naxemmo taane.

Hiziqeeli 12:16

Tunebaani boonoshi hammiti aageteenaꞌo daggoochaa ciigiiti boonoshi mooyichon boonoshi shalligemmoyich, boonoshi daggoochee giishecheenaꞌon goraadoochee, shaacoonaa biiyoonoochee quye echiyemmo taane; ebiyooba Doono Yeeri ta tunoon ariyemminaꞌone” iye.

Amootsi 5:17

Ittoshi daggooch ta giyaa, woyinee goyo bulliichaa eefo eeppeyemmone” iye Doono Yeeri.

Sofoniyaasi 2:11

Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.

Haddoo 33:4

Arooba Gibitseenaꞌo Doono Yeeri boonoshi daggoochee wuxiti boonoshi gutenee bushiisheenaꞌochi dubenoon duukkii beeheete. Wotta Doono Yeeriyoo boonoshi nuggisheenaꞌo toommooch nallitone.

1 Saameeli 5:3

Ashidoodi asheenaꞌo dechara maaddoona tiyii ciinniꞌi, Daagooni Doono Yeerichi taabootee aafooch, showooch guufeꞌi beeton beeggiyeete. Aroochee tiijjiꞌi bi xaaꞌooch wochii neechiyeete.

1 Saameeli 6:5

Gaabee misileenaꞌon, ittoshi showoon aalliibeeti iicceenaꞌochi misileenaꞌonoo shuuneree Israꞌeelee Nuggishoyich oogoon imbote. Ebin ittoshi tuniigaata, diqqich ittoshin, ittoshi nuggisheenaꞌonaa ittoshi showoonon naxoon qajjemmo tunemmone.