Keyo 11:8 - Kafa Linguistics Project

⁸ Hini ne iraasheenaꞌo bulli ta waan waaree yiti tiyibee, ‘Newoo tuneb neen dabbiibeeti asho bulli keyi hambote’ geti qollemminaꞌone. Tawoo aroyee gubb hammemmo taane” iye. Aroochee ippee shineꞌi, Farooni aafoochee kechiye.

Keyo 11:8 ပူးပေါင်းရင်းမြစ်များ

1 Taateenaꞌo 20:10

Been Hadaadiyoo, “Taan dabbiibeeti asheenaꞌoyich Shamaaree butto kopp koppee ikki bi bedigaata, nuggisheenaꞌo ta toommooch ebin tuniibeete; ebinoo daakkibeete” iꞌi wochehe.

2 Taateenaꞌo 3:9

Ebich Israꞌeelee taatoo Yihudee taatoonaa Edoomee taatoona tookkii hammiye. Shabaatte qemi gommon boonoshi guudditoyee gubb, ginee naayinaꞌonaa boonoshi hillooch beeti gijjeenaꞌonoyich aaco aallehe.

Nehimi 5:6

Tawoo ebi mooyonaa boonoshi cookee qaaroonon ta waayehooba, oogichaa kaareho.

Shoddo 6:1

Doono Yeero, ne kaaroona taan sheeriyaahine; ne kaaree shiixxoonoo taan yexxaahine.

Keyo 10:29

Muusiyoo “Ne gettetoommon tunebe. Tawoo guttinnoon ne aafooch shagaache” iye.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Hiziqeeli 3:14

Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.

Daaneeli 3:19

Aroochee Nabukadinatsori Sidiraaqi, Misaaqinaa Abidinaginochi toommooch oogeton ippee shinehe; bi aafoo aaqqiye. Ebi qaaqqee sheelloo bi gaamooch shabaatte kishoon daakkiree bi gaamemmoyich bi asheenaꞌoyich gettiye.

Haddoo 12:3

Showee toommooch beeti asho bulliyee beshoon Muusi bi qelloon giishiibeeti ashoone.

Maariqoosi 3:5

Yesuusi boonoshi mullo muumetoyich oogichii ayiniꞌi bi guudoona beetinaꞌon kaaree aafoona ciinniye. Uroonoo “Ne kishoon yaggibe” iye. Biyoo yaggiye; bi kishoo wotteꞌi iiwehe.

Yibbaatoo 29:24

Aageteenaꞌo bulli ebin beegiree, ‘Doono Yeeri ebi showee toommooch ebin amoyich tuniihe? Ebi shaahoon oogichiꞌi bi kaareto, amoyichiye?’ geti echemminaꞌone.

Yibbaatoo 32:24

Shaacoonaa achee gaamoona qiti ciiremmo ittoshine; kupphe biiyoonoo qiti ciiremmo ittoshine. Ittoshin bi maayemmoyich kubbi cooxon, ittoshin bi wuxemmoyichoo qoppiibeeti dingeroon deejjemmo taane.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.

Woraaferasheenaꞌo 4:10

Baraaqiyoo Zebuloonee asheenaꞌonaa Nifitaalee asheenaꞌonon Qedeesh ceekkiihe. Aashire hume asheenaꞌoo biin dabbiyeete. Diibooriyoo biinna tookkaa hammahan.

Woraaferasheenaꞌo 8:5

Sukoot shaggiꞌi, are katemeexi asheenaꞌon, “Miidiyamee taateenaꞌo Zebaahinaa Tsalmuninon yookkaa dabbaa ta beetaa, taan dabbiti ta asheenaꞌo maraatetoyich, koshon boonoshich imbote” iꞌi qollehe.