Keyo 10:3 - Kafa Linguistics Project

³ Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Keyo 10:3 ပူးပေါင်းရင်းမြစ်များ

1 Taateenaꞌo 18:21

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

1 Taateenaꞌo 21:29

“Akaabi bi qelloon ta aafooch aabichiꞌi bi giishiito gaata beeggaa beetine? Bi qelloon ta aafooch bi giishiitoyich, gonde mooyon bi yemeenooch deebaachemmo taane. Tunebaani bi bushoochi yemeenooch gonde mooyon bi kexooch deebemmo taane” iye.

2 Taateenaꞌo 22:19

hini xaaꞌoon uppeton, ashaalli xafoonoo tuniyemmo ta tunoon, ta getteti qaaroon waayaꞌa, ne mullo tiishetoyich, Doono Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

2 Kiinoo 33:12

Minaasi bi xuuxehooba, bi Nuggishoo Doono Yeerichi gaachoon qaawiye. Bi qaabbechinaꞌochi Nuggishoo aafooch bi qelloon oogeton giishiiꞌi corootiye;

2 Kiinoo 33:19

Wotta bi corooto, Doono Yeeri bi qolloon waayo, bi axaaxoo bullinaa gibeneyee bi qayona, bi qelloon bi giishiyoyee aaf bi shuuniiti geppee toommeexi goyinnee xaaꞌeenaꞌo, Asheeri misileenaꞌon bi neechiti xaaꞌoonaa shahalleenaꞌon bi neechiti xaaꞌoona yaaꞌechinaꞌochi kiinee macaafooch kooreetone.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

2 Kiinoo 7:14

ta shigoona ceekketi ta asheenaꞌo boonoshi qelloon giishiiꞌi boonoshi qollegaata, taan boonoshi qaawigaata, boonoshi gonde gommoochee boonoshi wottegaatoo, shimaayoochaa boonoshi qolloon waayemmo taane; boonoshi axaaxoon maaremmo taane; boonoshi showoonoo wodiyemmo taane.

Iyoobi 42:6

Ebich ta qelloon wochaa hoxaabeeto taane; tulloonaa buttoonooch kotaachaa ta gondoon aannaabeeto taane” iye.

Keyo 10:4

Tunebaani gawukkoo ne qayigaata, ne showoo bulliich gechoon yaach deejjemmo taane.

Keyo 16:28

Aroochee Doono Yeeri Muusich ishichiye: “Ta geteenaꞌonaa ta sheereenaꞌonon ittoshi qayi beeyemmo aati wottooniye?

Keyo 4:23

Taach bi goyinne maddemmoyich ta bushoon ne gawukkemmoyich gettoye; tunebaani ne, gawukkemmon qajjehine; ebich ne gutenee bushoon wuxemmo taane” itone’ gete” iye.

Keyo 5:1

Ebiyee gubb, Muusinaa Haroonina Faroon waan hammiꞌi, “Israꞌeelee Nuggishoo Doono Yeeri ‘Barahoochaa taach baaroon boonoshi baaremmoyich, ta asheenaꞌon gawukkibe’ itone” iyeete.

Keyo 9:17

And beddaahaa ne qelloon yeepphaꞌa, ta asheenaꞌon gawukkoon qajjeto neene.

Shaahiyoo 1:22

“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?

Shaahiyoo 1:24

Ta ceegiyooba waayemmon ittoshi qajjitoyich, ta kishoon ta yaggiyooba koniyoona aaxxiyoo bi qajjitoyich,

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Erimiyaasi 13:18

Doono Yeeri ishichiye: “Taatoonaa taatoochi indee gennee abeetinoyich ishichibe: Ittoshi oogee gubbichoo ittoshi qelloochee kindemmo bi tunetoyich, ittoshi qeenoochee kindibote.

Erimiyaasi 50:29

“Maꞌoon ciixxiibeeti shangechinaꞌon Baablooni katemooch ceegote; bi guudoona kotebeete; ikkolla muriccaaye. Israꞌeelee Yaafoo tuneti Doono Yeeri ta toommooch bi geecitoyich, bi shuunoommon biich shuunebote; bi tuniitoommon bi toommooch tuniibote.

Hiziqeeli 5:6

Yerusaalemi aageteenaꞌoyee beshoon ta geteenaꞌo toommooch hukkoon tiijjiyan; bi guudoona beetinaꞌoyee beshoon ta qociyoon shaaddahane. Ebiyoo ta geteenaꞌon waayeyaache getonaa ta qociyoona hammi qayonane” iye.

Daaneeli 5:22

“Belshasooro, ne, bi bushoo neene; ebi bullin ariibeeto neene; tunebaani ne qelloon giishiyaano neene.

Haddoo 14:27

“Hini gonde iitoo ta toommooch bi guruuxi beeyemmo, aati wottooniye? Israꞌeeleenaꞌo ta toommooch boonoshi guruuxiibeeti guruuxoon waayeto taane.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Yaaqobi 4:10

Doono Yeeri aafooch ittoshi qelloon giishiibote; biyoo ittoshin oogiyemmone.

1 Pheexiroosi 5:6

Illa Yeeri bi daaggiti aabooba ittoshin bi oogiyemmoyich, Beshe Mawe Yeeri aafooch ittoshi qelloon giishiibote.