Keyo 10:22 - Kafa Linguistics Project

²² Muusiyoo bi kishoon shimaajj yaggiye. Keejje qemi wottoon Gibitsee showoo bulliich dunne manderoo tunehe.

Keyo 10:22 ပူးပေါင်းရင်းမြစ်များ

Iyoobi 5:14

Areddoo boonoshich xumemmone; xumi manderoona shafoommon areddee aaboona shafemminaꞌone.

Shoddo 105:28

Manderoon deejjiꞌi showoo manderemmoyich tuniihe; tunebaani Gibitseenaꞌo bi qaaree toommooch tiyiyeete.

Keyo 20:21

Asheenaꞌo wohooch neexee beetaa Yeeri beeti, dunne manderoo tuneti, xaaꞌooch Muusi giddehe.

Isiyaasi 8:22

Aroochee showooch ciiniree xuuxoon, manderoonaa ciitoonon beeggemminaꞌone; dunne manderooch duppeyemminaꞌone.

Hiziqeeli 32:7

Neen ta aalliihooba shimaayoon qeremmo taane; xojjeneenaꞌonoo manderiyemmo taane; aabeenoo quboona kaappemmo taane; ageneyoo aaxxe bekkiyaachemmine.

Hiziqeeli 32:8

Shimaajji bekkeenaꞌo bullin ne toommooch manderiyemmo taane; ne showoo manderemmoyich tuniyemmo taane, iye Nuggishoo Doono Yeeri.

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Amootsi 4:13

Guudinaꞌon shuuneto, yongoon hallito, bi gaboo amo gaata ashich arichiibeeto, hariton xumiibeeto, showee toommeexi tukki xaaꞌoona shaꞌeebeeto, bi shigoo, Beshe Mawe Nuggishoo Doono Yeerine.

Amootsi 4:7

“Ittoshi maayo qecceyoyich batt keejje ageno echeechaa, amiyo dihaachemmoyich tuniihoye. Ikke katemooch bi dihemmoyich tuniichaa bare katemoochee aalliihoye. Ikke showooch dihiye; tunebaani dihaanoon bi qajjiti showoo shuuqqiye.

Yibbaatoo 4:11

Ittoshiyoo ebi guudo shimaayooch shaggiti qaaqqoo bi toommooch conjii beetaa, aaꞌi quboonaa dunne manderoona bi toommooch kaappiꞌi beetaa, hammiꞌi guudi baatooch neexehote.

Yibbaatoo 5:22

“Doono Yeeri guudi toommooch kiceeti ittoshi asheenaꞌo bullich bi gettiti geteenaꞌo eboshine. Qaaqqee daggoochaa, quboonaa dunne manderoonochi daggoochaa bi qaaroon oogichiꞌi bi yibbaatehooba bi immiti geteenaꞌon gettiyani, baroon daakkaanoone. Eboshinoo gutte yalle xaqqeenaꞌooch kooriꞌi, taach immiye” iye.

Yaaꞌoo 16:10

Uuchinnee maraakoo bi yechiti xoofoon cooxochi taatee qeechi toommooch ukkiye; ebi cooxochi taatittinee showoo manderehe; wotta asheenaꞌo oogeton boonoshi shooddetoyich boonoshi heciyoon shaaccii cokkeheete.