Keyo 10:21 - Kafa Linguistics Project

²¹ Aroochee Doono Yeeri Muusin “Gibitsee showoo bulliich dunne manderoo kindemmoyich ne kishoon shimaajj yaggibe” iye.

Keyo 10:21 ပူးပေါင်းရင်းမြစ်များ

Iyoobi 5:14

Areddoo boonoshich xumemmone; xumi manderoona shafoommon areddee aaboona shafemminaꞌone.

Shoddo 105:28

Manderoon deejjiꞌi showoo manderemmoyich tuniihe; tunebaani Gibitseenaꞌo bi qaaree toommooch tiyiyeete.

Shoddo 35:6

Boonoshi gommo manderoonaa giinoona tunebe; Doono Yeerichi maraakoo boonoshin yoohi dabbibe.

Shoddo 78:49

Aalloon deebiibeeti maraakoon deejjiꞌi, naxoona, aalliyoonaa xuuxiyoona, bi kaaree shiixxoon boonoshi toommooch kindiihe.

Keyo 7:19

Doono Yeeri daakkiꞌi Muusich ishichiye: “Haroonin ‘Ne gumboon daamiree, Gibitsee showeexi aaco bulli toommooch, ebiyoo woce aachi toommooch, bobbeeti aachi toommooch, kote aachi toommooch, aachi gejjee toommoochoo ne kishoon yaggibe’ gete. Aacoo damoon tunemmone. Xaqqoonaa mixonoochee shuuneeti aachi kicee qiiceenaꞌooch beeti aaco bulliyona echeyaanoon, Gibitsee showeexi aaco bulli damoon tunemmone” iye.

Keyo 9:22

Aroochee Doono Yeeri Muusich ishichiye: “Gibitsee showoo bulliich beeti asheenaꞌo, gijjeenaꞌonaa showee toommooch colleti mooyo bullinochi toommooch baderoo kindemmoyich, ne kishoon damba shimaayoo waan tiijjibe” iye.

Shaahiyoo 4:19

Tunebaani gondeenaꞌochi gommo dunne manderoommone; amo boonoshin tephito gaata, ariyaaneenaꞌone.

Dojjecho 2:14

Mullechi asho gommon ciinniꞌi shaꞌehe; tunebaani mullaallo manderoona shaꞌehe. Ebi tunetaa boonoshi gutti ciiro hajjaa shaahoo bi tunoon shalligiyo.

Dojjecho 6:4

Ebiyoo ebi bushoo nooch giyaani gommona shiijjeꞌi manderooch wottee bi hammitoyichiye; bi shigoo manderooch batteehe.

Hiziqeeli 32:7

Neen ta aalliihooba shimaayoon qeremmo taane; xojjeneenaꞌonoo manderiyemmo taane; aabeenoo quboona kaappemmo taane; ageneyoo aaxxe bekkiyaachemmine.

Maatiyoosi 27:45

Aree hillooch haree shiritte saatoochee tiijjiꞌi yiixiye saato beddimmi wottoon showoo bulli manderehe.

Maariqoosi 15:33

Haree shiritte saatoochee tiijjiꞌi yiixiye saato beddimmi wottoon showoo bulli manderehe.

Luqaasi 23:44

Haree shiritte saati bedoone; areegaata aabee bekko manderehe; yiixiye saatee wottoon are showoo bulli toommoochee bekko aallehe. Arooba yaafee kexooch tippeeti maccillaatoo gutte daggoochaa kappheeꞌi keexee kechiye.

Yibbaatoo 1:30

Ittoshi aafooch shiichiꞌi hammiibeeti ittoshi Nuggishoo Doono Yeeri, ittoshi aafoona ittoshi ciinnii beetaa, Gibitsee showoonaa barahoonoochaa bi tuniitoommon, bi, bi qelloona ittoshi qoodoon koyemmone. Hini xaaꞌooch ittoshi shaggimmi wottoon, ittoshi shaꞌeti gommo bullin, nihoo bi bushoon tiqqoommon, ittoshi Nuggishoo Doono Yeeri am shaahoon ittoshin tiqqeꞌi bi deebito gaata, ittoshi aafoona beeggito ittoshine’ iyoye.

Yibbaatoo 28:29

Biich manderetaa, shafeebeeti aaf doogoochoommon, areddee aaboona shafebee shaꞌemmo neene. Ne shuunaabeeti mooyo aabinona neech kaameyaachemmone. Bulli aaboon neexaa hajjeyemmo neene; bokkemmo neene; neen gaachemmo aalloone.

2 Pheexiroosi 2:17

Eboshi gaacaalli, shuuqqiti aachi xuuphoomminaꞌone; yubee yongo yongeꞌi shaccii aalliibeeti quboomminaꞌone; boonoshinoo dunne manderoo quyee beetone.

2 Pheexiroosi 2:4

Yeeriyoo axaaxoon shuuneti maraakeenaꞌoyich ariqqeyaanoon, shiweree qaaqqooch duppiꞌi hoone manderooch tuneree nallee aabooch beddaahaa boonoshi quyeyemmoyich bi tuniitoyee;

Yihudi 1:13

Yeelliibeeti boonoshi shuunoo umboommo tunemmona, umboon aapphiibeeti giidechi baharee aachi aayoomminaꞌone; boonoshi gommon gawukkiꞌi yallyallimiibeeti xojjeneenaꞌoomminaꞌone; boonoshichoo bulli yemeenoon dunne manderooch boonoshi beeyemmi xaaꞌoon Yeeri qanniitone.

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.

Yaaꞌoo 8:12

Awuddinnee maraakoo tiroon huggiye; aabee keejje beereexi ikke beeroo, agenee keejje beereexi ikke beeroo, xojjeneenaꞌochi keejje beereexi ikke beeroo yexxehe; eboshichi keejje beereexi ikke beeroo manderehe; areddee keejje beereexi ikke beerooch, xumee keejje beereexi ikke beerooch bekko aallehe.