Keyo 10:15 - Kafa Linguistics Project

¹⁵ Showoo bulli aaqqimmi wottoon, showoon guuppiyeete. Baderoo yexxiichaa echeton, budooch colletonaa mixooch beeti aafo bullinon hidii maa aalliiheete. Gibitsee showoo bulliich, mixooch woyee showeexi collooch, ikke waamona echeyaanoone.

Keyo 10:15 ပူးပေါင်းရင်းမြစ်များ

Shoddo 78:46

Boonoshi maayeenaꞌon hipperoyich, boonoshi goyeenaꞌonoo gechoyich, immiye.

Keyo 10:12

Arooba Doono Yeeri Muusich ishichiye: “Gechoo showoo bulliich waaree, baderoo yexxiichaa echetonaa showee toommooch colletona bulloshin hidi aalliiree bi maayemmoyich, ne kishoon Gibitsee showee toommooch yaggibe” iye.

Keyo 10:5

Boonoshiyoo waaree, showoo bullin bekkiyaanoon guuppemminaꞌone; budooch beeti mixo bullin echiyaanoon, baderoochee echeto bullin hidi aalliyemminaꞌone.

Shaahiyoo 30:27

Gecheenaꞌoyich taatoo aalloone; tunebaani bulliyona shafiroona qaxiriyeete.

Yoꞌeeli 1:4

Temicho maataa echeti maayoon shiwureebeeti gechoo maahe; shiwureebeeti gechoo maataa echeton, huggii aalliibeeti gechoo maahe; huggii aalliibeeti gechoo maataa echeton, gurimaashe gechoo maahe.

Yoꞌeeli 2:25

Giidechi ginee naayo tuneti, shiwureebeeti gechoon, huggii aalliibeeti gechoon, gurimaashe gechoonaa temichoonon, ittoshich ta deejjiti natinaꞌooch boonoshi aalliiti maayoon, ta ittoshich qoccemmo taane.

Amootsi 7:2

Gechoo showee toommeexi mocoo bullin maa bi ciichoon beeggaꞌa, ishichaꞌa corootiyo: “Nuggishoo Doono Yeero, boonoshin ne maaremmoyich neen qollehoye. Israꞌeeleenaꞌo hakka guuteenaꞌo boonoshi tunetoyich, ebin aabichiree hakkeheete” iyo.

Haddoo 22:5

Amawee showooch, Efiraaxisi aachi gashooch, Fetoori katemooch beeti Beꞌoori bushoo Balaamich ishichi boonoshi gettemmoyich, wocheyechinaꞌon daachiihe. Biyoo ishichiye: “Ebiyoche boonoshi meetoochee tiyitona showee aafoon guuppiti asheenaꞌo Gibitsee kechii waaꞌi, ta katinooch kotetinaꞌone.