Keyo 1:7 - Kafa Linguistics Project

⁷ Tunebaani Israꞌeeleenaꞌo shiijjee meettiyeete. Boonoshiyoo haddoona meettii giidechinaꞌo tuneꞌi, Gibits ceenniyeete.

Keyo 1:7 ပူးပေါင်းရင်းမြစ်များ

Halloo 1:20

Aree hillooch Yeeri “Shuuriibeeti kashechi halleenaꞌo aachi daggooch ceeneete; yoobbereenaꞌo showoyee damba shimaajji gumoyee desh yoobeete” iye.

Halloo 1:28

Bi hallitoyee gubb, Yeeri boonoshin “Shiijje shiijjerebote; showoona ceenote; showee toommooch beetinaꞌo bullin hajjibote. Haasheenaꞌo toommooch, yoobbereenaꞌo toommooch, showee toommona shaꞌeebeeti halleenaꞌo bulli toommoochoo taatebote” ii diiriye.

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 15:5

Maach biin kichiꞌi, “Eke kaama shimaajj ciine; xojjeneenaꞌon haddaa ciichoon ne hakkigaata haddibe. Ebiyoommon ne shiijjereenaꞌo haddaa ciyaaneenaꞌo tunemminaꞌone” iye.

Halloo 17:16

Ta biin diiremmo taane; anaami bushoon neech shiyemmine; biin diiremmo taane; aageteenaꞌoyichoo indee tunemmine; aageteenaꞌoyich taatoon tunemminaꞌo bi waanee kechemminaꞌone” iye.

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

Halloo 26:22

Aroyee besheꞌi bare aachi oppoon iichiihe. Ebi aroyich kaareyaaneenaꞌo boonoshi tunetoyich, “And Doono Yeeri noon gamichitone; showee toommoochoo meettemmo noone” iꞌi, ebi aachi oppee shigoon, Rehobooti iye.

Halloo 26:4

Ne shiijjereenaꞌon shimaajji xojjenoochoommon meechemmo taane; hini showoo bullin ne shiijjereenaꞌoyich immemmo taane; showee toommeexi aageteenaꞌo bulli ne shiijjereenaꞌochi gommona diireyemminaꞌone.

Halloo 28:14

Ne shiijjereenaꞌon showee toommeexi qacoochoommon meechemmo taane; boonoshiyoo aabi-gimo waaninaa aabi-keyo waanina, dambi-waaninaa deshi-waanina gaminnemminaꞌone. Showee toommeexi aageteenaꞌo bulli neennaa ne shiijjereenaꞌona diireyemminaꞌone.

Halloo 35:11

Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.

Halloo 46:3

Yeeriyoo biich ishichiye: “Ta ne nihoo Nuggishoo taane. Desh Gibits kindoyich shattaahine. Aroochaa meeti ashechi aagetoon neen tuniyemmo taane.

Halloo 47:27

Israꞌeeleenaꞌo Gibitsee showooch, Gooshen koteꞌi, oogichii gaanneheete; shiijjee shiijjeree meettiyeete.

Halloo 48:16

gonde mooyo bulliichee taan wodiiti Maraakoo, aroo hini bushiishoon diiribe. Boonoshiyoo ta shigoona, ta nihinihoo Abrahaminaa ta nihoo Yisaaqinochi shigoona ceekkebeete; showee toommooch shiijje shiijjere meeteete” iye.

Halloo 48:4

taach ishichiye: ‘Bushiishoon neech meechemmo taane; ne yaroonoo woddiyemmo taane; meeti aagetoo tunemmo neene; hini showoon neyee gubbi ne shiijjereenaꞌoyich bulli yemeenee boonoshi hajjoon tuniiree immemmo taane’ iye.

Halloo 9:1

Yeeri Noohinaa bi bushiishoonon ishichiꞌi diiriye: “Shiijje shiijjerebote; showoo bulliichoo ceenote.

Nehimi 9:23

Boonoshi shiijjeroon shimaajji xojjenoochoommon meechihine. Giyiree boonoshi woraashemmoyich boonoshi qaabbechinaꞌoyich ne getteti showooch boonoshin giijjihine.

Shoddo 105:24

Doono Yeeri bi asheenaꞌon aafiihe; boonoshi etteenaꞌoyee beshe hakkechinaꞌon tuniihe.

Shoddo 107:38

Boonoshin diiriye; oogichiꞌinoo meettiyeete; boonoshi gijjeenaꞌo meettemoyichoo tuniihe.

Keyo 1:12

Gibitseenaꞌo Israꞌeeleenaꞌon neexxii boonoshi hajjiteenona, andoo beshoon shiijjee meettii beeheete; are showoonoo ceenniyeete. Gibitseenaꞌoo Israꞌeeleenaꞌon shattiyeete.

Keyo 12:37

Israꞌeeleenaꞌo Ramisesee tiyiꞌi Sukoot hammiyeete. Maacheenaꞌonaa gishiishi bushiisheenaꞌona giyaanoon, baatoona qaxiriti anaaminaꞌo shiritte balle hum bedeenaꞌone.

Keyo 5:5

Farooni daakkiꞌi, “Haddoona Gibitseenaꞌoyee beshito ittoshine. Ittoshiyoo Muusinaa Haroonina, asheenaꞌo shuunee shuunoon boonoshi neechemmoyich tuniibeeto ittoshine” iye.

Hiziqeeli 16:7

Gaddeexi mocoochoommon ne diccemmoyich tuniihoye; newoo diccaa genjaꞌa mallet gaawe gidiideen tunehine; xano kichihine; ne shurubboo genjehe; tunebaani andoo shokkaachee neene.

Mishiraachechinaꞌo 13:17

Hini Israꞌeeleenaꞌo goyinneebeeti Nuggishoo no qaabbechinaꞌon kaacciye. Boonoshiyoo Gibits dallaawittinoona boonoshi beetaa, boonoshi meettemmonaa giidemmonoyich tuniihe; wotta giidechi bi mochoona aroochee boonoshin kichiye.

Yibbaatoo 10:22

Ne qaabbechinaꞌo Gibits boonoshi hammito, shabe asheenaꞌo baach tuneꞌiniye. Tunebaani and ne Nuggishoo Doono Yeeri shimaayeexi xojjenoochoommon, neen meechitone” iye.

Yibbaatoo 26:5

“Newoo ne Nuggishoo Doono Yeeri aafooch ishichi gettemmo neene: ‘Qaabbechi ta nihoo yallyallimiibee echeti Araamee ashoone. Giisheche bi ashoona tookkii Gibits hammiꞌi arooch kotehe. Aroochaa aricheto, giidechonaa meetona tuneti aagetoon tunehe.