Keyo 1:14 - Kafa Linguistics Project

¹⁴ dengoon kotiibee, xuuboon shuuniibee, goyoon gochiibee, ariqqeyaanoon magge shuunoon shuuniimona, boonoshi kashoon caamiiheete.

Keyo 1:14 ပူးပေါင်းရင်းမြစ်များ

Halloo 15:13

Arooba Doono Yeeri Abraamich ishichiye: “Ebin manjii ariibe; ne shiijjereenaꞌo ashi showooch shiqqoo tunemminaꞌone; are showeexi asheenaꞌo guunon tunii awudde balle naton boonoshin neexi hajjemminaꞌone.

1 Taateenaꞌo 12:14

Biyoo gurimaasheenaꞌochi ciicoon waayeꞌi, “Ta nihoo magge waanjoon ittoshi toommooch minjitone; tunebaani ta aroyee beshoon ittoshich maggiyemmo taane. Ta nihoo arengoona ittoshin xoobbitone; tunebaani ta, barahee machoona ittoshin xoobbemmo taane” iye.

Shoddo 129:1

Ta bushittinoochee tiijjii taan xuqqitinaꞌone; Israꞌeeleenaꞌo ishichibeete:

Shoddo 68:13

Bageenaꞌo dogooch echetinaꞌolla, boonoshi qoshoo birewoona nasheeti, wacciibeeti aachoochee shuuneeti wullechi, mocere uggeenaꞌon daneheete” iyeete.

Shoddo 81:6

“Ta, ne gogoochee shaagoon kindiihoye; ne kishoo magge shuunoochee kashehe.

Keyo 1:11

Ebich boonoshin xuuxiibee magge shuunoon shuuniyemmi ukkireenaꞌon boonoshi toommooch ukkiriiheete. Israꞌeeleenaꞌo, taatoyich maayoonaa baribare mooyona kiceyemmi, Fitoominaa Ramisesina getteebeeti katemeenaꞌon shuuneheete.

Keyo 1:13

Ebich magge shuunoon shuuniimona boonoshin shewiiheete;

Keyo 1:15

Ikke areddoon Gibitsee taatoo Hibiree maacheenaꞌon yechii shiijjiibeeti, Shifiraahinaa Fuꞌaahina getteebeeti gutte genneenaꞌoyich ishichiye:

Keyo 2:23

Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 6:9

Muusiyoo ishin Israꞌeeleenaꞌoyich gettiye. Tunebaani asheenaꞌo oogeton boonoshi mullee tiishoochee tiyitona, wotta boonoshi toommooch tuneti guuchittinee magge shuunoochee tiyitona, ebi bi gettiti mooyon waayemmon qajjiyeete.

Shaahiyoo 28:15

Girechinaꞌon hajjiibeeti maaci manje ukkiroo, gigeebeeti daaheroommo, woyee capphi yecha ii beeti diiboommone.

Isiyaasi 10:24

Ebich Doono, Beshe Mawe Doono Yeeri ishichiye: “Tsiyoon beeti ta asheenaꞌote, Gibitseenaꞌo tuniitoommon, Asooreenaꞌo ittoshin yexxa dulloon tiijjitaa, gumboona ittoshin boonoshi mutetaa, boonoshin shattaahote.

Isiyaasi 51:23

Ebi aroon, neen xuuxii beetinaꞌo kishooch, ‘Ne toommona no beshemmoyich yite’ ii beetinaꞌo kishooch, geddemmo taane; newoo ne gubboon, neecheebeeti showoommon, hammeebeeti gommoommon, tuniiti neene” iye.

Isiyaasi 52:5

Doono Yeeri ishichiye: “And hiniich taach amo beete? Ta asheenaꞌo naboo aalloon yeshaa hammitinaꞌone; boonoshi ukkireenaꞌo cookiyeete; bulli aaboon ta shigo naakkehe” iye Doono Yeeri.

Isiyaasi 58:6

“Ta qaawaabeeti coomoo, xuꞌoona cuchetinaꞌon ittoshi biichemmoyich, waanjeexi shachoon ittoshi kuxxemmoyich, neexaa hajjeetinaꞌon biishi ittoshi gawukkemmoyich, waanjoo bullin ittoshi tiichemmoyich toone?

Leweenaꞌo 25:43

Boonoshin neexi hajjiyaahine. Ne Nuggishoo taan shate.

Leweenaꞌo 25:46

Bulli yemeenoon boonoshi hajjemmoyich, ittoshi bushiisheenaꞌoyich woraashiyoon hakkiyote. Tunebaani Israꞌeelo tuneti ittoshi manoon ciroona neexi hajjiyaahote.

Leweenaꞌo 25:53

Bi doono uro biinna tookkii bi beemmi aabo bullin natooch qocheebeeti gijjoona kiraayeeti shuunechon shaahiiree ciinani, biin neexi hajjaaye.

Mikiyaasi 3:3

Ta asheenaꞌochi meenon maahote; boonoshi gooqqoon gaxxii, boonoshi shaawushoon tiichii buricciꞌi qondooch kiijjeyemmi meenochoommon qecciqeccaayiyote.

Naahoomi 3:14

Ittoshi etteenaꞌo ittoshi katemoon giichii yechiyoobich, ittoshi uchemmi aacon kitote; ittoshi mishigoon manjiibote; nuuqqoo beetooch hamiree, dengoon kotebote; xuuboon shuunebote.

Haddoo 20:15

No qaabbechinaꞌo Gibits hammiyeete. Nowoo meeti yemeenoon Gibits kotehone. Gibitsee asheenaꞌo no qaabbechinaꞌonaa noonnon duꞌiiheete.

Mishiraachechinaꞌo 7:19

Hini are taatoo no yareenaꞌoyich maroo halliꞌi no qaabbechinaꞌochi toommooch maacoo manjiye; boonoshi waanee shiijjemmi gaggereenaꞌon kashoona boonoshi beetaachemmoyich, ‘Maaxooch kichiree dufote’ iꞌi xuuxiihe.

Mishiraachechinaꞌo 7:34

Gibits beeti ta macceenaꞌochi xuuxoon manjii beeggaꞌa, kachaa kashoon mucceꞌi boonoshi gaashiron waayaꞌa, boonoshin wodiiya kindito taane. Andoo tibe! Gibits neen wochemmo taane’ iye.

Yibbaatoo 26:6

Gibitseenaꞌo magge shuunoon noon shuuniimona xuuxoon no beeggemmoyich tuniiheete; noon neexxii hajjiyeete.

Yibbaatoo 4:20

Tunebaani ittoshi and ebi ittoshich bi tunetoommon bi hajjee ashoon ittoshi tunemmoyich, ittoshi Nuggishoo Doono Yeeri xuuroon wociibeeti qaaqqee sheelloommi Gibitsee ittoshin kichiꞌi deebitone.

Ruuti 1:20

Naꞌoomiyoo, “Aakkiya taan Naꞌoomi iyote? Beshe Hakkechi Yeeri taan oogichii bi caamiitoyich Maare getote.