Iziri 9:9 - Kafa Linguistics Project

⁹ No Nuggishoo Yeero, guuno no tunetaanoona, are guuchittinooch noon qayaano neene; Faariisee taateenaꞌo aafoochaa ne ariqqoon nooch bekkiito neene; ebich boonoshiyoo ne yaafee kexon no haggemmoyich, happeeton wochinnoon no shuunemmoyich, daaggitinaꞌone; ebina no kasheen andiriitinaꞌone; Yihudee showoonaa Yerusaaleminoochoo deebee uxeroon nooch immitinaꞌone.

Iziri 9:9 ပူးပေါင်းရင်းမြစ်များ

Iziri 2:68

Yerusaalem beeti, Doono Yeerichi yaafee kexooch boonoshi shaggiyooba, yaree ukkireenaꞌoochee ikkikkeenaꞌo yaafee kexo wonnee bi xaaꞌooch wochinnoon bi hakkemmoyich boonoshi mullee daaggoona wojjoon immiyeete.

Iziri 7:8

Iziriyoo Yerusaalem bi shaggito, Arta Yekisesi taateti shabaattinnee natoobee uuchinnee agenoochiye.

Iziri 9:10

“Andoo no Nuggishoocho, illa amoon gettehone? Ne guuninaꞌo tuneti keemechinaꞌona, ‘Giyiree ittoshi woraashemmi showoo aageteenaꞌochi eeꞌoona wooretone; timmoochee timmooch beddaahaa, tiyaariibeeti, boonoshi eeꞌe shuunoona ceennitone. Ebich ittoshi maache bushiishoon boonoshich shaakkiyaahote; boonoshi maache bushiishoon ittoshi anaami bushiishoyich shaakkiyaahote. Hakkoon ittoshi danemmoyich, showeechi gaawe aafoon ittoshi maayemmonaa woraashiree bulli yemeenoon ittoshi bushiishoon ittoshi kotiyemmonoyich, boonoshich bi mashaamaa, diggoona boonoshi beeyemmoyich ciroona qaawiyaahote’ iyaꞌa ne getteti getoon waayoon qajjeto noone.

Nehimi 2:17

Tawoo boonoshich “Yerusaalem happeetoyich, bi kelleenaꞌo qaaqqoona miccitoyich, iritee toommooch no beemon beeggiibeeto ittoshine. Ittoshi waataa, Yerusaalemi uxeroon wochinnoon shuunebone. Illa ebiyee bekk coonee beeyaayone” iyo.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Shoddo 109:12

Biich ariqqemmon danaaye; nihaalli bi bushiisheenaꞌon maaxemmo danaaye.

Shoddo 138:7

Xuuxo taan giishi gaatoona, ne ta kasheen wodiihine. Ta etteenaꞌochi kaaree toommooch ne mochoon tiijjihine; ne hakkoona taan wodiihine.

Isiyaasi 14:3

Doono Yeeri shooddoochee, xuuxoonaa ne beeti qaaꞌi guuchittinonoochee neen bi kashiihooba,

Isiyaasi 5:2

Showoon gochiye; xaqqoonoo macii kichiye; gaaweti woyinee qomboon arooch bechiye; bi gutte daggooch dilaaloon shuunehe; woyinee aafo hiichemmi oppoon iijjiye; aroochee gaawe aafoon aafemmone ii quyehe; tunebaani kiikkeroon aafehe.

Isiyaasi 5:5

Ta woyinee goyee toommooch ta tuniyemmi mooyon ittoshich getona; uxeroon waaxxemmo taane; xaqqee uxeroonoo happemmo taane; kubbi cooxo aalliyemmonaa kuppemmonoyich tuniyemmo taane.

Isiyaasi 61:4

Boonoshiyoo wonna happeeti buriceenaꞌon shuunemminaꞌone; wonna dihitinaꞌon wochi tiijjemminaꞌone; meeti shiijjeroyee aafi tiishee aalleti katemeenaꞌon, wochi shuunemminaꞌone.

Hiziqeeli 11:16

“Ebich boonoshich ishichibe: ‘Nuggishoo Doono Yeeri ishichiye: Ta, aageteenaꞌo waan boonoshin daachiito taane; showeenaꞌoochoo boonoshin shacceto taane; tunebaani boonoshi hammiti showeenaꞌoochaa giisheche aaboon boonoshich yaafee kexon tunemmo taane itone.

Daaneeli 9:25

“Ebin ariibe; shalligibe! Yerusaalemin andiriyoonaa wochinnoon hagonoyich awaajjo kechitoochee tiijjiꞌi, Huutteto, Taatoo, waammi wottoon, shabaatte kaallee shabaatte nato tunemmone. Aroochee shichaa gutte kaallee shabaatte nati wottoon Yerusaalemi mishigoonaa bi gommona wochinnoon shuuneyemmone; tunebaani ebi bi tunemmo, xuuxee yemeenoochiye.

Haagi 1:9

Meeti maayoon qeccii giijjoyich gibeneto ittoshine; tunebaani giishechoon tunehe. Qeccii kexooch ittoshi giijjiyooba, huggaa ta getaa aallehe. Ebi bi tuneto, amoyichiye? Ebi bi tuneto, ta yaafee kexo tiisheꞌi beetaa, ittoshi bulli ittoshi hajjee kexi kexon hagoyich ittoshi wocee beetoyichiye.

Zakaariyaasi 2:5

Doono Yeeri ‘Ebi katemee guudoona qaaqqee uxeroon tunemmo taane; ta oogee yiiroona bi daggooch beeyemmo taane’ itone” iye.