Iziri 9:8 - Kafa Linguistics Project

⁸ “Andoo no Nuggishoo Doono Yeero, no aafoon ne ciichiyemmoyich, guuchittinooch no beetaa, giishechoon noon ne kashiyemmoyich, nooch curoon echiyoyich, ne yaafe xaaꞌooch manje xaaꞌoon nooch imoyich, giisheche aaboon ne deꞌittinoon nooch bekkiito neene.

Iziri 9:8 ပူးပေါင်းရင်းမြစ်များ

2 Taateenaꞌo 19:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naago bullin ne Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

Iziri 9:9

No Nuggishoo Yeero, guuno no tunetaanoona, are guuchittinooch noon qayaano neene; Faariisee taateenaꞌo aafoochaa ne ariqqoon nooch bekkiito neene; ebich boonoshiyoo ne yaafee kexon no haggemmoyich, happeeton wochinnoon no shuunemmoyich, daaggitinaꞌone; ebina no kasheen andiriitinaꞌone; Yihudee showoonaa Yerusaaleminoochoo deebee uxeroon nooch immitinaꞌone.

Nehimi 1:11

Ta Doonocho, ne guuno ta corootoonaa neen oogiyoyich shunniibeeti ne guuninaꞌochi corootoonon elle waayebe; hanaachoo ne guuno taach kaachiree, hini uroo aafooch ne ariqqoon taach bekkiibe” iyo. Arooba tawoo taatoochi xoofecho taane.

Nehimi 9:31

Tunebaani ne, shoodechonaa ariqqechona tuneti Nuggishoo ne tunetoyich, ne ariqqee woddoochee tiyitona boonoshin ciroona aalliyaano neene; boonoshin qayaano neene.

Iyoobi 33:30

Ebiyoo kashoona beeree bekkoon bi beeggemmoyich, maash hamoochee biin wodiyoyichiye.

Shoddo 13:3

Ta Nuggishoo Doono Yeero, waayeree taach wochibe; qitee tokketoon ta tokketeyaachemmoyich ta aafoon biriibe.

Shoddo 13:4

Ta etto “Biin kochaa wochite” bi gettemmoyich, ta dihoona ta shixechinaꞌo emiremmoyich, tuniyaahine.

Shoddo 138:7

Xuuxo taan giishi gaatoona, ne ta kasheen wodiihine. Ta etteenaꞌochi kaaree toommooch ne mochoon tiijjihine; ne hakkoona taan wodiihine.

Shoddo 34:5

Bi waan ciinnii beetinaꞌo aafo biremmone; boonoshi aafo yeelleyaachemmone.

Shoddo 85:6

Ne maccoo no, kashoon no wochemmoyich ne tuniitaa, ebina neenna emiribone.

Shaahiyoo 29:13

Girechonaa biin xuqqii beetonon ikkochiibeeti mooyo, Doono Yeeri boonoshi gutticholla aafee bekkoon imone.

Dojjecho 12:11

Shalligechochi yibbaatoo guxechi gumboommone; bi kiciti shaahiyeenaꞌoo aci misimaaroomminaꞌone. Eboshi ichetoo ikke Qiddoo waaneeniye.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 14:3

Doono Yeeri shooddoochee, xuuxoonaa ne beeti qaaꞌi guuchittinonoochee neen bi kashiihooba,

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Erimiyaasi 42:2

Giddeꞌinoo keemechi Erimiyaasich ishichiyeete: “No qollaa beeton ne tuniyemmoyich neen qollehone: Ne Nuggishoo Doono Yeer waan nooch corootibe; hini curo bullich corootibe. Ne beeggaa beetoommon, meetoochee giishecho echeto noone;

Erimiyaasi 44:14

Gibitsee showooch kotoyich hammiti, Yihudee cureenaꞌoochee muriccemmo woyee wodemmo, boonoshi qaatiibeeti Yihudee showooch kotoyich wottemmo, koniyoona aalloone; yookketi giishecheenaꞌoyee besh koniyoona muricaachemmone” iye.

Hiziqeeli 14:22

Tunebaani anaami bushiisheenaꞌonaa maache bushiisheenaꞌonon yaabi deebemminaꞌo murici echemminaꞌone; ittoshi waanoo woyemminaꞌone; ittoshiyoo boonoshi gommonaa boonoshi shuunoonon beeggemmo ittoshine. Yerusaalemi toommooch ta deebeti gonde mooyo bullich goggemmo ittoshine.

Hosee'i 6:2

Gutte qemoyee gubb noon wodiyemmone. Bi aafooch kashoona no beeyemmoyich keejjinnee qemooba noon tiijjemmone.

Imbaaqoomi 3:2

Doono Yeero, worganikkiti ne shuunoon waayaꞌa, oogichii shatteto taane; ebi shuunoon no yemeenooch wochinnoon shuunebe; no yemeenooch bi arichemmoyich tuniibe; ne kaarooba noon maaroon batteyaahine.

Sofoniyaasi 3:12

Ittoshi daggooch boonoshi qelloon yittiibeeti gaꞌi deꞌe asheenaꞌon echiyemmo taane; boonoshiyoo ta shoobooch giyemminaꞌone.

Zakaariyaasi 10:4

Yihudee asheenaꞌo daggoochee kexon tuuggii neechiibeeti giimbee guummo, duukkaanee xogoo, ginee koyee maꞌoonaa taateenaꞌo bullina kechemminaꞌone.

Zakaariyaasi 8:12

“Boonoshi maayi yaroon diggoona shookkemminaꞌone; boonoshi woyinoo aafemmone. Showoo maayoon shakkiyemmone; amiyo shimaayoochee dihemmone. Ebi bulli mooyon curo tuneꞌi echeti ta asheenaꞌo woraashemmoyich tuniyemmo taane.

Zakaariyaasi 8:6

Beshe Mawe Doono Yeeri ishichiye: “Ebiyooba ebi mooyo curo tuneꞌi echeti asheenaꞌoyich worganikkito tuneꞌi bekkoon hakkiye; tunebaani taach worganikkiton tuneꞌi bekkoon hakkaache” iye Beshe Mawe Doono Yeeri.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

1 Saameeli 14:27

Tunebaani bi nihoo asheenaꞌon wogiyoon Yonaataani waayeyaanoone. Ebich bi kishooch beeti gumbee cilloon are eechi neechooch bechiꞌi eeyon napphehe. Aroochee bi aafo birehe.

1 Saameeli 14:29

Yonaataaniyoo wochiꞌi, “Ta nihoo showoon duꞌiitone. Ebi eeyoochee giishecheen ta napphetoyich, ta aafo am shaahoon bi bireto gaata beegote.