Iziri 9:3 - Kafa Linguistics Project

³ Ebi mooyon ta waayehooba, maaci ta tahoonaa maachi ta tahoonon keexxeho; ta ishaanoonaa ta qelloonon shetteho; keqqoona dookkaꞌa koteho.

Iziri 9:3 ပူးပေါင်းရင်းမြစ်များ

2 Saameeli 1:11

Aroochee Daawiti ayiniꞌi bi tahoon keexxiye; biinna tookkii beeti asheenaꞌoo ebiyoommon tuniiheete.

2 Taateenaꞌo 18:37

Aroochee Hiliqiyichi bushoo taatee kechi iraashoo Eliyaqimi, taatoochi koorechi Shebininaa Asaafi bushoo, kiinee koorechi Yoꞌaahina boonoshi tahoon keexxii, Hiziqiyaas waan waaꞌi, Rabishaqi gettiton biich gettiyeete.

Nehimi 1:4

Ebi mooyon ta waayehooba, kotaachaa eeppeho; meeti aaboon muusheneho; shimaajji Nuggishoo aafooch coomaa corootaa beeho.

Nehimi 13:25

Boonoshin kaareho; uppeho; ikkikkeenaꞌonoo yexxeho; boonoshi qelloonoo shetteho; ishichaanoo iyo: “Israꞌeelee taatoo Solomooni axaaxoon bi shuuneto, ebiyoommi dallaawe maacheenaꞌochi naboona toone? Biinoommi taatoo meeti aageteenaꞌo daggooch aabiichona aalloone; biyoo bi Nuggishoona shuchetone; Yeeri Israꞌeelee showoo bulliich biin taatiitone; tunebaani dallaawe maacheenaꞌo biin muriciiꞌi axaaxooch yaabiyeete. Ittoshiyoo dallaawe maacheenaꞌon shaagona, ebi shaahe gonde mooyon ittoshi tuniyoon, no Nuggishoyichoo gibeneyee ittoshi qayon waayi beddoone? Ittoshi maache bushiisheenaꞌon boonoshi anaami bushiisheenaꞌoyich immaahote; boonoshi maache bushiisheenaꞌon ittoshi anaami bushiisheenaꞌoyichoo shaakkiyaahote; ittoshiyoo shaaggaahote” iyaꞌa Yeeri aafooch boonoshin wogiiho.

Iyoobi 1:20

Iyoobiyoo kotoochee tiyiye; bi tahoon keexxiye; bi qelloon cakkehe; showooch baroona guufeꞌinoo goyinnehe.

Shoddo 119:53

Ne sheeroon qajjiti asheenaꞌochi naboona oogichaꞌa ippehoye.

Shoddo 143:4

Ebich ta qiimitto miccitone; ta mullo qititone.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Isiyaasi 15:2

Diibooni asheenaꞌo eeppa guudi toommeexi boonoshi yaafee kexooch hammemminaꞌone; Moꞌabee asheenaꞌo boonoshi katemeenaꞌo Neebinaa Medeebinoyich shooshe eeppemminaꞌone. Boonoshi qelloonaa boonoshi ishaanoonon cakkemminaꞌone;

Erimiyaasi 36:24

Taatoo tuneba ebi qaaroon waayeti bi maddechinaꞌo bulli shataaneenaꞌone; boonoshi tahoonoo keexaaneenaꞌone.

Erimiyaasi 7:29

“ ‘Doono Yeeri bi kaaroon boonoshi toommooch bi kinditi shiijjeroon bi duppitoyich, bi qajjitoyichoo, ittoshi qelloon cakkeree qelli eexon kaawi dufote; hulloo tuneti geppeenaꞌoochaa shooshe eefote’ gettemmo neene.

Hiziqeeli 3:15

Telabiib, Kebaari aachi gashooch koteti keceenaꞌo waan waaho; ebi mooyona keqqoona arooch boonoshi daggooch shabaatte qemon koteho.

Hiziqeeli 7:18

Dookoon tahemminaꞌone; keqqoo boonoshin yechemmone; bulliyona yeellemmone; boonoshi qelloon cakkemminaꞌone.

Daaneeli 4:19

Aroochee Belxesoori getteebeeti Daaneeli oogeton keqqiꞌi giisheche wottoon minnakanna gettemmon qajjiye. Taatoo “Belxesooro! Gumo, wotta ebi gumi biishoo neen keqqichaaye” iye. Belxesoori ishichiꞌi wochiye: “Ta doonocho, gumo, wotta bi biishoo neech tuneyaanoon ne shixechinaꞌonaa ne etteenaꞌonoyich tunebe.

Daaneeli 8:27

Ta, Daaneeli, ta giidoo qayaa, meeti aaboon biiyaꞌa qeyeho. Aroochee ta achooch gaawetaa, tiyaꞌa taatoochi shuunooch wottaa hammeho. Ebi yaaꞌoona keqqito taane; ebi ama geto gaatoo shalligaano taane.

Leweenaꞌo 21:5

“ ‘Qeesheenaꞌo eeppii muushenetinaꞌo boonoshi tunoon bekkiyoyich, boonoshi qelloon cakkaayeete; boonoshi ishaanee goconoo maachaayeete; boonoshi achoon gari shettaayeete.

Mikiyaasi 1:16

Yihudee asheenaꞌote, ittoshi bushiisheenaꞌo kecceyemminaꞌo boonoshi tunetoyich, ebi ittoshi shuni bushiisheenaꞌoyich eefoyich ittoshi qelloon maachebote; xooroochoommon ittoshi qelloon hulloo tuniibote!

Yaasi 7:6

Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete.