Iziri 9:1 - Kafa Linguistics Project

¹ Ebi mooyo tunetoyee gubb, ukkireenaꞌo ta waan waaꞌi, “Israꞌeeleenaꞌo, qeesheenaꞌo, Leweenaꞌonooch beddaahaa, Kanaaneenaꞌo, Hiteenaꞌo, Ferizeenaꞌo, Yebuseenaꞌo, Amooneenaꞌo, Moꞌabeenaꞌo, Gibitseenaꞌonaa Amooreenaꞌona tunii beetoommi eeꞌe mooyon tuniiheetani, showee toommeexi aageteenaꞌoyee baraaneenaꞌone.

Iziri 9:1 ပူးပေါင်းရင်းမြစ်များ

Halloo 15:16

Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

1 Taateenaꞌo 11:1

Taatoo Solomooni Farooni busheyee bareenaꞌon, meeti bare showee maacheenaꞌon, ebiyoo Moꞌabee maacheenaꞌon, Amoonee maacheenaꞌon, Edoomee maacheenaꞌon, Sidoonee maacheenaꞌonaa Hitee maacheenaꞌonon shunniye.

2 Kiinoo 33:2

Doono Yeeri Israꞌeeleenaꞌo aafoochee yookkii aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

2 Kiinoo 8:7

Israꞌeeleenaꞌo boonoshin wuxii aalliyaanoon qayaa are showooch echeti, Israꞌeeleenaꞌo tuneyaani asheenaꞌochi shiijjereenaꞌon, eboshiyoo Hiteenaꞌon, Amooreenaꞌon, Ferizeenaꞌon, Hiweenaꞌonaa Yebuseenaꞌonon Solomooni guuno tuniiꞌi maddiihe; hanaach beddaahaa guuninaꞌone.

Iziri 10:2

Elaamichi yaroo tuneti Yehiꞌeeli bushoo Shekaniyi Izirich ishichiye: “No guudoona beeti aageteenaꞌochi maacheenaꞌon shaagona no Nuggishoon xuqqeto noone; tunebaani andoo ebi mooyoyich gibeno Israꞌeeleenaꞌoyich beetone.

Nehimi 13:23

Wotta aroobee aabooch Ashidoodee showoochee, Amoonee showoonaa Moꞌabee showoonoochee mecheen shaaggiti Ayihudeenaꞌon beeggeho.

Nehimi 4:3

Amoonee asho Xobbiyi bi gaꞌooch neexeechii, “Xaqqoona boonoshi uxereebeeti uxerooch boqqello keyigaata, shekiremmone” iye.

Nehimi 4:7

Sanbalaxi, Xobbiyi, Arabeenaꞌo, Amooneenaꞌonaa Ashidoodi asheenaꞌona Yerusaalemi uxeroo uxeree bi hamon, uxeree aahoo dooggii dooggii hammiibeeto bi tunoon boonoshi waayehooba, oogichii kaareheete.

Nehimi 9:2

Israꞌeelee yareenaꞌo dallaawe asheenaꞌo waanee boonoshi qelloon bariiheete; neexeꞌi boonoshinaa boonoshi qaabbechinaꞌonochi axaaxoon aanniyeete.

Shoddo 106:35

Tunebaani aageteenaꞌona bacceeꞌi, boonoshi tuniitoommon tuniyoon doyiyeete.

Keyo 13:5

Doono Yeeri neech imma, ne qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showoo, ebiyoo Kanaaneenaꞌocho, Hiteenaꞌocho, Amooreenaꞌocho, Hiweenaꞌochonaa Yebuseenaꞌochona tuneti showooch, neen bi giijjiyooba, ebi baaroon, hini Abiibi agenooch nati natona baaribe.

Keyo 23:23

Ta maraakoo ne aaf shiichemmone; neenoo Amooreenaꞌocho, Hiteenaꞌocho, Ferizeenaꞌocho, Kanaaneenaꞌocho, Hiweenaꞌochonaa Yebuseenaꞌochona tuneti showooch giijjemmone; tawoo boonoshin hidi aalliyemmo taane.

Keyo 33:16

Ne, noonna tookkii hamo qayigaata, taannaa ne asheenaꞌona ne aafoochaa gidoon dano amoona arichehe? Taannaa ne asheenaꞌona showee toommo bulliich beeti asheenaꞌo bulliyee barito no tuno bi aricheebeeto, ne, noonna tookkaa ne hamona toone?” iye.

Isiyaasi 52:11

Doono Yeerichi yaafee kechi qiiceenaꞌon shaaggii beetinaꞌote, Baabloonee keyote; bi waanee baribote! Eeꞌe mooyon yechaahote. Aroochee keyiree ittoshi qelloon xalliibote.

Erimiyaasi 26:10

Yihudee ukkireenaꞌo ebin waayeꞌi, taatee kexoochee Doono Yeerichi yaafee kexooch hammiyeete. Hammiꞌi Doono Yeerichi yaafee kechi Andire Kellooch koteheete.

Erimiyaasi 26:16

Aroochee ukkireenaꞌonaa asho bullina, qeesheenaꞌonaa keemechinaꞌonoyich “Hini uro no Nuggishoo Doono Yeeri shigoona keemoon nooch bi keemmitoyich, qita bedaache” iyeete.

Leweenaꞌo 18:3

Ittoshi beebee echeti Gibitsee asheenaꞌo tunii beetoommi mooyon tuniyaahote. Wotta and ittoshin ta giijjiya ii beeti Kanaanee asheenaꞌo tunii beetoommi mooyon tuniyaahote. Boonoshi qocoonoo dabbiyaahote.

Milikiyaasi 2:11

Yihudee asheenaꞌo Yeerich gibeneyemmon qajjitinaꞌone; Israꞌeelee showoonaa Yerusaaleminoochaa eeꞌe mooyon shuunetinaꞌone. Shahalloyich goyinneebeeti maacheenaꞌon shaagona Doono Yeeri shunniibeeti, bi yaafee kexon eeꞌiitinaꞌone.

Haddoo 23:9

Guudinaꞌo toommoochaa boonoshin ciinnaabeeto taane; geppeenaꞌo toommoochaa boonoshin beeggaabeeto taane. Aageteenaꞌona tookkii bacceyaanoon bariꞌi boonoshi qelloona koteebeeti asheenaꞌone.

Haddoo 25:6

Aroochee Israꞌeeleenaꞌo daggoochee ikkoo, Muusinaa Israꞌeeleenaꞌo bullinochi aafooch ikke Miidiyamee asheen yechii bi xibeenaꞌo waan waahe. Areegaata, Muusinaa Israꞌeeleenaꞌo bullina danee duukkaanee kellooch eeppii beetinaꞌone.

Yibbaatoo 18:9

Muusi Israꞌeeleenaꞌoyich ishichiye: “Ne Nuggishoo Doono Yeeri neech immiibeeti showooch ne giyiyooba, arooch beeti aageteenaꞌo shuuneebeeti, ciigiiti mooyon doyiyaahine.

Yibbaatoo 23:8

Keejjinnee shiijjeroonaa aroyee gubb beeti shiijjeroona tuneti boonoshi yaroo Doono Yeer asheenaꞌochi ikkittinee daggooch gibe” iye.

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Yaasi 23:12

“Tunebaani Yeer waanee gubb shokiꞌi, hini ittoshi daggooch echeꞌi beeti bare aageteenaꞌona tookkii ikkittinoon geddii, naacheꞌi, boonoshi maache bushiishoon ittoshi shaagigaata woyee ittoshi maache bushiishoon boonoshich ittoshi shaakkiigaata,