Iziri 8:18 - Kafa Linguistics Project

¹⁸ No Nuggishoo gaawe aafoona noon bi ciinnitoyich, no waan boonoshi deebito, Israꞌeeli bushoo, Lewi bushoo, Mahili yaroochee tuneti shalligechi asho Sherebiyin, bi bushiisheenaꞌonaa bi xibeenaꞌonon geddii aaraa shimitteenaꞌoniye;

Iziri 8:18 ပူးပေါင်းရင်းမြစ်များ

1 Kiinoo 6:1

Lewichi anaami bushiisheenaꞌo: Gerishooni, Qohaatinaa Meraarinane.

1 Kiinoo 6:19

Meraarichi anaami bushiisheenaꞌo: Mahilinaa Muushinane. Lewi yoodee qaabbechi niheenaꞌo boonoshi yoodi yoodoona eboshine:

1 Kiinoo 6:4

Elazaari Finihaasin shiyihe; Finihaasi Abishuwin shiyihe;

2 Kiinoo 30:22

Hiziqiyaasiyoo Doono Yeerich maddoona shalligechinaꞌo tuneti Leweenaꞌo bullin bi yibbaatoona kupphiihe. Asheenaꞌo ikkittinee deejjoonoo deejjiibee, boonoshi qaabbechinaꞌochi Nuggishoo Doono Yeerin galleteebee, baaree maayoon shabaatte qemon maaheete.

Iziri 7:9

Bi Nuggishoo gaawe aafoona biin bi ciinnitoyich, Baabloonee showoochee batti batti agenee ikkinnee qemooba tiyiꞌi, uuchinnee agenee batti batti qemooba Yerusaalem shaggiye.

Iziri 8:16

Ebich ukkireenaꞌo tuneti Elezeerin, Arelin, Shemayaahin, Elinaataanin, Yariibin, Elinaataanin, Naataanin, Zakaariyaasinaa Meshulaaminon, wotta shalligechi Yoyariibinaa Elinaataaninon ta waan boonoshi woyemmoyich wochiiho.

Iziri 8:19

wotta Hashabiyin, Meraari yaroochee tuneti Yeshaayin, bi xibeenaꞌonaa boonoshi bushiisheenaꞌonon geddii hiyeenaꞌoniye;

Iziri 8:22

Ebiyee aaf taatoyich “Yeeri biin qaawii beetinaꞌon gaawe aafoona ciinnii beetone; tunebaani biin qajjitinaꞌo bulli toommooch bi kaaree shiixxoon kindiyemmone” iyaꞌa getteto noone. Ebich yeellaꞌa gommeexi etteenaꞌo waanee noon boonoshi quyemmoyich, ginee naayinaꞌonaa hareshechinaꞌonon taatoo waanee echeyaano taane.

Iziri 8:24

Aroochee qeeshee ukkireenaꞌoochee aaraa gutteenaꞌon kaacco; ta kaacceto, Sherebiyin, Hashabiyinaa boonoshina tookkii aashire boonoshi xibeenaꞌononiye;

Nehimi 10:12

Zakuuri, Sherebiyi, Shebaniyi,

Nehimi 12:24

Leweenaꞌochi ukkireenaꞌo Hashabiyi, Sherebiyi, Qadimeeli bushoo Yaasi, Yeer asho Daawiti gettitoommon, boonoshi maneenaꞌo ciinooch neexeꞌi, kaalli kaalloona Yeerin galletee naadii beeheete.

Nehimi 2:8

Wotta yaafee kechi gaꞌooch beeti xaqqee uxeree kelleenaꞌoyich, katemee uxeroyich, ta beeyemmi kexoyichoo mixon taach bi immemmoyich, taatoochi shaaroon (kubboon) quyeebeeti Asaafich koorichoo kooreebe” iyo. Ta Nuggishoo gaawe aafoona taan bi ciinnitoyich, taatoo ta qolleton immiye.

Nehimi 8:7

Asho bi xaaꞌi xaaꞌooch neexeechaa, Leweenaꞌo, eboshiyoo Yaasi, Baniyi, Sherebiyi, Yamiini, Aquubi, Shabetaayi, Hodiyi, Maseyaahi, Qeliixi, Azariyaasi, Yozabaadi, Hanaaninaa Felayahina sheeroon boonoshich biichii gettii beeheete.

Shaahiyoo 24:3

Kexo shalligoona hakkehe; manji bi beeyemmoyichoo gaboona shuuneehe.

Shaahiyoo 3:6

Ne gommo bullina biin ariibe; biyoo ne gommon neech kaachemmone.

Erimiyaasi 3:15

“ ‘Ta gaboo bullin ceechemmi qiddeenaꞌon ittoshich immemmo taane; boonoshiyoo ariyoona, shalligoonoo ittoshin qiddemminaꞌone.

Daaneeli 1:20

Boonoshiyoo taatoo boonoshin echeti mooyo bullin ariyoonaa shalligoona bi taatee showoo bulliich beeti kaayechinaꞌonaa allaameenaꞌo bullinoyee aashire kishoon beshiꞌi bekkeheete.

Haddoo 3:20

Meraari bushiisheenaꞌo boonoshi gumbi gumboona Mahilinaa Muushinane. Lewichi gumbeenaꞌo boonoshi qaabbechinaꞌo yari yaroona eboshine.

1 Qorontoosi 14:20

Ta maneenaꞌote! Gonde mooyoyich nallefoon tunebotalli, gabee shappoona gaggereyaahote; gaboona dicciti ashoon tunebote.