Iziri 7:13 - Kafa Linguistics Project

¹³ “Ta taatittinee daggooch beeti Israꞌeeleenaꞌoochee, qeesheenaꞌonaa Leweenaꞌonoochee Yerusaalem hamma qaawiibeeto koniyoona neenna tookki bi hammemmoyich awaajjoon kichito taane.

Iziri 7:13 ပူးပေါင်းရင်းမြစ်များ

2 Kiinoo 30:5

Kooreetoommon meeti asho kiceetaa baaree ariyaano bi tunetoyich, Beshee Baaroon Israꞌeelee Nuggishoo Doono Yeerich baariya asheenaꞌo Yerusaalem woyemmoyich, Beershaabee Daan beddaahaa awaajjo getteyemmoyich, maacciyeete.

Iziri 1:3

Bi asheenaꞌoochee ittoshi daggooch beeti asho koniyoona Yihudee showooch beeti Yerusaalem, damba hambe; bi Nuggishoo biinna tookki tunebe. Yerusaalem beeti, Nuggishoo, biyoo Israꞌeelee Nuggishoo Doono Yeerichi kexon hage.

Iziri 5:13

“ ‘Tunebaani taatoo Qiroosi Baabloonee showooch bi taateti, batti batti natooba, hini Yeerichi kexon boonoshi haggemmoyich awaajjoon kichiye.

Iziri 6:1

Arooba taatoo Daariyoosi Baabloon beeti qiicee kexooch koteti mazgabo bosheyemmoyich gettiye.

Asteeri 3:15

Taatoo getaa, wocheyechinaꞌo afaafinoona kechii hammiyeete. Wotta awaajjo inde katemoo Suusaa getteehe. Taatoonaa Hamaanina woyinee uyoon ucha koteheete; tunebaani Suusi katemoo oogichii keqqiye.

Asteeri 9:14

Taatoo ebi tunemmoyich gettiye; awaajjo Suusaa getteehe. Hamaanichi aashire anaami bushiisheenaꞌo dubeno yooddehe.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 148:6

Boonoshin bulli yemeenooch manjii neechitone; shaddeyaani sheeroona boonoshin qociitone.

Daaneeli 6:26

Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane. “Biyoo bulli yemeenoon beeti, beeyechi Nuggishoone; bi taatittinoon koniyoona ciroona aalliyoon hakkaanoone; bi hajjiibeetoo ciirooch beddaahaane.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.