Iziri 7:1 - Kafa Linguistics Project

^1-6 Ebiyee gubb, Faariisee taatoo Arta Yekisesi taateti yemeenooba, Iziri Baabloonee showoochee waahe; biyoo qeeshee guudo Harooni bushoo, Elazaari bushoo, Finihaasi bushoo, Abishuwi bushoo, Buqiihi bushoo, Uuzi bushoo, Zerahiyi bushoo, Merayooti bushoo, Azariyaasi bushoo, Amariyi bushoo, Akixuubi bushoo, Sadooqi bushoo, Shaluumi bushoo, Hiliqiyi bushoo, Azariyaasi bushoo, Seraayi bushoone. Iziri Israꞌeelee Nuggishoo Doono Yeeri Muusich immiti sheeroon gaawichii ariibeeti, sheeree dojjechone. Bi Nuggishoo Doono Yeeri gaawe aafoona biin bi ciinnitoyich, bi echeto bullin taatoo biich immiye.

Iziri 7:1 ပူးပေါင်းရင်းမြစ်များ

2 Taateenaꞌo 22:4

“Qeeshee guudo Hiliqiy waan hambe; asheenaꞌo waanee kellechinaꞌo kicaa Doono Yeerichi yaafee kexooch giyiti gijjoo ambicho gaata bi haddeyemmon tuniibe.

2 Taateenaꞌo 22:8

Aroochee qeeshee guudo Hiliqiyi koorechi Shafaanich: “Sheeree Macaafoon Doono Yeerichi yaafee kexoochee daneto taane” iye. Hiliqiyi macaafoon Shafaanich immiye. Shafaaniyoo ebi macaafoon shemmehe.

2 Taateenaꞌo 25:18

Taatoo quyee naayinaꞌochi iraashoo Naabuzaridaani qeeshee guudo Seraayin, bi gaachoo Sofoniyaasinaa Yeerichi yaafee kechi kelloon quyeebeeti keejje iraasheenaꞌonon yechii daammiye.

1 Kiinoo 9:11

yaafee kechi ukkiroo Akixuubi bushoo, Merayooti bushoo, Sadooqi bushoo, Meshulaami bushoo, Hiliqiyi bushoo Azariyaasi;

2 Kiinoo 34:15

Hiliqiyiyoo koorechi Shafaanich “Sheeree Macaafoon Doono Yeerichi yaafee kexoochee daneto taane” iye. Aroochee macaafoon Shafaanich immiye.

2 Kiinoo 34:9

Boonoshiyoo qeeshee guudo Hiliqiy waan hammiyeete; kellee quyechi Leweenaꞌo kiciꞌi Doono Yeerichi yaafee kexooch giijjiti gijjoo qeeshee guudo Hiliqiyich ichehe. Ebi gijjoo Minaasi yoodeenaꞌo waanee, Efreemi yoodeenaꞌo waanee, Israꞌeelee cureenaꞌo waanee, Yihudi yoodo bullinaa Biiniyaami yoodo bullina waanee, Yerusaalem beeti asho bulli waanee kiceeti gijjoone.

Iziri 4:7

Faariisee taatoo Arta Yekisesi yemeenooboo, Bishilaami, Mitiredaati, Xabeelinaa boonoshiyoommi iraasheenaꞌona Arta Yekises waan koorichoon kooriyeete. Koorichoo bi kooreeto, Araamee biroonaa Araamee noonoona tunemmona bi shemmeyemmo biisheenane.

Iziri 6:14

Ebich keemechi Haaginaa Iidi bushoo Zakaariyaasina keemaa, Ayihudee geeneenaꞌo kexon haggiyeete; boonoshichoo kaamehe. Israꞌeelee Nuggishoochi getoommon, wotta Faariisee taateenaꞌo Qiroosi, Daariyoosinaa Arta Yekisesinochi getoommon, yaafee kexon haggii qanniiheete.

Iziri 7:10

Iziri Doono Yeerichi sheeroon doyoonaa tuniyoonon, wotta Israꞌeeleenaꞌoyich qociyoonaa doyoonon dojjoonoo ta shuuna itone.

Iziri 7:12

“Taateenaꞌochi taatoo Arta Yekises waanee, shimaajji Nuggishoochi sheeree dojjechi qeeshoo Izirich: Diggoo neech tunebe.

Iziri 7:21

“Efiraaxisee beqachi woraafooch beeti araaqee iraasheenaꞌote, Arta Yekisesi ta, ittoshi bullich ebin getteto taane: Shimaajji Nuggishoochi sheeree dojjechi qeeshoo Iziri ittoshi waanee bi qaawimmo amoonolla biich gaawichiree imbote.

Nehimi 11:11

yaafee kechi ukkiroo Akixuubi bushoo, Merayooti bushoo, Sadooqi bushoo, Meshulaami bushoo, Hiliqiyi bushoo Seraayinaa

Nehimi 2:1

Taatoo Arta Yekisesi taateti hiyinnee natooba, Nisaani agenooch, taatoo aafooch woyinee uyo giddehooba, uyoon tiijjaꞌa taatoyich immeho. Ebiyee aaf bi aafooch buuchaꞌa bekkeyaano ta tunetoyich,

Nehimi 8:1

Ebiyooba asheenaꞌo bulli ikke kashoon tuneꞌi, Aachi Kellee ciinooch beeti addibaabooch kiceeheete. Aroochee Doono Yeeri Israꞌeeleenaꞌoyich Muusina bi immiti Sheeree Macaafoon sheeree dojjechi Iziri deebemmoyich gettiyeete.