Iziri 6:8 - Kafa Linguistics Project

⁸ “Wotta hini Ayihudee geeneenaꞌo Yeerichi kexon wochinnoon boonoshi haggemmoyich ebin ittoshi tuniyemmoyich getteto taane: Shuunoo neexeyaachemmoyich, Efiraaxisee beqachi woraafooch beeti showoochee waabeeti gibiroochee, taatoochi gijjoochee hini shuunoyich kechemmi gijjoo bullin hini geeneenaꞌoyich imbote.

Iziri 6:8 ပူးပေါင်းရင်းမြစ်များ

Iziri 4:16

Ebi katemoo wochinnoon bi shuunee gaata, bi uxeroo uxeree gaata, Efiraaxisee beqachi woraafooch amee mooyolla neech aallo bi tunoon taatoyich arichiibeeto noone” ii beetone.

Iziri 4:23

Taatoo Arta Yekisesichi koorichoo Rehuuminaa koorechi Shimishayinochi aafoochaa, wotta boonoshiyoommi iraasheenaꞌo aafoochaa shemmeehe; boonoshiyoo bekkech Yerusaalem beeti Ayihudeenaꞌo waan hammiꞌi, giidoona shuunoon boonoshi neechemmoyich tuniiheete.

Iziri 5:5

Tunebaani boonoshi Nuggishoo gaawe aafoona Ayihudee geeneenaꞌon bi ciinnitoyich, ebi mooyo Daariyoos waan shaggiꞌi, wochoo koorichoona waammi wottoon, shuunoon boonoshi neechemmoyich tuniyaaneenaꞌone.

Iziri 6:14

Ebich keemechi Haaginaa Iidi bushoo Zakaariyaasina keemaa, Ayihudee geeneenaꞌo kexon haggiyeete; boonoshichoo kaamehe. Israꞌeelee Nuggishoochi getoommon, wotta Faariisee taateenaꞌo Qiroosi, Daariyoosinaa Arta Yekisesinochi getoommon, yaafee kexon haggii qanniiheete.

Iziri 6:4

Keejje kuxo ogooge xaqqoona, ikke kuxo mixona shuuneebe; gijjoo taatoochi ginjabeetoochee ichebe.

Iziri 6:7

qayote; Yeerichi kexo hakkeebe. Ittoshi qayaa, Ayihudee iraashoonaa Ayihudee geeneenaꞌona hini Yeerichi kexon wonnee bi xaaꞌooch wochi hageete.

Iziri 6:9

Shimaajji Nuggishoo Yeerich micciibeeti deejjoyich qaawiibeeti wurinaꞌon, ogooge bagee baaddoonaa gishiishi bagee baaddoonon, wotta Yerusaalem beeti qeesheenaꞌo echee beetoommon, teepphoon, kiihon, woyinee uyoonaa zayitoonon qemi qemona kuxaanoon boonoshich imbote.

Iziri 7:14

Yihudee showoonaa Yerusaaleminooch beeti asheenaꞌo, ne waan beeti, ne Nuggishoochi sheerooch kooreetoommon, shuunee beetinaꞌo boonoshi tunoon echeree ne xiishemmoyich, taatoo taannaa shabaatte ta mikkirechinaꞌona neen wocheto noone.

Nehimi 11:23

Qemi qemona boonoshi maddeebeeti maddoon ciinnii beetona shoddechinaꞌoyich taatoo qociiti qociyoo beetone.

Nehimi 2:8

Wotta yaafee kechi gaꞌooch beeti xaqqee uxeree kelleenaꞌoyich, katemee uxeroyich, ta beeyemmi kexoyichoo mixon taach bi immemmoyich, taatoochi shaaroon (kubboon) quyeebeeti Asaafich koorichoo kooreebe” iyo. Ta Nuggishoo gaawe aafoona taan bi ciinnitoyich, taatoo ta qolleton immiye.

Daaneeli 6:26

Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane. “Biyoo bulli yemeenoon beeti, beeyechi Nuggishoone; bi taatittinoon koniyoona ciroona aalliyoon hakkaanoone; bi hajjiibeetoo ciirooch beddaahaane.

Haagi 2:8

Birewoo taachone; aachoo taachone.