Iziri 4:3 - Kafa Linguistics Project

³ Tunebaani Zerubabeeli, Yaasinaa echeti Israꞌeeleenaꞌochi yaree ukkireenaꞌona wochiꞌi, “No Nuggishoo kexon hagoyich noonnaa ittoshinon daniyemmi mooyo amolla aalloone. Faariisee taatoo Qiroosi nooch gettitoommon, Israꞌeelee Nuggishoo Doono Yeerichi kexon no baach haggemmo noone” iyeete.

Iziri 4:3 ပူးပေါင်းရင်းမြစ်များ

2 Kiinoo 36:22

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosichi mullo bi tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 1:1

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosi mullo tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Iziri 1:3

Bi asheenaꞌoochee ittoshi daggooch beeti asho koniyoona Yihudee showooch beeti Yerusaalem, damba hambe; bi Nuggishoo biinna tookki tunebe. Yerusaalem beeti, Nuggishoo, biyoo Israꞌeelee Nuggishoo Doono Yeerichi kexon hage.

Iziri 3:8

Yerusaalem beeti Yeerichi kexooch boonoshi waati, guttinnee natooba, guttinnee agenooch, Shelateeli bushoo Zerubabeelinaa Yotsedeeqi bushoo Yaasina, echeti, boonoshi maneenaꞌo tuneti qeesheenaꞌonaa Leweenaꞌona kecoochee Yerusaalem wotteti asheenaꞌo bullina tookkii shuunoon wonniyeete. Boonoshi eeno hiye natonaa ebiyee damboona tuneti Leweenaꞌon, Doono Yeerichi yaafee kexon boonoshi shuuniyemmoyich ukkiriiheete.

Nehimi 2:20

Tawoo wochaꞌa, “Shimaajji Nuggishoo nooch kaachemmone. Ebich bi guuno no tiyiree shuunemmo noone. Tunebaani Yerusaalem ittoshich qoodoo, woraashee taroonaa shalligeyemmi mooyolla aalloone” iyaꞌa boonoshich getto.

Isiyaasi 44:28

Qiroosin ‘Ta asheenaꞌon qiddemmone; aroo ta daaggoo bullin ceechemmone’ gettemmo taane; Yerusaaleminoo ‘Wochinnoon shuuneyemmine’ gettemmo taane. Yaafee kexonoo ‘Ne heco hecceyemmone’ gettemmo taane” iye.

Isiyaasi 45:4

Taan ariyoo ne qajjetaanona, ta guuno Yaaqobicha iyaꞌa, ta kaacceti Israꞌeelicha iyaꞌa, ne shigoona neen ceeggeto taane; oogee shigoon neech immeto taane.

Maatiyoosi 10:16

Daakkiꞌi Yesuusi ishichiye: “Ellebote, bagoochoommon okereenaꞌo daggooch ittoshin wochemmo taane. Ebich dingeroochoommon accecho, uggechoommon duuroo tunebote.

Yowannisi 4:9

Shamaarechi ure wochaꞌa, “Ne Ayihudee asho tunaachaa, Shamaarechi ta waanee aabichaꞌa aacon ucha qollenne?” iyan. Bi ishichito, Ayihudeenaꞌoyich Shamaareenaꞌona tookkii yesho aallo bi tunetoyichiye.

Mishiraachechinaꞌo 8:21

Ne mullo Yeeri aafooch kaamoo toonoone; ebich hini shuunee gogecho tunoon hakkaachine.