Iziri 3:13 - Kafa Linguistics Project

¹³ Asheenaꞌo qaaro oogichiꞌi bi dullitoyich, emiroona ililii beetinaꞌochi qaaroon eeppii beetinaꞌochoyee bariyoon hakkito koniyoona aalloone; qaaroo wohoochaa waayee beehe.

Iziri 3:13 ပူးပေါင်းရင်းမြစ်များ

1 Taateenaꞌo 1:40

Boonoshiyoo shumburoon huggii, oogichii cookii ililiibee, bi hillooch dabbii hammiyeete; boonoshi cookoochee tiyitona showoo shuuriye.

1 Taateenaꞌo 1:45

Qeeshoo Sadooqinaa keemechi Naataanina Giyooni aachi Xuuphoochaa huuttiꞌi taatiitinaꞌone. Aroocheenoo emiroona kechiyeete. Katemoo bi dullito ebinane. Ittoshi waayeti qaaro ebine.

Iziri 3:12

Aafi Yeerichi kexon beeggiti, geeneenaꞌo tuneti, meeti qeesheenaꞌo, Leweenaꞌonaa yaree ukkireenaꞌona hini yaafee kechi xaqqo hecceyoon boonoshi beeggiyooba, qaaroon oogichiꞌi eeppiyeete; tunebaani meetinaꞌo emiroona qaaroon oogichiꞌi ililii beeheete.

Iziri 4:1

Kecoochee wottetinaꞌo Israꞌeelee Nuggishoo Doono Yeerichi yaafee kexon hagooch boonoshi beemon Yihudinaa Biiniyaaminochi yoodeenaꞌochi etteenaꞌo boonoshi waayehooba,

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Shoddo 5:11

Tunebaani ne shoobooch giyitinaꞌo bulli emiribeete; bulli aabooch emiroona shoddebeete; ne shigoon shunnii beetinaꞌo neenna oogichi boonoshi emiremmoyich, ne boonoshich deebo tunebe.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Erimiyaasi 50:4

Doono Yeeri ishichiye: “Ebiyoobee yemeenoonaa ebiyoobee aaboonooch Israꞌeelee asheenaꞌonaa Yihudee asheenaꞌona tookki woyemminaꞌone; eefibee woyemminaꞌone; boonoshi Nuggishoo Doono Yeer waan wottemminaꞌone.

Zakaariyaasi 4:7

“Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.

Woraaferasheenaꞌo 2:5

Ebi are xaaꞌoon Bokiimi iꞌi shigiiheete; ebi aroochaa Doono Yeerich deejjoon deejjiyeete.

1 Saameeli 4:5

Doono Yeerichi wogee taabooto boonoshi beetooch bi shaggimmona, Israꞌeeleenaꞌo bulli oogichiꞌi ililiyeete; showoo shuuriye.