Iziri 3:11 - Kafa Linguistics Project

¹¹ Boonoshinaa boonoshina kaalli kaalloona shoddoon kofeebee, “Deꞌoone; bulli yemeenoon Israꞌeeleenaꞌoyich shoodechone” iꞌi shoddoona Doono Yeerin galleteheete. Doono Yeerichi kechi xaqqeenaꞌo heccetoyich, asheenaꞌo bulli Doono Yeerin galleteebee ooge qaaroona ililiyeete.

Iziri 3:11 ပူးပေါင်းရင်းမြစ်များ

1 Kiinoo 16:34

Deꞌo bi tunetoyich Doono Yeerin galletebote; bulli yemeenooch shoodechone.

1 Kiinoo 16:41

Boonoshina tookkii Hemaaninaa Yedutuunina, wotta bulli yemeenee bi shoodoyich Doono Yeerin boonoshi galletemmoyich bariitaa kaacheti, bareenaꞌoo beetinaꞌone.

2 Kiinoo 5:13

Tiroon huggii beetinaꞌonaa shoddechinaꞌona Doono Yeerin galletee oogiibee: “Deꞌo bi tunetoyich, bulli yemeenoon shoodecho bi tunetoyich, Doono Yeerin galletebote” iibee ikke kashoona qaaroon oogichiꞌi, tiroona, qaaxilloonaa shoddee qiico bullina Doono Yeerin galleteheete. Boonoshi galletemmona, qubo Doono Yeerichi yaafee kexooch ceenniye.

2 Kiinoo 7:3

Israꞌeelee asho bulli qaaqqoo kindoon, Doono Yeerichi oogee yiiroo yaafee kechi toommooch bi beemonoo beeggiꞌi, baroona showooch guufeechii, “Doono Yeeri deꞌoone; bulli yemeenoon shoodechone” iibee goyinneheete; galleteenoo iyeete.

Nehimi 12:24

Leweenaꞌochi ukkireenaꞌo Hashabiyi, Sherebiyi, Qadimeeli bushoo Yaasi, Yeer asho Daawiti gettitoommon, boonoshi maneenaꞌo ciinooch neexeꞌi, kaalli kaalloona Yeerin galletee naadii beeheete.

Nehimi 12:40

Ebina Yeerin galleteebeeti, gutte kambee shoddechinaꞌo yaafee kexooch shaggiꞌi boonoshi xaaꞌi xaaꞌoon yechiyeete; wotta taannaa taanna tookkii beeti ukkireenaꞌoochee qatinaꞌona no xaaꞌoon yechehon.

Shoddo 100:5

Ebiyoo Doono Yeeri deꞌo bi tunetoyichiye; biyoo bulli yemeenoon shoodechone; bulli shiijjerooch beddaahaa gibeneetone.

Shoddo 103:17

Tunebaani Doono Yeerichi shoodo biin shattii beetinaꞌoyich bulli aaboochee bulli aaboochiye; bi cadiqittinoo bushaa bushooch beddaahaa boonoshi toommoochiye.

Shoddo 106:1

Haleluya! Deꞌo bi tunetoyich, Doono Yeerin galletebote; bulli yemeenooch shoodechone.

Shoddo 107:1

Doono Yeeri biishetinaꞌote, etto kishoochee bi wodiitinaꞌote, aabi-keyo waaninaa aabi-gimo waaninoochee, dambi-waaninaa deshi-waaninoochee, bare showoocheenoo deebii bi kicitinaꞌote, deꞌo bi tunetoyich, bi shoodo bulli yemeeneecho bi tunetoyich, Doono Yeerin galletebote.

Shoddo 118:1

Deꞌo bi tunetoyich, Doono Yeerin galletebote; bulli yemeenee shoodechone.

Shoddo 131:1

Doono Yeero, geecoona ta qelloon yeephaano taane; qillifoonoo ciixaano taane; taach maggoo tuneti, ta gaboyee beshiti mooyoyich, aaxxiyaache.

Shoddo 135:3

Deꞌo bi tunetoyich, Doono Yeerin galletebote; shoodecho bi tunetoyich bi shigoyich shoddebote.

Shoddo 47:1

Macceenaꞌote, ittoshi bulli kishoon koppebote; qaaroon oogichiꞌi shoddoona Yeerich ililibote.

Shoddo 47:5

Yeeri ililoona, Doono Yeeri shametee qaaroona, damba kechiye.

Keyo 15:21

Miiriyamiyoo “Oogoona beshii bi oogetoyich, hareshoonaa hareshechonon baharooch bi dichitoyich, Doono Yeerich shoddebote” iibee shoddoon boonoshich yaggahan.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Haagi 2:3

Haagiyoo “Doono Yeeri ishichiye: ‘Hini kexo ebiyee aaf am shaahe oogee yiirecho gaata beeggiti ashoochee echeto ittoshi daggoochee konine? And amoon tuneꞌi ittoshich bekkeebeete? Ebi and ittoshi ciinnich am bedaano toone?

Zakaariyaasi 4:7

“Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Luqaasi 1:50

Shiijjeroochee shiijjerooch beddaahaa Yeerichi ariqqo biin shattii beetinaꞌoyich beeyemmone.

Yaasi 6:10

Yaasiyoo ginee naayinaꞌoyich, “Bunnebote; ta immi wottoon, bunneyaahote; qaareyaahote; ittoshi noonoochee ikke qaarolla kechaaye. Ittoshi bunnemmo, bunnebote, ta getigaatane” iye.

Yaasi 6:16

Shabaattinnee guudoochaa qeesheenaꞌo tiroon huggiyona, Yaasi ginee naayinaꞌoyich ishichiye: “Doono Yeeri hini katemoon nooch immitone; bunnebote.

Yaasi 6:5

Aroochee ikke wottoon tiroo kuxaanoon hukketaa ittoshi waayehooba, bekkech ginee naayinaꞌo bulli oogeti qaaroona bunnebeete. Arooba katemee xaqqee uxeroo gugummii dihemmone; ginee naayinaꞌoo boonoshi ikkikkoona keyiree, boonoshi neexetoochaa maac yixi gibeete” iye.