Iziri 3:10 - Kafa Linguistics Project

¹⁰ Gimbeyneenaꞌo Doono Yeerichi yaafee kechi dechi xaqqoon batt boonoshi heccaahaa, qeesheenaꞌo yaafee kechi maddee tahoon tahee, tiroon (waaringoon) yechiꞌi, wotta Asaafi shiijjeroo tuneti Leweenaꞌo qaaxilloon yechiꞌi, Israꞌeelee taatoo Daawitichi getoommon, Doono Yeerin galletoyich neexeheete.

Iziri 3:10 ပူးပေါင်းရင်းမြစ်များ

1 Kiinoo 15:24

Qeesheenaꞌo tuneti Shebaniyi, Yoshafeexi, Netaaneli, Amasayi, Zakaariyaasi, Beenayinaa Elezeerina Yeerichi taabootee aafoochaa tiroon huggii beeheete. Obeed Edoominaa Yehiyahinoo wotta taabootee kechi kelloon quyechinaꞌone.

1 Kiinoo 15:27

Daawiti muttee tuppoochee shippeti tahoon tahetone; taabootoon shaaggiti Leweenaꞌo bulli, shoddechinaꞌonaa shoddechinaꞌonochi ukkiroo Kananiyina wotta muttee tuppoochee shippeti tahoon tahetinaꞌone. Daawiti wotta muttee tuppoochee shippeti efoodoon tahetone.

1 Kiinoo 16:37

Qemi qemoyich bi qoceetoommon, Asaafinaa bi maneenaꞌona Doono Yeerichi taabootee aafoochaa bulli aaboon boonoshi maddemmoyich Daawiti tuniihe.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 23:5

awudda humoon kellechinaꞌo, wotta awudda humoon aroyicha iꞌi bi qanniiti shoddee qiicoona Doono Yeerin galletechinaꞌo tuniihe.

1 Kiinoo 25:25

Aaraa shimittinnee ixoo Hanaanich, bi anaami bushiisheenaꞌonaa bi maneenaꞌonoyich kechiye; boonoshiyoo aaraa gutteenaꞌone.

2 Kiinoo 35:14

Ebiyee gubb, boonoshinaa qeesheenaꞌonoyich qanniiheete. Ebiyoo Harooni bushiisheenaꞌo tuneti, qeesheenaꞌo xum beddaahaa micciibeeti deejjoonaa awuyonon deejjii beetinaꞌo boonoshi tunetoyichiye. Ebich Leweenaꞌo boonoshinaa qeesheenaꞌonoyich qanniiheete.

2 Kiinoo 35:15

Daawiti, Asaafi, Hemaaninaa taatoochi yaaꞌechi Yedutuunina qociitoommon, Asaafi yareenaꞌo tuneti shoddechinaꞌo boonoshi xaaꞌooch beetinaꞌone. Kello bulliich beeti kellechinaꞌo quyeebeeti xaaꞌoochee baroo boonoshich qaawiyaanoone; ebiyoo boonoshi maneenaꞌo tuneti Leweenaꞌo boonoshich qannii beetoyichiye.

2 Kiinoo 5:12

Shoddechi Leweenaꞌo bulli, eboshiyoo Asaafi, Hemaani, Yedutuuni, boonoshi anaami bushiisheenaꞌonaa boonoshi maneenaꞌona muttee tuppoochee cicii yokketaa shippeti tahoon tahee, qaaxilloon, ooge ximboonaa giishi ximboonon yexxii kaachiibee, deejjee gudee gaꞌooch, aabi-keyo waanaa neexee beeheete. Boonoshina tookkiinoo balli hiye qeesheenaꞌo tiroon (waaringoon) huggii beeheete.

Iziri 2:41

Wotteti shoddechinaꞌochi haddoo ebine: Asaafi yaroochee balli hiyaa shimittoone.

Iziri 5:16

Arooba ebi Sheshibasaari waaꞌi, Yerusaalem beeti, Yeerichi kechi xaqqee hecoon hecciye. Aroobee aaboochee tiijjiꞌi hanaach beddaahaa hakkeeniye bi beeto; tunebaani batt ciireyaanoone’ iyeete.

Shoddo 150:5

Qaaxilloona biin galletebote; shaalliibeeti qaaxilloona galletebote.

Haagi 2:15

“Wotta Doono Yeeri ishichiye: ‘Eke illa and, xaqqoon xaqqee toommooch keddeꞌi, Doono Yeeri ta yaafee kexon hagooch ittoshi gimoyee aaf tuneti mooyon shalligibote.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

Zakaariyaasi 4:6

Aroochee taach ishichiye: “Zerubabeelich getteeti Doono Yeerichi qaaro ebine: ‘Zerubabeelo, ebin ne tuniyemmo ta Ayaanoonalli hakkoona woyee giidoona toonoone’ iye Beshe Mawe Doono Yeeri.

Zakaariyaasi 4:7

“Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

1 Saameeli 22:18

Taatoo, Doogin “Ne boonoshin wuxibe” iye. Edoomechi Doogi boonoshin wuxiye. Arooba muttee tuppoochee shippeti efoodoon taheti shinnaa uuche qeesheenaꞌon wuxiye.