Iziri 2:2 - Kafa Linguistics Project

² Boonoshi wottetoo, Zerubabeelina, Yaasina, Nehimina, Seraayina, Relaayina, Mordokiyoosina, Bilishanina, Misifaarina, Bigiwayina, Rehuuminaa Banaahina tookkiiniye. Kecoochee wotteti Israꞌeelee doonjeenaꞌo haddoo ebine:

Iziri 2:2 ပူးပေါင်းရင်းမြစ်များ

Iziri 1:11

Aachoonaa birewoonoochee shuuneeti qiico bulli uuche humaa awudde balloone. Sheshibasaari ebi bullin Baabloonee showoochee, kecoochee Yerusaalem wotteebeeti asheenaꞌona tookkii daammiye.

Iziri 1:8

Faariisee taatoo Qiroosi Yeerichi kechi qiicoon, araaqee iraashoo tuneti Mitiredaati, Yihudee iraashoo Sheshibasaari aafoochaa haddiree biich bi immemmoyich tuniihe.

Iziri 2:1

Baabloonee taatoo Nabukadinatsori Baabloon keccii bi daammiti asheenaꞌoochee Yerusaaleminaa Yihudee showooch beeti boonoshi katemi katemoonooch wotteti asheenaꞌo eboshine:

Iziri 2:3

Farooshi yaroochee gutte humaa ikke ballaa shabaa guttoo;

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Iziri 4:3

Tunebaani Zerubabeeli, Yaasinaa echeti Israꞌeeleenaꞌochi yaree ukkireenaꞌona wochiꞌi, “No Nuggishoo kexon hagoyich noonnaa ittoshinon daniyemmi mooyo amolla aalloone. Faariisee taatoo Qiroosi nooch gettitoommon, Israꞌeelee Nuggishoo Doono Yeerichi kexon no baach haggemmo noone” iyeete.

Iziri 4:8

Iraashoo Rehuuminaa koorechi Shimishayina taatoo Arta Yekisesich, Yerusaalem beeti asheenaꞌo toommooch ishichiibeeti koorichoon kooriyeete.

Iziri 5:2

Ebich Shelateeli bushoo Zerubabeelinaa Yotsedeeqi bushoo Yaasina Yerusaalem beeti Yeerichi kexon shuunoyich tiyiyeete. Boonoshin gaachemmi Yeerichi keemechinaꞌo boonoshina tookkii beetinaꞌone.

Iziri 8:1

Taatoo Arta Yekisesi taatee yemeenooba, taanna tookkii Baabloonee showoochee waati yaree iraasheenaꞌonaa boonoshi shiijjereenaꞌona eboshine:

Nehimi 10:15

Buuni, Azigaadi, Beebayi,

Nehimi 12:47

Zerubabeelinaa Nehiminochi yemeenooboo, Israꞌeeleenaꞌo bulli shoddechinaꞌonaa kellechinaꞌonoyich boonoshi qoodoon qemi qemona immii beeheete; Leweenaꞌoyichoo boonoshi qoodoon immiyeete; Leweenaꞌo are qoodoochee Haroonichi yareenaꞌoyich boonoshi qoodoon immiyeete.

Haagi 1:1

Taatoo Daariyoosi taateti guttinnee natooba, shirittinnee agenee ikkinnee qemooba, Doono Yeeri keemechi Haagina, Yihudee iraashoo, Shelateeli bushoo Zerubabeelinaa Yehotsedeeqichi bushoo, qeeshee guudo Yaasinoyich bi gettiti qaaro:

Haagi 1:12

Aroochee Shelateeli bushoo Zerubabeelinaa Yehotsedeeqichi bushoo, qeeshee guudo Yaasina echeti curo bullina tookkii boonoshi Nuggishoo Doono Yeerichi qaaroon, wotta boonoshi Nuggishoo Doono Yeeri biin bi wochetoyich, keemechi Haagichi qaaroonoo waayeheete. Asheenaꞌoo Doono Yeerin shattiyeete.

Haagi 1:14

Doono Yeeriyoo Shelateeli bushoo, Yihudee iraashoo Zerubabeelichi mullo, wotta Yehotsedeeqichi bushoo, qeeshee guudo Yaasichi mulloonaa echeti curo bullichi mulloona tiyemmoyich tuniihe. Boonoshiyoo taatoo Daariyoosi taateti guttinnee natooba, shirittinnee agenee hiyaa awuddinnee qemooba, boonoshi Nuggishoo Beshe Mawe Doono Yeerichi kexon hagooch giyiyeete.

Haagi 2:21

“Yihudee iraashoo Zerubabeelich, ‘Showoonaa shimaayoonon shuurikkiya ii beeto taane;

Haagi 2:4

Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.

Zakaariyaasi 3:1

Bare yaaꞌoona qeeshee guudo Yaasi Yeerichi maraakoo aafooch neexeꞌi bi beetaa Doono Yeeri taach bekkiihe. Sheexaanoo Yaasin taggeya bi qanne badd neexeꞌi beehe.

Zakaariyaasi 3:3

Yaasiyoo wooreti tahoon taheꞌi maraakoo aafooch neexee beehe.