Iziri 2:1 - Kafa Linguistics Project

¹ Baabloonee taatoo Nabukadinatsori Baabloon keccii bi daammiti asheenaꞌoochee Yerusaaleminaa Yihudee showooch beeti boonoshi katemi katemoonooch wotteti asheenaꞌo eboshine:

Iziri 2:1 ပူးပေါင်းရင်းမြစ်များ

2 Taateenaꞌo 25:11

Aroochee taatoo quyee naayinaꞌochi iraashoo Naabuzaridaani Yerusaalem echeti asheenaꞌo bullin, koyoon qajjiꞌi Baabloonee taatoo waan wottetinaꞌonaa eche dofee asheenaꞌonon keccii Baabloonee showooch daammiye.

1 Kiinoo 9:1

Israꞌeelee asho bulli bi yari yaree woretoona kobereetone. Ebiyoo Israꞌeelee taateenaꞌochi mazgabooch kotetone. Yihudee asheenaꞌo boonoshi axaaxee naboona Baabloonee showooch kecaa hammitinaꞌone.

1 Kiinoo 9:2

Batti batt boonoshi katemi katemooch beeti boonoshi showooch wottetinaꞌo, ikkikke Israꞌeeleenaꞌo, qeesheenaꞌo, Leweenaꞌonaa yaafee kechi maddechinaꞌonane.

Iziri 1:11

Aachoonaa birewoonoochee shuuneeti qiico bulli uuche humaa awudde balloone. Sheshibasaari ebi bullin Baabloonee showoochee, kecoochee Yerusaalem wotteebeeti asheenaꞌona tookkii daammiye.

Iziri 2:2

Boonoshi wottetoo, Zerubabeelina, Yaasina, Nehimina, Seraayina, Relaayina, Mordokiyoosina, Bilishanina, Misifaarina, Bigiwayina, Rehuuminaa Banaahina tookkiiniye. Kecoochee wotteti Israꞌeelee doonjeenaꞌo haddoo ebine:

Iziri 2:70

Qeesheenaꞌo, Leweenaꞌonaa ikkikke bare asheenaꞌona Yerusaalem koteheete; shoddechinaꞌo, kellechinaꞌo, yaafee kechi maddechinaꞌonaa echeti Israꞌeeleenaꞌona boonoshi katemi katemooch koteheete.

Iziri 5:8

“Yihudee showooch, ooge Nuggishoo kexooch hammeto no tuno taatoyich arichebe. Kexoo ogooge xaqqoona shuunee beetone; bi duuhoo booree xareeti mixona shuunee beetone. Ebi shuunoo kupphiitaa shuunee beetone; boonoshi kishoonoo shuunoo kaamee beetone.

Iziri 6:2

Meedee woraafooch beeti, Ekibataani getteebeeti inde katemoochee ishichiibeeti mooyo arooch kooreeꞌi qoddeti ikke macaafo danehe: “Shalligichoo:

Iziri 8:35

Arooba kecoochee wottetinaꞌo, Israꞌeelee Nuggishoyich micciibeeti deejjoyich Israꞌeeleenaꞌo bullichi qoodooch aaraa gutte wuron, yixenaa shiritte ogooge bagee baaddoon, shabaa shabaatte gishiishi bagee baaddoon, wotta axaaxee deejjoyich aaraa gutte emmishee baaddoon giddiiheete; ebi bulli Doono Yeerich micciibeeti deejjoone.

Nehimi 12:1

Shelateeli bushoo Zerubabeelinaa Yaasina tookkii wotteti qeesheenaꞌonaa Leweenaꞌona eboshine: Seraayi, Erimiyaasi, Iziri,

Asteeri 1:1

Hiindee showoochee tiijjiꞌi Topphiyee showooch beddaahaa beeti balli hiyaa shabaatte woraafeenaꞌon hajjiibeeti, taatoo Yekisesi yemeenooba ebi tunehe.

Asteeri 1:11

“Gennee abeeti Ashixiini taatee kechi gubbichoon ukeree hiniich bi woyemmoyich tuniibote” iꞌi gettiye. Bi ishichito, gennee abeeti malletechi bi tunetoyich, bi malletoon iraasheenaꞌonaa asheenaꞌo bullinoyich bekkiiya bi qaawitoyichiye.

Asteeri 1:3

bi taateti keejjinnee natooba bi showooch beeti iraasheenaꞌonaa ukkireenaꞌonoyich gifiroon geddiye. Faariisee showoonaa Meedee showoonochi ginee iraasheenaꞌo, taatee kechi mikkirechinaꞌonaa woraaferasheenaꞌona bi waan waaꞌi ebi gifirooch danetinaꞌone.

Asteeri 1:8

Uyo ebine, getteyaani woddoone; woyinee uyee qoomechinaꞌo asheenaꞌoyich boonoshi qaawitoommon boonoshi immemmoyich taatoo gettitone.

Asteeri 8:9

Siwaani getteebeeti keejjinnee agenee hiyaa keejjinnee qemooba ebi tunehe; taatoochi koorechinaꞌo ceegaa waaꞌi, Mordokiyoosi boonoshich gettito bullin Hiindee showoochee tiijjiꞌi Topphiyee showooch beddaahaa, balli hiyaa shabaatte woraafooch beeti Ayihudeenaꞌoyich, iraasheenaꞌoyich, woraaferasheenaꞌonaa geppee taateenaꞌonoyich kooriyeete. Ebi mooyo kooreeto, woraafeenaꞌooch beeti asheenaꞌo yibbaateebeeti baribare noonoonaa boonoshi kooriibeeti baribare biroona tunemmona, Ayihudeenaꞌoyich wotta boonoshi noonoonaa boonoshi biroonane.

Isiyaasi 48:20

Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Erimiyaasi 50:19

Israꞌeelee asheenaꞌon boonoshi showooch wochemmo taane; Qermeloosi guudonaa Bashaani showoonooch shaggito bullin maayemminaꞌone; Efreemi guudonaa Gilaadee showoonoochaa, boonoshi michimmi wottoon maayemminaꞌone.

Shoosho 1:3

Yihudee asheenaꞌo guuchittinoonaa xuuxoona beebee, aroochee kecaa hammiyeete; aageteenaꞌo daggooch koteheete; aroochaa tooqqii kashoon mucceheete; boonoshi etteetinaꞌo bulli, xuuxeꞌi boonoshi beetaa daneheete.

Shoosho 1:5

Bi axaaxoo woddee naboona Doono Yeeri biin xuuxiitoyich, bi etteenaꞌo biin hajjiyeete; bi etteenaꞌoyichoo kaamehe; boonoshiyoo aaf gasheꞌi, bi bushiisheenaꞌon keccii daammiyeete.

Shoosho 4:22

Tsiyooni asheenaꞌote, ittoshi xuꞌee naxo ciiretone; Doono Yeeriyoo ebiyee bekk ittoshi kecceyemmoyich tuniyaachemmone. Tunebaani Edoomi asheenaꞌote, ittoshi xuꞌoyich naxeyemmo ittoshine; ittoshi axaaxoo xalla bekkemmone.

Sofoniyaasi 2:7

Curo tuneꞌi echeti Yihudee asheenaꞌo ittoshi showoon hajjemminaꞌone; boonoshi bagoonoo arooch quyemminaꞌone; Ashiqeloona beeti kexooch giyiree arooch qeyemminaꞌone. Boonoshi Nuggishoo Doono Yeeri boonoshina tookki tunemmone; beemon boonoshich mashaamiyemmone.

Mishiraachechinaꞌo 23:34

Iraashoo Filikisi koorichoon bi shemmetoyee gubb, “Amee showee asho neene?” iꞌi echehe. Kiliqee asho bi tunoon bi ariitoyee gubb,