Iziri 10:11 - Kafa Linguistics Project

¹¹ Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Iziri 10:11 ပူးပေါင်းရင်းမြစ်များ

2 Kiinoo 30:22

Hiziqiyaasiyoo Doono Yeerich maddoona shalligechinaꞌo tuneti Leweenaꞌo bullin bi yibbaatoona kupphiihe. Asheenaꞌo ikkittinee deejjoonoo deejjiibee, boonoshi qaabbechinaꞌochi Nuggishoo Doono Yeerin galleteebee, baaree maayoon shabaatte qemon maaheete.

Iziri 10:10

Arooba qeeshoo Iziri tiyii neexeechii, “Dallaawe maacheenaꞌon ittoshi shaagona, Yeerich gibeneyaani asho tuneto ittoshine. Ebina Israꞌeeleenaꞌochi xuꞌee toommooch xuꞌoon daakkito ittoshine.

Iziri 10:12

Ebi kiceeti iiteenaꞌo bulli oogeti qaaroona, “Iberoone; ne gettetoommon tuniyemmo noone.

Iziri 10:3

Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

Iziri 9:1

Ebi mooyo tunetoyee gubb, ukkireenaꞌo ta waan waaꞌi, “Israꞌeeleenaꞌo, qeesheenaꞌo, Leweenaꞌonooch beddaahaa, Kanaaneenaꞌo, Hiteenaꞌo, Ferizeenaꞌo, Yebuseenaꞌo, Amooneenaꞌo, Moꞌabeenaꞌo, Gibitseenaꞌonaa Amooreenaꞌona tunii beetoommi eeꞌe mooyon tuniiheetani, showee toommeexi aageteenaꞌoyee baraaneenaꞌone.

Nehimi 13:3

Ebi are sheeroon boonoshi waayehooba, bacceeti dallaawe asho bullin Israꞌeeleenaꞌo daggoochee kichiyeete.

Nehimi 9:2

Israꞌeelee yareenaꞌo dallaawe asheenaꞌo waanee boonoshi qelloon bariiheete; neexeꞌi boonoshinaa boonoshi qaabbechinaꞌonochi axaaxoon aanniyeete.

Shoddo 32:5

Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Isiyaasi 56:4

Doono Yeeri ishichiye: “Ta shambetoon oogiibeeti, taan emirikkiibeeti mooyon tuniibeeti, ta wogoonoo ceechiibeeti guruusheenaꞌoyich,

Erimiyaasi 3:13

‘Ne Nuggishoo Doono Yeeri toommooch hukkoon tiijjoona ne gondeti gondoon, waajjechi michi baatoo bulliichaa dallaawe nuggisheenaꞌoyich goyinnoona shunee ne mamon, ta qaaroonoo waayee ne qayon, ebi ne gondoon baach ariibe’ iye Doono Yeeri.

Erimiyaasi 7:3

Israꞌeelee Nuggishoo Beshe Mawe Doono Yeeri ishichiye: Ittoshi gommonaa ittoshi shuunoonon gaawichibote; hini xaaꞌooch ittoshin kotiyemmo taane.

Hiziqeeli 18:30

“Israꞌeelee macceenaꞌote, ebich bi gommi gommoommona asho bi ikkikkoochi toommooch nallemmo taane, iye Nuggishoo Doono Yeeri. Gondoochee wottebote; axaaxoo xugoon ittoshich bi tuneyaachemmoyich ittoshi xuꞌo bulliichee wottebote.

Yowannisi 9:24

Ebich aaf doogo tuneꞌi beebee and ciinniti uroon wochinnoon ceeggiꞌi, “Yeerichi oogoyicha getiree iberoon yibbaatebe; hini uro axaaxecho bi tunoon no ariibeeto noone” iyeete.

Roomi 12:2

Gaawetonaa biin emirikkii beetona, shappaalloonoo tuneti Yeerichi daaggoon xiishii ariyoon ittoshi hakkemmoyich, Yeeri andire mulloon bi imaa andirebotalli, hini alemeexi asheenaꞌochi mooyon dabbiyaahote.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Yaasi 7:19

Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.