Iziri 10:1 - Kafa Linguistics Project

¹ Iziri yaafee kechi maachi godooch guufeꞌi, eeppiibee corootii, aannii bi beetaa, Israꞌeeleenaꞌoochee anaaminaꞌo, maacheenaꞌonaa bushiisheenaꞌona, dofee iitoo ikkotteꞌi bi waan kiceehe; boonoshiyoo wotta oogichii eeppiyeete.

Iziri 10:1 ပူးပေါင်းရင်းမြစ်များ

1 Taateenaꞌo 8:30

Ne guuno taannaa ne asheenaꞌo tuneti Israꞌeeleenaꞌona, hini xaaꞌoo waan wottaachaa, no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

1 Taateenaꞌo 9:3

Doono Yeeriyoo biich ishichiye: “Ta aafooch ne giddiiti corootoonaa qolloonon waayeto taane. Ta shigo arooch bulli yemeenoon bi beeyemmoyich ne shuuneti hini kexon yaafito taane. Ta mulloonaa ta aafoona bulli yemeenoon arooch tunemmone.

2 Kiinoo 20:13

Yihudee asheenaꞌo bulli boonoshi mecheenaꞌona, boonoshi bushiisheenaꞌonaa gaggereenaꞌona tookkii Doono Yeeri aafooch neexee beeheete.

2 Kiinoo 20:9

‘Gonde mooyo, ebiyoo, gino, woyee naxo, woyee biiyo, woyee shaacoo no toommooch bi waagaata, ne shigo beeti hini yaafee kechi ciinoochaa ne aafooch neexeechi, no iritee daggoochaa ne waan cookemmo noone; newoo no qolloon waayemmo neene; noonoo wodiyemmo neene’ iꞌiniye.

Iziri 10:6

Aroochee Iziri yaafee kechi maachi godoochee tiyiꞌi, Eliyashibi bushoo Yehohanaani kexooch giyiye; kecoochee wotteti asheenaꞌo gibeneeto tuno boonoshi qajjitoyich, muushenee beehe; maayoon maataanoone; aaconoo uyaanoone.

Nehimi 1:4

Ebi mooyon ta waayehooba, kotaachaa eeppeho; meeti aaboon muusheneho; shimaajji Nuggishoo aafooch coomaa corootaa beeho.

Nehimi 1:6

ne guuno ta xumoonaa areddoonon, ne guuno tuneti Israꞌeeleenaꞌochon ne aafooch ta corootaabeeti corootoon elle waayebe; taanoo ciine. Israꞌeelee asho no, axaaxoon shuunoona neen no xuqqeti xuꞌoon aannaabeeto taane. Taannaa ta qaabbechinaꞌochi kechi asheenaꞌona neen xuqqeto noone.

Nehimi 10:28

Echeti asheenaꞌo, ebi geto, qeesheenaꞌo, Leweenaꞌo, kellechinaꞌo, shoddechinaꞌo, yaafee kechi maddechinaꞌo, Yeerichi sheeroyicha iꞌi boonoshi guudoona beeti aageteenaꞌoyee boonoshi qelloon bariitinaꞌo bulli, boonoshi mecheenaꞌo, mooyon ariyoonaa shalligoonon hakkiti boonoshi anaami bushiisheenaꞌonaa maache bushiisheenaꞌo bullina wogoon giyiyeete.

Nehimi 8:9

Showee iraashoo Nehimi, qeeshoo, sheeree dojjechi Izirinaa asheenaꞌon dojjiibeeti Leweenaꞌona asheenaꞌo bullich “Hanaachi aabo no Nuggishoo Doono Yeerich yaafeeti aaboone. Ayini eeppaahote; tuumishoo gettaahote” iyeete. Ebiyoo asheenaꞌo bulli Yeerichi qaaroon boonoshi waayehooba, boonoshi eeppii beetoyichiye.

Shoddo 119:136

Asheenaꞌo ne sheeroon quyo boonoshi qajjitoyich, ta aafo acimoona taabbehe.

Shoddo 32:5

Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Erimiyaasi 13:17

Tunebaani elloon ittoshi qayigaata, ittoshi geecoyich aashoona eeppemmo taane; Doono Yeerichi bageenaꞌo keccetoyich, ta aafoo caame eeppemmone; acimoonoo qapphillemmone.

Erimiyaasi 9:1

Wuxeeti ta asheenaꞌoyich, xumoonaa areddoonon ta eeppemmoyich, ta qello aacon, ta aafo acimee tunoon tuneshoo geta!

Daaneeli 9:20

Tawoo corootii ta beetaa, ta axaaxoonaa ta asheenaꞌo tuneti Israꞌeeleenaꞌo axaaxoonon aannii ta beetaa, bi yaafe geppoochon ta Nuggishoo Doono Yeerin qollaabee

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Maatiyoosi 3:6

Boonoshi axaaxoon boonoshi aannaa, Yoordaanoosi aacoochaa boonoshin Yowannisi afaallii beehe.

Luqaasi 19:41

Yesuusi Yerusaalem shagg beddiꞌi katemoon ciinniichii eeppiibee ishichiye:

Mishiraachechinaꞌo 10:30

Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi,

Mishiraachechinaꞌo 21:5

Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,

Roomi 9:2

Oogeti ayinoo, kuxeyaani xuuxoo ta mullooch beetone.

Yibbaatoo 31:12

Waayeree ittoshi Nuggishoo Doono Yeerin shaton boonoshi doyemmoyich, hini sheeree qaaroon ceechiree boonoshi quyemmoyich, asheenaꞌon, ebiyoo anaamon, maacheen, bushiisheenaꞌonaa ne beeti katemooch koteti shiqqoonon ceegi kicibe.

Yaasi 7:6

Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete.

Yaasi 8:35

Yaasi maacheenaꞌo, nallefeenaꞌo, Israꞌeelee iiteenaꞌo bullinaa boonoshi daggooch beeti shiqqeenaꞌonochi aafoochaa shemmehe. Muusi gettiti sheeree qaaroochee ikkoonolla echiyaanoone.