Iziri 1:4 - Kafa Linguistics Project

⁴ Yeerichi kexon haggoyich hammemmi asho bulli beeti amee showoocholla beeti asheenaꞌo Yerusaalem beeti, Yeerichi kexo hakkemmoyich, mullee daaggoona boonoshi immemmi wojjoon, wotta birewoon, aachoon, qiicoonaa gijjeenaꞌonon giddiyoona biin gaachebeete” iye.

Iziri 1:4 ပူးပေါင်းရင်းမြစ်များ

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

1 Kiinoo 29:3

Ta Nuggishoo kexon ta shunnetoyich, ebi yaafee kexoyich ta qanniito bulliyee beshoon, ta hajjoo tuneti aachoonaa birewoonoochee ta Nuggishoo kexoyich immeto taane.

1 Kiinoo 29:9

Asheenaꞌo boonoshi hajjee daaggoona boonoshi immitoyich, boonoshi ceeni mulloona Doono Yeerich boonoshi giddiitoyich, emiriyeete. Taatoo Daawitiyoo oogichii emiriye.

2 Kiinoo 31:14

Lewoo, aabi-keyo waanee kelloon quyeebeeti, Yimini bushoo Qoori, mullee daaggoona Doono Yeerich icheti gijjoonaa yaafeeti mooyinaꞌonon qoodoyich ukkirehe.

Iziri 1:3

Bi asheenaꞌoochee ittoshi daggooch beeti asho koniyoona Yihudee showooch beeti Yerusaalem, damba hambe; bi Nuggishoo biinna tookki tunebe. Yerusaalem beeti, Nuggishoo, biyoo Israꞌeelee Nuggishoo Doono Yeerichi kexon hage.

Iziri 1:5

Yihudinaa Biiniyaaminochi yoodee yaree ukkireenaꞌo, qeesheenaꞌo, Leweenaꞌo, boonoshi mulloon Yeeri shuurikkitinaꞌo bulliyoo, Yerusaalem beeti Doono Yeerichi kexon hagoyich, hamma tiyiyeete.

Iziri 9:15

Israꞌeelee Nuggishoo Doono Yeero, ne cadiqo neene; ebich hanaach wodaꞌa, curo tunaꞌa echeto noone. Ebiyoche, no axaaxoona tookkaa ne aafooch giddeto noone; no axaaxee naboona koniyoona ne aafooch neexoon hakkaanoone” iyo.

Keyo 35:29

Doono Yeeri Muusina bi gettiti shuunoyich tunemmi mooyo amoonolla imoyich boonoshi mullo tiyiti Israꞌeeleenaꞌo bulli, anaaminaꞌonaa maacheenaꞌona, mullee daaggoona Doono Yeerich wojjoon deebiyeete.

Isiyaasi 10:21

Cureenaꞌo wottemminaꞌone; Yaaqobichi cureenaꞌo Giidechi Nuggishoo waan wottemminaꞌone.

Mishiraachechinaꞌo 24:17

“Yerusaalemee kechaꞌa meeti nato beshetoyee gubb, ta asheenaꞌoyich tunemmi degee gijjoon imonaa Yeerich ichemmi deejjoon giddiyoonoyich Yerusaalem wottaꞌa hammoye.

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.