Iziri 1:2 - Kafa Linguistics Project

² Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Iziri 1:2 ပူးပေါင်းရင်းမြစ်များ

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

2 Kiinoo 2:12

Kiraami daakkiꞌi ishichiye: “Doono Yeerich yaafee kexon, wotta bi qellich taatee kexon bi shuunemmoyich mullechi, ariyechi, shalligechi bushoon taatoo Daawitich immiti, showoonaa shimaayoonon halliti, Israꞌeelee Nuggishoo Doono Yeeri diireeton tunebe.

Iziri 1:5

Yihudinaa Biiniyaaminochi yoodee yaree ukkireenaꞌo, qeesheenaꞌo, Leweenaꞌo, boonoshi mulloon Yeeri shuurikkitinaꞌo bulliyoo, Yerusaalem beeti Doono Yeerichi kexon hagoyich, hamma tiyiyeete.

Iziri 3:7

Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.

Iziri 4:3

Tunebaani Zerubabeeli, Yaasinaa echeti Israꞌeeleenaꞌochi yaree ukkireenaꞌona wochiꞌi, “No Nuggishoo kexon hagoyich noonnaa ittoshinon daniyemmi mooyo amolla aalloone. Faariisee taatoo Qiroosi nooch gettitoommon, Israꞌeelee Nuggishoo Doono Yeerichi kexon no baach haggemmo noone” iyeete.

Iziri 5:15

“Ebi qiicoon yeshiree hambe; Yerusaalem beeti yaafee kexooch kotiibe. Yeerichi kexoo wonnee bi xaaꞌooch wochinnoon hakkebe” iye.

Iziri 6:10

Ebiyoo, shimaajji Nuggishoon emirikkemmi deejjoon boonoshi giddiyemmonaa taatoonaa bi bushiishoonochi diggoyich boonoshi corootemmonoyichiye.

Iziri 6:3

“Taatoo Qiroosi bi taateti, batti batti natooba ishichiꞌi awaajjoon kichiye: Yerusaalem beeti, deejjoonaa buuroonon giddiiꞌi boonoshi deejjiibeeti xaaꞌoo tuneti, Yeerichi kexo wochinnoon hakkeebe; bi xaqqee hecoo hechebe; bi neexo shiche hiroo, bi gidoo shiche hiroo tunebe.

Iziri 7:12

“Taateenaꞌochi taatoo Arta Yekises waanee, shimaajji Nuggishoochi sheeree dojjechi qeeshoo Izirich: Diggoo neech tunebe.

Nehimi 1:4

Ebi mooyon ta waayehooba, kotaachaa eeppeho; meeti aaboon muusheneho; shimaajji Nuggishoo aafooch coomaa corootaa beeho.

Nehimi 1:5

Tawoo ishichiyo: “Shimaajji Nuggishoo Doono Yeero, neen shunnii beetinaꞌonaa ne getoon quyee beetinaꞌonoyich ne giyeti wogoon ceechaabeeti, kuxeyaani ne shunoonoo bekkiyaabeeti, oogoonaa shattiitona tuneti Nuggishoocho,

Shoddo 136:26

Shimaajji Nuggishoyich galletoon giddiibote; bulli yemeenoon shoodechone.

Shoddo 85:2

Ne asheenaꞌochi gondoon shaaddaa beshemmo neene; boonoshi axaaxoo bullin maarimmo neene.

Shaahiyoo 21:1

Taatoochi mullo Doono Yeerichi kishoochiye; biyoo woce aacochoommon bi daaggito waan wochiye.

Isiyaasi 41:2

“Aabi-keyo waanee ikkoon tiijjito, bi hammito bulliichaa wudoon daniito konine? Aageteenaꞌon bi aafooch beshiiꞌi immiye; taateenaꞌoo biich hajjeyemmoyich tuniihe; bi goraadoona boonoshin quttoon tuniihe; bi maꞌoonoo yongo daammiibeeti maaxxoon tuniihe.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 44:28

Qiroosin ‘Ta asheenaꞌon qiddemmone; aroo ta daaggoo bullin ceechemmone’ gettemmo taane; Yerusaaleminoo ‘Wochinnoon shuuneyemmine’ gettemmo taane. Yaafee kexonoo ‘Ne heco hecceyemmone’ gettemmo taane” iye.

Isiyaasi 45:1

Aageteenaꞌo biich hajjeyemmoyich, taateenaꞌochi giidoon bi giishiyemmoyich, kello bi aafooch hicheyaanoon, qechoo bi tunemmoyich, bi qannoona bi yechiti, bi huuttiti Qiroosich, Doono Yeeri ishichiye:

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Erimiyaasi 27:5

‘Showoon, showee toommooch beeti asheenaꞌonaa cooxinaꞌonon ooge ta hakkoona wottoo yaggeeti ta mochoona hallito taane; ta ciinaa gaawetoyich ebin immemmo taane.

Erimiyaasi 29:10

Doono Yeeri ishichiye: “Baabloonee showooch ittoshi koteti shabe nato ceeniyooba ittoshin guudi beeggemmo taane; ta qaaroon ceechoona hini showooch ittoshin wochemmo taane.

Daaneeli 1:21

Daaneeliyoo taatoo Qiroosi taateti ikkinnee nati wottoon taatee kexooch shuuneebee beehe.

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 2:28

Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Daaneeli 6:25

Aroyee gubb, taatoo Daariyoosi showee toommo bulliich beeti, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bullich ishichiꞌi kooriye: “Diggoo ittoshich tunebe!

Yoonaasi 1:9

Biyoo “Ta Hibiree asho taane. Baharoonaa showoonon halliti, shimaajji Nuggishoo Doono Yeerichiye ta goyinnaabeeto” iye.