Iyoobi 7:21 - Kafa Linguistics Project

²¹ Ta axaaxoon amoyich maaraachine? Ta xuꞌoonoo amoyich ta waanee wokkiyaachine? Illa and maash hammemmo taane; taan ne qaawaa, daneyaachemmo taane” iye.

Iyoobi 7:21 ပူးပေါင်းရင်းမြစ်များ

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

Iyoobi 10:14

Ebiyoo, axaaxoo ta shuunoon beegga qiiddaabeeto ne tunoone. Ebich ta axaaxoon maaremmon qajjehine.

Iyoobi 10:9

Nuuqqee qiicoochoommon taan ne shuunoon batteyaahine; and taan wochiree buttoon tuniyane ne iyaabeeto?

Iyoobi 13:19

Taanna taggemmo konine? Gondeto ta tunegaata, qaareyaanoon cikkibee qitibone.

Iyoobi 14:10

Tunebaani asho qitiꞌi giidaalloon tunehe; bi kasho kechitoyee damba illa daneyaache.

Iyoobi 17:14

Maashee oppoon, ‘Ta nihoocho’ ta meenon maayemmi hipperoonoo, ‘Ta indeene; ta maneene’ geti ceeggemmo taane.

Iyoobi 20:8

Gumo aallo aallemmone; daneshoo getaachemmone; xum bekkeebeeti yaaꞌoochoommon maxxemmone.

Iyoobi 27:19

Gaannecho tuneꞌi qeenooch qeyiye; tunebaani bi gaanno yagaachemmone; bi aafoon bi gaxxiyaa, bi gaanno bi beetoochee aallemmone.

Iyoobi 3:13

Ebi goora cikki tokketesho taane; tokketeshoo kashesho taane.

Iyoobi 33:9

Newoo ‘Ta, muricaalli xalloo taane; xuqqaa ariyaani xalle asho taane.

Iyoobi 7:8

And taan ciinnaabeeto neene; tunebaani wochinnoon beegaachemmo neene; taan ne qaawenoo daneyaachemmo taane.

Iyoobi 8:1

Aroochee Shuhee asho Bildaadi ishichiye:

Iyoobi 9:28

taan xalloo tuniiree ciinaachemmo ne tunetoyich, ta toommooch shaggemmi xuuxoyich shattoye.

Shoddo 103:15

Ashi yemeeno mocoommone; gaddeexi mocoochoommon bungiye.

Shoddo 37:36

Wochinnoon aroona beshaꞌa biin muccehoye; ta qaawaa arooch aallehe.

Dojjecho 12:7

showoo bi showa wotteyaan beetaa, kashe biin halliti Nuggishoo Yeer waan wotteyaan beetaa, neen Halliton gabibe!

Isiyaasi 26:19

Qititi ne asheenaꞌo kashechinaꞌon tunemminaꞌone; boonoshi dubeno qitoochee tiyemmone; showee daggooch beetinaꞌote, tibote; emiroonoo shoddebote. Wacciibeeti keetoo showoon bi shuxiyoommon, qitii yagitinaꞌo tiyiree, kashoona beeyemmoyich Doono Yeeri tuniyemmone.

Isiyaasi 64:9

Doono Yeero, shineree noon kaareyaahine; no axaaxoonoo bulli yemeenooch gabiyaahine; no bulliyona ne asho no tunoon gabibe.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

1 Yowannisi 3:5

Kiristoosi axaaxoon wokkiiya bi womon ariibeeto ittoshine; bi toommoochoo axaaxoo aalloone.