6 Shaawaani, kiikkaalli maayoon maayemmo konine? Gabexee daggeexi naccoo bi shaawo amoone?
Heciyoo maayoon nappheꞌi ariyoommon, waamo yibbaatoon barbariiꞌi ariyaache?
“Ebiyoommi meeti mooyon waayeto taane; ittoshi bulli qaakkiibeeti goggiyecho ittoshine.
Heciyoo maayi shaawon napphee bi ariyoommon, waamo yibbaatoon barbariiꞌi arii beetone.
Gibeneeti qaaro am shaahe giidechone; tunebaani ittoshi yibbaatoo gaacaalloone.
Ta heciyooch koote mooyo beete? Ta noonochi maree yibbaatoon ariyoon hakkaachehe?
Kubbi kuro bi maayemmi mocoo beetaa qaaddehe? Gattoo bi maayemmi gaferoo beetaa kuukkehe?
Ebiyoommi maayoon ta qettoo qajjitone; oogichii taan shixxiitone.
Ne qaaro am shaahoon taach shaawiye! Eeyoyee beshoon ta kookkooch noocciye.
Ne giddiibeeti maayi buuro bulliich kiihon geddemmo neene. Kiiho Doono Yeeri taanna tookkii ne giyeti wogoon shalligichiibeeto bi tunetoyich, taach ne giddiibeeti buuro kiikkaallo tunaaye. Ne giddiibeeti buuro bulliich kiihon gede’ iye.
“Showee toommooch beeti asheenaꞌo bullich ittoshi kiihoommo ittoshine. Tunebaani kiiho noocon bi qayigaata, amoona noociyeheete? Maaxooch kichi boonoshi dufaa, baatoona neecheyehalli, gubbich amoonolla gaacaache.
“Kiiho gaawetone; tunebaani kiiho noocon bi qayigaata, are kiihon amoona noociiyehote?
Boonoshi ikkikkoyich aabichiree tatoona ittoshi wochemmo gaata ittoshi ariyemmoyich, ittoshi yibbaatoo bulli aaboon kiihochoommon nooccii beetonaa emirikkii beetona tunebe.