24 “Taach dojjibote; tawoo cikki ellemmo taane; aabiichaa ta muricceto gaata taach bekkiibote.
Tawoo Yeerich ishichemmo taane; ‘Taanna ne taggaabeeti naboon taach getani, ta toommooch nalliyaahine.
Am shaahe axaaxoonaa xuꞌoononiye ta shuuneto? Eke ta axaaxoonaa ta muricoonon taach arichiibe.
Ittoshi yibbaatoon haaꞌiyaa waayaa beehoye; mooyon yexiiꞌi, ittoshi yibbaateebeeti, yibbaatoon ellaa beehoye.
“Illa and Iyoobo, ta yibbaatoon waayebe; ta gettaabeeti mooyo bullinoo ellebe.
Taach bekkeyaani ta axaaxoon taach arichiibe; xuꞌecho ta tunegaata, ebiyee gubb illa cuuqqoye’ bi getigaata gaawiye.
“Illa ebiyoche, ebi mooyon gaawichaa ciinnaꞌa iberoo bi tunoon ariito noone; ebin, elle waayeree deꞌa gete” iye.
woyee ta etto kishoochee taan wodiibote; woyee taan xuqqii beetinaꞌo kishoochee taan biishebote’ itote?
Gibeneeti qaaro am shaahe giidechone; tunebaani ittoshi yibbaatoo gaacaalloone.
Bi muricoon shalligoon hakkemmo konine? Aacheeti axaaxoochee ne taan xalliibe.
Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.
Mullechi ashi kaaro, deꞌa ii waayemmi ashich, waajji aachoommo, xalle aachoochee shuuneeti shashoommone.
Mullechon dojjibe; shalligoon daakkemmone. Cadiqe ashoon dojjibe; ariyoon daakkemmone.
Ta shunnaabeeti ta maneenaꞌote! Ebin shalligibote. Asho bulli waayoyich afaafinecho, yibbaatoyich nibbecho, kaaroyichoo nibbecho tunebe.
No bulli wodde mooyona muriccaabeeto noone; bi yibbaateebeeti yibbaatoona muricaano koniyoona bi beegaata, are asho bi hullimalloon quyo hakkiibeeti, shappaalli ceeni ashoone.