Iyoobi 6:14 - Kafa Linguistics Project

¹⁴ “Beshe Hakkechi Yeerin shaton qajjeto ta gaatoona, oogeti duꞌee toommooch ta beetoyich, gibeneeti nuuchoo taach beeyi bedoone.

Iyoobi 6:14 ပူးပေါင်းရင်းမြစ်များ

Halloo 20:11

Abrahamiyoo Abimeleekich ishichiye: “ ‘Hiniich Yeerin shattiibeeti asho aalloone; asheenaꞌo ta mecheyicha getiree taan wuxemminaꞌone’ iyaa ta gabitoyichiye.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Iyoobi 15:4

Ne, Yeerin shaton qajjeto neene; Yeer waan asho corootemmi gommon hicceto neene.

Iyoobi 16:5

Ta yibbaatoona ittoshin goggiyoon hakkesho taane; ta gettaabeeti mooyona qaaqqoochee ittoshin kashiyoon hakkesho taane.

Iyoobi 19:21

“Ta nuucheenaꞌote, taach ariqqebote; Yeerichi kishoo taan bi yexxitoyich, taach ariqqebote.

Shaahiyoo 17:17

Shunecho bi shunechon amee aaboobolla shunniye; manoo bi shiijjeebeeto iritee aaboobichiye.

Shaahiyoo 25:19

Gibeneyaane ashoon, iritee aabooba gibeno, shuuriti gashoon, woyee sheqqe baatoon gibenoommone.

Zakaariyaasi 7:9

“Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Luqaasi 23:40

Tunebaani bare ikkoo tiyiꞌi, “Bi toommooch nalleeti qitee nalloo ne toommooch wotta nalleetone. Illa amoyich Yeerin shataachine?

Roomi 12:15

Emirii beetinaꞌona tookki emiribote; eeppii beetinaꞌona tookki eefote.

1 Qorontoosi 12:26

Ikke quumo qaakkegaata, bareenaꞌo bulli tookkii qaakkeheete; ikke quumoyich oogo ichegaata, bareenaꞌo bulli tookkii emiriyeete.

2 Qorontoosi 11:29

Ikke asho maraategaata, biinna tookkii maraateyaachote? Ikke asho tephee bi dihigaata, ippeyaachehote?

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.

Hibireena'o 13:3

Boonoshina tookkii cucheton shaahiree cuchetinaꞌon gabibote; xuuxee toommooch beetinaꞌon ittoshi wotta boonoshichoommon xuuxee toommooch beeton shaahiree gabibote.