Iyoobi 42:8 - Kafa Linguistics Project

⁸ Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Iyoobi 42:8 ပူးပေါင်းရင်းမြစ်များ

Halloo 20:17

Doono Yeeri Abrahami mechee Saarichi naboona Abimeleeki kexooch beeti maacheenaꞌo bushoon boonoshi shiyaachemmoyich, boonoshi maacoon dookkitone. Ebich Abrahami Yeer waan corootiye. Yeeriyoo Abimeleekin wodiihe; wotta wochinnoon bushoon boonoshi shiyemmoyich, bi mecheenaa bi gonneenaꞌonochi maacoon qechiye.

Halloo 20:7

Illa ureen bi kenoyich wochibe. Biyoo keemechone. Neech corootemmone; newoo wodemmo neene. Tunebaani wochoo ne qayigaata, neennaa ne asheenaꞌo bullina qitemmo ittoshi tunoon ariibe” iye.

1 Kiinoo 15:26

Doono Yeerichi wogee taabootoon shaaggiti Leweenaꞌon Yeeri gaachetoyich shabaatte wuronaa shabaatte ogooge bagee baaddoonon deejjiyeete.

2 Kiinoo 29:21

Boonoshiyoo taatoochi kechi asheenaꞌonaa Yihudee asheenaꞌonochi axaaxee deejjoyich, wotta yaafee kexon yaafoyich shabaatte wuron, shabaatte ogooge bagee baaddoon, shabaatte gishiishi bagee baaddoonaa shabaatte emmishee baaddoonon deebiyeete. Taatoo qeesheenaꞌo tuneti Harooni bushiisheenaꞌon deejjee gudoochaa Doono Yeerich boonoshi deejjemmoyich gettiye.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Iyoobi 1:8

Doono Yeeriyoo Sheexaanoon, “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone” iye.

Iyoobi 22:30

Yeeri xalle ashoon bi wodii beetoyich, ne kishoo xalloo bi tunegaata, neenoo wodiyemmone” iye.

Iyoobi 35:8

Ne gonde shuunoo bi iritiyemmo, neenoommi ashooniye; cadiqo ne tuno bi gaaccemmo, ashi yarooniye.

Iyoobi 42:9

Ebina Temaanee asho Elifaazi, Shuhee asho Bildaadinaa Namaatee asho Soofaarina hammiꞌi Doono Yeeri boonoshich gettiton tuniiheete; Doono Yeeriyoo Iyoobichi qolloon waayehe.

Shoddo 103:10

No axaaxoommona noon naxeyaanoone; no gondoommona nooch qocaanoone.

Keyo 18:12

Ebiyee gubb, Muusichi abboo Yotoori micciibeeti deejjoonaa bare deejjeenaꞌonon Yeerich giddiihe. Aroochee Harooninaa Israꞌeelee ukkiroo bullina biinna tookkii Yeeri aafooch maayoon maaya waaheete.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Erimiyaasi 14:11

Doono Yeeri taach ishichiye: “Hini asheenaꞌochi diggittinoyich qolleyaahine;

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Hiziqeeli 14:14

ebi keejje asheenaꞌo Noohi, Daaneelinaa Iyoobina arooch boonoshi beetaanona, boonoshi cadiqittinoona boonoshi wodiyemmo boonoshi qelloon baachiye; ebin getteto Nuggishoo Doono Yeeri taane.

Hiziqeeli 45:23

Baaroo baareebeeti shabaatte qemooch, qemi qemona, bachaalli shabaatte gubbenoonaa shabaatte bagee baaddoonon micciibeeti deejjoyich Doono Yeerich giddiibe; axaaxee deejjoyichoo qemi qemona ikkikke emmishee baaddoon giddiibe.

Haddoo 23:1

Balaamiyoo Balaaqich ishichiye: “Shabaatte deejjee gudoon taach hiniich shuunebe. Shabaatte wuronaa shabaatte bagee baaddoonon taach hiniich qanniibe” iye.

Haddoo 23:14

Ebina Fisigi guudi toommooch beeti Yofiimi gaddooch biin daammiye. Arooch shabaatte deejjee gudoon shuunehe. Deejjee gudo bi ikkikkooch ikke wuronaa ikke bagee baaddoonon deejjiye.

Haddoo 23:29

Balaamiyoo Balaaqin “Shabaatte deejjee gudoon taach shuunebe. Shabaatte wuronaa shabaatte bagee baaddoonon taach qanniibe” iye.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

2 Ximootiyoosi 4:14

Gooshukkoo Iskindiroosi oogichii taan xuqqitone; Doono bi shuunoon wochiree biich gaaccemmone.

Hibireena'o 10:4

Ebiyoo, gubbeneenaꞌonaa emmisheenaꞌonochi damoo axaaxoon wokkiyoon hakkaano bi tunetoyichiye.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

Yaaqobi 5:14

Ittoshi daggoochee koniyoona biiyeto bi beegaata, kittinnee guuphon yaabiibeeti geeneenaꞌon bi waan ceege; boonoshiyoo Doono Yesuusichi shigoona zayitoon huutiree corootibeete.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.

1 Yowannisi 5:16

Wotta koniyoona ikke bi manoo qitooch biin bechaachemmi axaaxoon bi shuunee beetaa bi beegigaata, corootibe; arooba Yeeri ebi qitooch biin bechaachemmi axaaxoon shuuneebeeti uroyich kashoon immemmone. Ashoon qitooch bechiibeeti axaaxoo beetone; ebiyoommi axaaxoyich qollebe getaache.

1 Yowannisi 5:6

Aachi malletoonaa damee malletoona waati Yesuus Kiristoosi hinine. Biyoo aachi malletoonaa damee malletoonalli, aachi malletoona baach waataanoone. Ayaano iberoo bi tunetoyich, miixeebeeto Ayaanoone.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.

1 Saameeli 25:35

Aroochee Daawiti Abigeli biich bi deebeti mooyon bi kishoochee deqqiye. Biichoo “Ne kexooch diggoona hambe; ne getteton waayeto taane. Ne qolletonoo tuniyemmo taane” iye.