9 Ta mochoommi mochoo neech beete? Ta qaaro gigoommon, ne qaaro gigeebeete?
Diqqich ooge bi giidoon bekkiiree taanna taggehe? Taggeyaache; ta mooyon elleshiye bi waayemmo.
Gigeebeeti Yeerichi qaaroon waayebote; ciddiibeeti bi qaaroon waayebote.
Yeeri shalligechonaa giidechonane; biinna tookkii gajjiteeꞌi diggeto konine?
Doono Yeerichi qaaro baharee toommoochaa waayeehe; oogechi Nuggishoo gigehe; Doono Yeeri ooge baharee toommoochaa gigehe.
Doono Yeerichi qaaro giidechone; Doono Yeerichi qaaro oogee yiirechone.
Rahaabi getteebeeti cooxon qiccaa wuxihine; giidechi ne mochoona ne etteenaꞌon shaccehine.
Giidechi mochecho neene. Ne kishoo kupphoone; ne qanne kishoo kaama tiyitone.
Worganikkiti mooyinaꞌon bi tuniitoyich, bi qanne kishoonaa yaafe bi mochoona wudoon biich bi daniitoyich, Doono Yeerich andire shoddoon shoddebote.
“Doono Yeero, ne qanne mochoo giidechi oogee yiirechone. Doono Yeero, ne qanne kishoo ettoon yiikketone.
“Biin shuunetona tookkii kaaree beetoyich woowo! Aroo nuuqqee qiicoommone; nuuqqoo biin hacheton, ‘Amooniye ne shuuneebeeto?’ Woyee ‘Neech kishoo aalloone?’ gettehe?
Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.
Baabloono, shaachoon neech shaachito taane; newoo ebin ariyaano neene; Doono Yeeri toommooch tiyaꞌa ne danetoyich, yecheto neene.
Kiruubeenaꞌochi qosheenaꞌoochee kechiibeeti qaaro maachi addibaabooch beddaahaa waayeehe. Ebi qaaro Beshe Hakkechi Yeerichi yibbaatee qaaroommone.
Ebin tuniyoona Doonon Kiristoosin qanaatiibona? Nooch biyee beshe giidoo beete?
Ebin bi tuniito, Doono Yeerichi mochoo giidecho bi tunoon showee toommeexi aageteenaꞌo bulli ariyemmonaa ittoshiyoo, ittoshi Nuggishoo Doono Yeerin bulli yemeenoon ittoshi shattemmonoyichiye” iye.