Iyoobi 38:12 - Kafa Linguistics Project

^12-13 “Haree bekko showee tuggooch beddaahaa bekkeree, gondeenaꞌon boonoshi aashetoochaa bekkiyemmoyich, showoo haremmoyich, hari bi xallemmoyichoo ne halleetooch gettaa waayiya ariinne?

Iyoobi 38:12 ပူးပေါင်းရင်းမြစ်များ

Halloo 1:5

Bekkoon, “areddoo” ii shigiihe; manderoonoo, “xumo” ii shigiihe. Showoo xumeꞌi hariye; ebiyoo ikkinnee qemone.

Iyoobi 15:7

“Ne, ashoyee shiichaꞌaniye ne shiijjeto? Geppeenaꞌo halleyoyee shiichaꞌaniye ne shiijjeto?

Iyoobi 24:16

Gaayeenaꞌo xumoona ashi kexon iijjii giyiyeete; areddoon kexon hiccii aashee heechiyeete; bekkoon beeggii ariyaaneenaꞌone.

Iyoobi 38:11

‘Hinichi wottooch baach shage; ebin besheyaahine; giidechi ne aayo ebi gocon beshaaye’ ito, taane.

Iyoobi 38:21

Ebi arooba shiijjeto ne tunetoyich, ne eenoo yagoo bi tunetoyich, ebi bullin ariyoo qayaachine.

Iyoobi 38:4

“Showoon ta halliyooba ne aabiichiye ne beeto? Shalligaabeeto ne tunegaata, taach gete.

Iyoobi 8:9

Ebiyoo no yemeeno qaminnitoyich, amoonolla ariyaano no tunetoyichiye; wotta hini showee toommeexi no beemo yiirittoommo bi tunetoyichiye.

Shoddo 74:16

Areddoo neechone; xumoo neechone; aabeenaa ageneenon manjiito neene.

Amootsi 5:8

Fileyadeesinaa Oriyoonina getteebeeti xojjeneenaꞌon hallito, dunne manderoon hariibeeto, hariton xumiibeeto, baharee aacon wochiꞌi, showee toommona bi taheyemmoyich tuniibeeto, giidechinaꞌo toommooch aalloon deebiꞌi, boonoshi mishigoon happii aalliibeeto, bi shigo Doono Yeerine.

Luqaasi 1:78

No Nuggishoo maaco shaacaani ariqqechone; ebich maaddee aabo keyoommon damba shimaayoochee keyiree no waan woyemmone.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.