Iyoobi 37:24 - Kafa Linguistics Project

²⁴ Yeeri ‘Yiito noone’ iꞌi gabiibeeti asheenaꞌon aaxxiyaache; asho biin shattii bi beeto ebichiye” iye.

Iyoobi 37:24 ပူးပေါင်းရင်းမြစ်များ

Iyoobi 5:13

Yeeri accechi asheenaꞌon boonoshi acona yechiye; marechinaꞌochi maroon kaateree aalliyemmone.

Shoddo 130:4

Tunebaani ne waan maaroo beetone; ebich oogoon neech immehone.

Shoddo 33:8

Showoo bulli Doono Yeerin shate; showee toommooch beeti asho bulli keqqoona bi aafooch neexebe.

Shoddo 40:4

Doono Yeerin gibeneebeeto, koote nuggisheenaꞌon dabbiibeeti geecechinaꞌo waan wotteyaani asho, diireetone.

Dojjecho 9:11

Hini showee toommoochee bare mooyon beeggeho; ebiyoo, woco afaafinechinaꞌoyich, koyoo ginee anaaminaꞌoyich, kosho mullechinaꞌoyich, gaanno beelleenaꞌoyich, gaawe aafoona ciicheyoo ariyechinaꞌoyich, tunee bi qayoniye. Bulli mooyon daniibeeto deconaa ixoonane.

Isiyaasi 5:21

Boonoshi qelloona boonoshin ariyechonaa yiitoonon tuniiꞌi ciinnii beetinaꞌoyich woowo!

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Yoonaasi 1:16

Ebina markabechinaꞌo Doono Yeerin oogichiꞌi shattiyeete; Doono Yeerichoo deejjoon deejjiyeete; biichoo mookkeheete.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Luqaasi 10:21

Arooba Yesuusi Yaafe Ayaanoona oogichii emiriꞌi “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye. Iberoone, ta Nihoocho, ebin tuniyoyich gaaweti ne daaggoo tunetone” iꞌi Yeerin galletehe.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

1 Qorontoosi 1:26

Ta maneenaꞌote! Yeeri ittoshin bi ceegiyooba, am shaahe asho ittoshi gaata, eke shalligibote. Ittoshi daggoochee meetinaꞌo hini alemeexi ashi shalligoommi shalligechinaꞌo tooneenaꞌone; ittoshi daggoochee meetinaꞌo hini showeexi ashi giidoommi giidechinaꞌo tooneenaꞌone; ittoshi daggoochee meetinaꞌo hini showeexi ashi gaboochaa ogooge ashi yareenaꞌo tooneenaꞌone.

1 Qorontoosi 3:19

Hini alemeexi asho shalligoone iꞌi bi gabiibeeti mooyo Yeeri aafoochaa tuushittinoone. Ebiyoo “Yeeri shalligechinaꞌo getteetinaꞌon boonoshi acona boonoshin yechii beetone” getaa bi kooreetoommoniye.