3 Wohi xaaꞌoochee ta daneti ariyoona, taan halliti Yeeri cadiqo bi tunoon bekkiyemmo taane.
Aroochee Araami yaroochee tuneti, Buuzee asho Barakeelichi bushoo Elihi oogichiꞌi ippehe. Bi ippeto Iyoobi Yeerin gondiiꞌi bi qelloon xalloo bi tuniitoyichiye;
Tunebaani ashi toommooch beeti ayaano, Beshe Hakkechi Yeeri kachiti kasho, ashoon gabecho tunii beetone.
“Iyoobiyoo ‘Ta, xalloo taane; tunebaani Yeeri dayinnetoon ta waanee wokkiitone.
“Neech ta gettemmi Yeerichi mooyo bi beetoyich, giishechoon ne haaꞌiitaa neech getona.
Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.
‘Meenon taheti asho, Yeeri aafooch, cadiqo tunoon hakkehe? Biin Hallito aafooch, xalloo tunoon hakkehe?
Yeeri dayinnetoon dabii beetone? Beshe Hakkechi Yeeri kaame mooyon xummii beetone?
Doono Yeeri cadiqo bi tunetoyich cadiqee shuunoon shunniye; kaame asheenaꞌo bi aafoon beeggemminaꞌone.
Doono Yeeri bi gommo bullina cadiqoone; bi shuunoo bullina deꞌoone.
Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?
Ebich no Nuggishoo Doono Yeero, naxoon no toommooch qanniiꞌa deebehine. Ebin ne tuniito, ne getteton deꞌa iyaꞌa waayo no qajjetoyichiye; wottoo ne tuniibeeti mooyo bullina cadiqo ne tunetoyichiye.
“Ta Doonocho, ne, cadiqo neene. Tunebaani no hanaach yeelleto noone. Ebiyoo Yihudee asheenaꞌonaa Yerusaalem beeti asheenaꞌona, katinoonaa wohonooch boonoshin ne shacceti showoo bulliich beeti Israꞌeelee asho no bulliyoo neech gibeneeto tunoon no qajjetoyichiye.
Deshi-waanee waati taatee nallaa gallooba neexeree hini yemeeneexi asheenaꞌon taggemmine; ebiyoo Solomooni gettiibeeti shalligoon waayoyich showee tuggoochee bi waatoyichiye. Ebiyoche, Solomooniyee besho hiniich beetone” iye.
Illa ama gettehone? Yeeri gondoon shuunee beetone? Shuuneyaache!
Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.
Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.
Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.
Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.
Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!