Iyoobi 28:18 - Kafa Linguistics Project

¹⁸ Aaxxe dooqee gatiyoonaa wacciibeeti aaxxe xaqqee gatiyoonoyee, ceelle inqoyeenoo ariyee gatiyoo beshoone.

Iyoobi 28:18 ပူးပေါင်းရင်းမြစ်များ

Shaahiyoo 20:15

Aachoonaa ceelle inqoona beetone; tunebaani ariyoona yibbaateebeeti noonoo eboshiyee beshoone.

Shaahiyoo 3:13

Shalligoon daneti, goommii deꞌonoo hajjiti asho diireetone.

Shaahiyoo 3:15

Shalligoo ceelle inqoyee beshe aaxxoone; ne qaataabeeti mooyo bulliichee biinna tatemmo aalloone.

Shaahiyoo 31:10

Qoppechi mecheen koni danoon hakkehe? Aree ceelleinqoyee beshe oogeti aaxxeene.

Shaahiyoo 8:11

Shalligee ceelle inqoyee besheene; ittoshi qaatiibeeti mooyo aabiyona biinna tatoon hakkaache.

Shoosho 4:7

No iraasheenaꞌo baderoyee beshe xalleenaꞌo, ejjoyee beshe nacceenaꞌone; boonoshi ashittino ceelle inqoyee beshe gaangoone; sapiiroommi malletechinaꞌone.

Hiziqeeli 27:16

“ ‘Wodde qiico neech bi beetoyich, Sooriyee asheenaꞌo neenna tookkii giixee beeheete; ne qiiceenaꞌonoo maarigidoona, damere tahoona, bi toommooch shashiitaa shippeti qoreddoona, muttee tuppoochee shippeti qoreddoona, dooqoona, wottoo ceelle inqoona shaddii beeheete.

Maatiyoosi 7:6

“Shiixxi wotteree ittoshin boonoshi shacaachemmoyich, yaafeeton kunaaneenaꞌoyich immaahote. Wotta gudininaꞌo boonoshi baatoona boonoshi neexaachemmoyich, ittoshi inqoon boonoshi aafooch duppaahote” iye.

1 Ximootiyoosi 2:9

“Genneenaꞌo wotta yeelliyaani tate tahoon tahebeete” iyaꞌa daaggiyoye. “Yeerich no qelloon diiriito noone” ii beeti genneenaꞌoyich tato bi tunetoommon gaawe shuunoon shuunoonalli, tatoyee besheti qellee shippoona woyee aachoonaa bare aaxxe mooyona woyee aaxxoo tuneti tahoona boonoshi ashittinee shashiyoon daaggaache.

Yaaꞌoo 17:4

Damere tahoonaa maddoonon tahee, aachoonaa aaxxe xaqqeenaꞌona, inqeenaꞌonoo shashitine; bi kishoonoo ciigiiti mooyonaa shunee bi mami eeꞌoona ceenniti aachee xoofoon yechetine.

Yaaꞌoo 18:12

Boonoshi deebiibeeti qiiceenaꞌo, aachoo, birewoo, aaxxe xaqqeenaꞌo, inqeenaꞌo, muttee tuppoochee cicii yokketaa shippeti taho, damere taho, haaro getteebeeti nire qoreddoo, maddoo, cinnechi mixo bulli, dangichi gashoochee shuuneeti qiico bulli, oogeti aaxxe mixoochee shuuneeti qiico bulli, gooshoochee, xuuroochee, mallet gaawe xaqqoochee shuuneeti qiico bulli,

Yaaꞌoo 21:21

Katemee aaraa gutte kelleenaꞌo aaraa gutte inqeenaꞌone; ikke kello ikkikke inqoona shuuneetone. Katemee daggeexi gommo bi daggoona beshii bekkiibeeti burciqoommi xalle aachoona shuuneetone.